Mose IV, 20:28 - BAIBLO ALOO NGMAMI KLƆUKLƆU Ɔ

²⁸ nɛ Mose je Aaron he tade ɔmɛ kɛ wo e bi Eleazar. Nɛ Aaron gbo ngɛ lejɛ ɔ, ngɛ yo ɔ yi mi, nɛ Mose kɛ Eleazar kple si kɛ ba.

Mose IV, 20:28 ပူးပေါင်းရင်းမြစ်များ

Mose V, 10:6

(Israel ma a hia kɛ je Yaakan bi ɔmɛ a nyu vu ɔmɛ a he kɛ ho Mosera ya. Lejɛ ɔ Aaron gbo ngɛ, nɛ lejɛ ɔ kɛ̃ a pu lɛ ngɛ; nɛ e binyumu Eleazar ye e se kaa osɔfo.

2 Petro 1:15

Se ma bɔ mɔde ma to blɔ nya ha nyɛ, konɛ ye gbenɔ se ɔ, nyɛ hɛ nɛ hi ní nɛ ɔmɛ a nɔ be tsuaa be.

Kronika I, 22:17

David fa Israel ma nimeli ɔmɛ tsuo ke a piɛ Salomo he.

Mose V, 34:9

Nun bi, Yoshua nile nya ba bli, ejakaa Mose to lɛ si kaa nɔ nɛ ma ba ye e se. Israel ma a bu Yoshua tue, nɛ a ye mlaa amɛ nɛ Yawɛ wo mɛ kɛ gu Mose nɔ ɔ a nɔ.

Mose V, 34:5

Yawɛ tsɔlɔ Mose gbo ngɛ lejɛ ɔ, ngɛ Moab zugba a nɔ kaa bɔ nɛ Yawɛ de to ɔ.

Mose IV, 20:26

nɛ o je Aaron tade ɔmɛ ngɛ e he kɛ wo e bi Eleazar. Aaron ma gbo ngɛ lejɛ ɔ.”

Mose IV, 20:27

Mose pee kaa bɔ nɛ Yawɛ fa lɛ ɔ. A kuɔ Hor yo ɔ ngɛ ma kpekpemi ɔ tsuo a hɛ mi,

Mose IV, 27:13

Ke o hyɛ ta a, mo hu o ma gbo kaa bɔ nɛ o nyɛminyumu Aaron gbo ɔ;

Mose II, 6:23

Aaron ngɔ Aminadab biyo Elisheba, Nahshon nyɛmiyo ɔ; nɛ e kɛ lɛ fɔ Nadab, Abihu, Eleazar, kɛ Itamar.

Mose II, 29:28

Ní nɛ ɔmɛ maa pee Aaron kɛ e binyumu ɔmɛ a blɔ nya ní; ejakaa e ji mlaa nɛ fɔɔ si kɛ yaa neneene kaa ke Israel bi ɔmɛ ba sã bɔ ɔ, lohwe ɔ gugue, kɛ e fiɔ ɔ nɛ pee osɔfo ɔmɛ a nɔ́. Enɛ ɔ ji nike ní nɛ ma a kɛ ba ke Yawɛ.

Mose IV, 20:1

Israel ma kpekpemi ɔ tsuo ba Zin nga a nɔ kekleekle nyɔhiɔ ɔ, nɛ a ba to si ngɛ Kadesh. Benɛ a ngɛ lejɛ ɔ, Miriam ba gbo, nɛ a pu lɛ.

Mose IV, 33:30

A hia kɛ je Hashmona, nɛ a ya to si ngɛ Moserot.

Yoshua 24:33

Aaron bi Eleazar hu ba gbo, nɛ a pu lɛ ngɛ Gibea ngɛ Efraim yo ɔ nɔ, he nɛ a ngɔ kɛ ha e binyumu Finehas ɔ.