Mose IV, 20:22 - BAIBLO ALOO NGMAMI KLƆUKLƆU Ɔ

²² Israel ma kpekpemi ɔ tsuo hia kɛ je Kadesh kɛ ba Hor yo ɔ he,

Mose IV, 20:22 ပူးပေါင်းရင်းမြစ်များ

Mose IV, 21:4

Benɛ Israel bi ɔmɛ si Hor yo ɔ, a ya gu Wo Tsu ɔ nya blɔ, konɛ a kɛ tsɔ Edom zugba a he. Se a tsui si tomi ya ta ngɛ blɔ ɔ nɔ,

Mose IV, 20:14

Mose tsɔ nihi kɛ je Kadesh ke a ngɔ sɛ gbi ya ha Edom matsɛ, nɛ a de lɛ ke, “Bɔ nɛ o nyɛmimɛ Israel bi ɔmɛ de ji nɛ ɔ nɛ: mo nitsɛ o le amanehluhi nɛ wa na;

Mose IV, 20:1

Israel ma kpekpemi ɔ tsuo ba Zin nga a nɔ kekleekle nyɔhiɔ ɔ, nɛ a ba to si ngɛ Kadesh. Benɛ a ngɛ lejɛ ɔ, Miriam ba gbo, nɛ a pu lɛ.

Ezekiel 48:28

Leneyi je huzu ɔ maa je Tamar kɛ ya pi Meriba Kadesh nyu ɔmɛ. Huzu ɔ nɛ nyɛɛ Egipt pa a nya hluu kɛ ya na Mediterenia wo ɔ.

Ezekiel 47:19

“Leneyi je huzu ɔ je Tamar, kɛ gu Kadesh Meriba nyu ɔmɛ a he kɛ ya muɔ Egipt huzu ɔ, kɛ ya pi Mediterenia wo ɔ.

Mose IV, 34:7

“Jehanɛ, ke nyɛ wo za kɛ je Mediterenia wo ɔ nya kɛ ya si Hor yo ɔ he ɔ, lɔ ɔ maa pee nyɛ huzu ɔ ngɛ omleyi je.

Mose IV, 20:16

bɔ nɛ wa kpa ngmlaa kɛ tsɛ Yawɛ, nɛ e nu wa gbi, nɛ e tsɔ bɔfo kɛ ba kpaka wɔ kɛ je Egipt. Amlɔ nɛ ɔ, wa ba su Kadesh, nɛ ji ma nɛ kɛ o zugba a wo huzu ɔ nɔ.

Mose IV, 13:26

kɛ ba na Mose, kɛ Aaron, kɛ Israel ma kpekpemi ɔ tsuo ngɛ Paran nga a nɔ, ngɛ Kadesh. A gba mɛ nɔ́ nɛ a ya na ngɛ lejɛ ɔ, nɛ a ngɔ zugba a nɔ tso yiblii komɛ hu ba tsɔɔ mɛ.

Mose V, 1:46

“Lɔ ɔ he ɔ, wa hi Kadesh be babauu.