Mose IV, 20:20 - BAIBLO ALOO NGMAMI KLƆUKLƆU Ɔ

²⁰ Se Edom bi ɔmɛ he nɔ ke “Dɛbi! Nyɛ be wa zugba a nɔ gue.” Kɛkɛ nɛ Edom ta buli babauu je kpo kɛ ba, konɛ a ba tua Israel bi ɔmɛ.

Mose IV, 20:20 ပူးပေါင်းရင်းမြစ်များ

Amos 1:11

Yawɛ ke, “Edom ma mi bi ɔmɛ pee yayamihi nɔtonɔto babauu. A kɛ abofu nɛ nya wa fie a nyɛmimɛ Israel bi ɔmɛ kɛ klaate, nɛ a nɛ mɛ mɔbɔ kulaa.

Manyadali 11:17

Israel bi ɔmɛ tsɔ nihi Edom matsɛ ɔ ngɔ ya de lɛ ke, ‘Wa kpa mo pɛɛ, ha nɛ waa gu o zugba a nɔ kɛ be’; se Edom matsɛ ɔ ha we mɛ hɛ mi. A tsɔ kɛ ya Moab matsɛ ɔ hu ngɔ; se lɛ hu e kplɛɛ we. Lɔ ɔ he ɔ, Israel bi ɔmɛ hi Kadesh.

La 120:7

Imi lɛɛ he jɔmi nɔmlɔ ji mi, se ke i tu munyu kɛkɛ mɛɛ lɛɛ a hia ta!

Manyadali 11:20

Se Sihon ngmɛ́ Israel bi ɔmɛ blɔ nɛ a gu e zugba a nɔ kɛ be. Mohu, Sihon bua e ma a tsuo nya ngɛ Yahaz, nɛ a ya tua Israel bi ɔmɛ.

Mose IV, 20:18

Se Edom bi ɔmɛ he nɔ ke, “Dɛbi, nyɛ be wa zugba a nɔ gue! Ke nyɛ li peemi nɛ nyɛ ba wa zugba a nɔ ɔ, wa maa hia ta kɛ ba tua nyɛ.”

Mose I, 32:6

Benɛ tsɔli ɔmɛ kpale a se kɛ ba Yakob ngɔ ɔ, a de lɛ ke, “Wa ya na o nyɛmi Esau ɔ, nɛ lɛ hu e kɛ nihi lafa eywiɛ ma nɛ a ba kpee mo.”

Mose I, 27:41

Esau nyɛ Yakob ngɛ gbaami ɔ nɛ e tsɛ gbaa Yakob ɔ he. E de ngɛ e yi mi ke, “Tsaatsɛ gbenɔ be su ta. Ke tsaatsɛ gbo nɛ a pee ya se ɔ, ma gbe ye nyɛmi Yakob.”

Mose IV, 20:21

Lɔ ɔ he ɔ, akɛnɛ Edom bi ɔmɛ ngmɛ́ blɔ nɛ Israel bi ɔmɛ nɛ gu a zugba a nɔ ɔ, mɛ hu a kpale a se ya gu he kpa.