Mose IV, 20:14 - BAIBLO ALOO NGMAMI KLƆUKLƆU Ɔ

¹⁴ Mose tsɔ nihi kɛ je Kadesh ke a ngɔ sɛ gbi ya ha Edom matsɛ, nɛ a de lɛ ke, “Bɔ nɛ o nyɛmimɛ Israel bi ɔmɛ de ji nɛ ɔ nɛ: mo nitsɛ o le amanehluhi nɛ wa na;

Mose IV, 20:14 ပူးပေါင်းရင်းမြစ်များ

Mose V, 23:7

“Koo hie Edom no; ejakaa o nyɛmi ji lɛ. Koo hie Egipt no; ejakaa o ya hi e zugba a nɔ hyɛ.

Malaki 1:2

Bɔ nɛ Yawɛ ngɛ e ma a dee ji nɛ ɔ nɛ: “I suɔ nyɛ sane saminya.” Se a bi lɛ ke, “Mɛni lɛ o peeɔ kɛ tsɔɔ kaa o suɔ wɔ?” Yawɛ he nɔ ke, “Anɛ Esau kɛ Yakob ɔ, pi nyɛmimɛ ji mɛ lo? Se kɛ̃ ɔ, i je suɔmi kpo kɛ tsɔɔ Yakob kɛ e nina,

Yoshua 9:9

A de lɛ ke, “Wa kpa mo pɛɛ, wa je ma se tsitsaa he ko; nɛ wa nu Yawɛ, nyɛ Mawu ɔ he. Níhi tsuo nɛ e pee ngɛ Egipt ɔ, wa nu he,

Mose II, 18:8

Mose bɔ e ngatsɛ ɔ a blɔ hiami ɔ mi sanehi tsuo: níhi nɛ Yawɛ pee Farao ɔ kɛ Egipt bi ɔmɛ nɛ e kɛ kpɔ Israel bi ɔmɛ, a blɔ hiami ɔ mi pɔtɔ kɛ dengme, kɛ bɔ nɛ Yawɛ je mɛ kɛ je kulaa mi.

Mose I, 25:23

Yawɛ de lɛ ke, “Bimɛ nɛ ngɛ o mi mi ɔ ma ba pee je ma enyɔ hwɔɔ se, nɛ́ a kɛ a he be yee. Kake he ma ba wa pe kake; nɛ nɔkɔtɔma a ma sɔmɔ jokuɛ ɔ.”

Mose IV, 13:26

kɛ ba na Mose, kɛ Aaron, kɛ Israel ma kpekpemi ɔ tsuo ngɛ Paran nga a nɔ, ngɛ Kadesh. A gba mɛ nɔ́ nɛ a ya na ngɛ lejɛ ɔ, nɛ a ngɔ zugba a nɔ tso yiblii komɛ hu ba tsɔɔ mɛ.

Mose IV, 20:15

bɔ nɛ wa nɛmɛ ya Egipt, nɛ e ba mi kaa wɔ hu wa ya hi lejɛ ɔ be babauu; bɔ nɛ Egipt bi ɔmɛ wa wa nɛmɛ ɔmɛ yi mi, kɛ bɔ nɛ a wa wɔ hu yi mi;

Mose IV, 20:22

Israel ma kpekpemi ɔ tsuo hia kɛ je Kadesh kɛ ba Hor yo ɔ he,

Yoshua 2:9

E de mɛ ke, “I le kaa Yawɛ ngɔ zugba a ngɔ ha nyɛ. Nyɛ he sawale nu wɔ, nɛ zugba a nɔ bi ɔmɛ tsuo a tsui ngɛ poe.

Yoshua 2:10

Wa nu bɔ nɛ Yawɛ ha Wo Tsu ɔ mii ngɛ nyɛ hɛ mi be nɛ nyɛ je Egipt ɔ. Jehanɛ hu wa nu nɔ́ nɛ nyɛ pee Amor bi ɔmɛ a matsɛmɛ ɔmɛ ngɛ Yordan ɔ se ɔ. Wa nu bɔ nɛ nyɛ kpata Sihon kɛ Og a hɛ mi pɛsɛpɛsɛ ha.

Yoshua 9:10

kɛ bɔ nɛ e pee Amor bi ɔmɛ a matsɛmɛ enyɔ ɔmɛ nɛ a ngɛ Yordan beleku je ɔ: Heshbon matsɛ, Sihon, kɛ Bashan matsɛ, Og nɛ hi Ashtarot ɔ.

Amos 1:11

Yawɛ ke, “Edom ma mi bi ɔmɛ pee yayamihi nɔtonɔto babauu. A kɛ abofu nɛ nya wa fie a nyɛmimɛ Israel bi ɔmɛ kɛ klaate, nɛ a nɛ mɛ mɔbɔ kulaa.

Mose I, 25:25

Nɔ nɛ ba kekle ɔ tsuɔ papaapa, nɛ e he womi ngɛ kaa bo nɛ a kɛ bwɔmi lo. Enɛ ɔ he je ɔ, a wo lɛ biɛ ke Esau.

Mose I, 25:26

Benɛ enyɔne ɔ ma a, e kɛ e nine fua e nyɛmi Esau nane se ja kpɛii; lɔ ɔ he ɔ, a wo lɛ biɛ ke Yakob. Isak ye jeha nyingmi ekpa benɛ a fɔ hawi ɔmɛ ɔ.

Mose I, 32:29

Yakob de nyumu ɔ ke, “Jehanɛ lɛɛ moo tsɔɔ mi o biɛ.” Se nyumu ɔ bi lɛ ke, “Mɛni he je o ngɛ hlae nɛ o le ye biɛ ɔ? Kɛkɛ nɛ e gbaa Yakob.”