Mose IV, 20:4 - BAIBLO ALOO NGMAMI KLƆUKLƆU Ɔ

⁴ Mɛni he je nɛ o ngɔ wɔ, Yawɛ ma kpekpemi ɔ, kɛ wa lohwehi tsuo kɛ ba nga nɛ ɔ nɔ nɛ wa ba gbo ngɛ hiɛ ɔ?

Mose IV, 20:4 ပူးပေါင်းရင်းမြစ်များ

Mose II, 17:3

Se kuma ngɛ ma a yee, nɛ a tu munyu huitihuiti kɛ si Mose, nɛ a de ke, “Mɛni he je o je wɔ kɛ je Egipt nɛ o ma ha nɛ kuma ba gbe wɔ, wa bimɛ, kɛ wa lohwehi tsuo nɛ ɔ?”

Ni Tsumi 7:35

“Kikɛmɛ a Mose nɛ ɔ nɔuu nɛ Israel ma a ke a hla we lɛ, nɛ a bi ke, ‘Mɛnɔ lɛ wo mo wa nɔ matsɛ kɛ kojolɔ?’ ɔ, Mawu gu bɔfo ɔ nɛ je e he kpo tsɔɔ lɛ ngɛ pú ɔ mi ɔ nɔ, nɛ e tsɔ lɛ kaa e ba ye a nɔ nɛ e kpɔ mɛ.

La 106:21

Mawu, a kpɔlɔ ɔ nɛ tsu ní tsumi nguanguahi ngɛ Egipt ɔ, a hɛ je e nɔ.

Mose IV, 16:41

E nɔ jena a, Israel ma a tsuo hɔɔ nya si kɛ wo Mose kɛ Aaron, nɛ a de ke, “Nyɛ lɛ nyɛ gbe Yawɛ ni ɔmɛ ɔ nɛ.”

Mose IV, 11:5

Nyɛɛ hyɛ bɔ nɛ lo pueɔ si ngɛ Egipt nɛ a pee we he nɔ́ ko, nɛ wa yeɔ bɔ nɛ wa suɔ. Nyɛɛ hyɛ jamatlɛ ɔmɛ, atlɛ ɔmɛ, pui ɔ, kɛ sabola amɛ!

Mose II, 16:3

nɛ a de ke, “Wa ná nɛ Yawɛ gbe wɔ mohu ngɛ Egipt zugba a nɔ, he nɛ wa hii si ngɛ pɔ buɛhi a he, nɛ wa yeɔ ní wa tɔɔ ɔ. Hyɛ kaa nyɛ ngɔ wɔ kɛ ba nga nɛ ɔ nɔ, konɛ nyɛ ba gbe asafo nɛ ɔ tsuo kɛ mi mi hwɔ.”

Mose II, 5:21

Nɛ a de mɛ ke, “Yawɛ maa wo nyɛ hiɔ; ejakaa nyɛ ha wa he je fu wo Farao ɔ kɛ e tsɔli ɔmɛ, nɛ nyɛ ngɔ klaate ngɔ wo a dɛ mi nɛ a kɛ gbe wɔ.”

Mose IV, 14:2

Israel ma mluku ɔ tsuo hɔɔ nya si ngɔ wo Mose kɛ Aaron a he, nɛ a de ke, “Wa ná nɛ jinɛ wa gbo ngɛ Egipt zugba a nɔ, loo ngɛ nga nɛ ɔ nɔ po!

Manyadali 11:16

Benɛ Israel bi ɔmɛ je Egipt kɛ ma a, a gu nga a nɔ kɛ ya na Wo Tsu ɔ loko a ba Kadesh.

Mose IV, 11:20

Se mohu, nyɛ maa ye de lo nyɔhiɔ mluku kɛ yaa si be nɛ e maa je kpo ngɛ nyɛ gugwɔ puɔ mi, nɛ e maa gbe nyɛ nya. Ejakaa nyɛ kua Yawɛ nɛ ngɛ nyɛ kpɛti ngɛ hiɛmɛ nɛ ɔ, nɛ nyɛ wo yana nɛ nyɛ bi ke mɛni he je nɛ a ha nyɛ je Egipt mɔ?’ ”