Mose IV, 20:12 - BAIBLO ALOO NGMAMI KLƆUKLƆU Ɔ

¹² Se Yawɛ de Mose kɛ Aaron ke, “Akɛnɛ hemi kɛ yemi nɛ nyɛ ngɛ kɛ ha mi ɔ pi, bɔ nɛ nyɛ ma nyɛ maa ye ye he wami klɔuklɔu ɔ he odase kɛ tsɔɔ Israel bi ɔmɛ he je ɔ, nyɛ be ma kpekpemi nɛ ɔ hɛ mi nyɛɛe kɛ ya su zugba nɛ i ngɔ ha mɛ ɔ nɔ.”

Mose IV, 20:12 ပူးပေါင်းရင်းမြစ်များ

Mose V, 1:37

Nyɛ he ɔ, Yawɛ mi mi fu imi hulɔ, nɛ e de ke, ‘Mo Mose po, o be lejɛ ɔ sue.

Ezekiel 36:23

Ye biɛ ɔ nɛ nyɛ ble ngɛ je ma amɛ a kpɛti ɔ, ma pee lɛ klɔuklɔu. Kɛkɛ ɔ, je ma amɛ maa le kaa imi ji Yawɛ. Imi, Nyɔmtsɛ Yawɛ lɛ i de. Ma gu nyɛ, ye ma a nyɛ nɔ kɛ tsɔɔ je ma amɛ kaa nɔ klɔuklɔu ji mi.

Mose IV, 27:14

ejakaa nyɛ ni enyɔ ɔmɛ tsuo nyɛ tsɔ ye hɛ mi atuã ngɛ Zin nga a nɔ. Benɛ Israel ma a te si ngɔ wo mi ngɛ Meriba a, nyɛ je we ye he wami klɔuklɔu ɔ kpo kɛ tsɔɔ we mɛ kaa bɔ nɛ i fa nyɛ ɔ.” (Meriba ji taku ko ngɛ Kadesh ngɛ Zin nga a nɔ.)

Mose IV, 20:24

“Aaron ma gbo, nɛ e nane enyɔ be zugba a nɛ i ngɔ ha Israel ma a nɔ mae; ejakaa nyɛ ni enyɔ ɔmɛ nyɛ tsɔ atuã wo mi ngɛ Meriba nyu ɔ he.

Romabi 4:20

E yi mi pee we lɛ enyɔɔnyɔ ngɛ si nɛ Mawu wo lɛ ɔ he; se mohu e hemi kɛ yemi ha lɛ he wami he, nɛ e wo Mawu hɛ mi nyami.

Luka 1:45

A gbaa mo kaa o he ye kaa Nyɔmtsɛ ɔ sɛ gbi nɛ a de mo ɔ maa ba mi!”

Luka 1:20

O he we ye sɛ gbi ɔ yi; se kɛ̃ e maa ba mi ngɛ be nɛ sa mi. Akɛnɛ o he we yi he je ɔ, o nya ma ma, nɛ o be nyɛe maa tu munyu hu kɛ yaa su ligbi ɔ nɛ si nɛ i wo mo ɔ maa ba mi.”

Mateo 17:20

Yesu he nɔ ke, “Ejakaa nyɛ hemi kɛ yemi pi. Niinɛ, i ngɛ nyɛ dee ke, ke nyɛ ngɛ hemi kɛ yemi nɛ kle kaa sinapi wu ɔ, nyɛ ma de yo nɛ ɔ ke, ‘Hiaa kɛ je hiɛ ɔ kɛ ya lejɛ ɔ,’ nɛ e maa hia. Nɔ́ ko nɔ́ ko peemi be wae ha nyɛ!” [

Yesaya 8:13

O hɛ nɛ hi nɔ kaa imi Yawɛ Tabohiatsɛ ɔ, i ngɛ klɔuklɔu; imi ji nɔ nɛ sa kaa o ye gbeye.

1 Petro 3:15

Se nyɛ ja Kristo ngɛ nyɛ tsui mi, nɛ bu nɛ sa lɛ kaa Nyɔmtsɛ ɔ, nyɛ ha lɛ. Be tsuaa be ɔ, nyɛ dla nyɛ he ngɔ to, konɛ ke nɔ ko bi nyɛ ke nyɛɛ tsɔɔ nɔ́ pɔtɛɛ nɛ nyɛ heɔ yeɔ kaa nyɛ nine maa su nɔ hwɔɔ se ɔ, nyɛ nyɛ nɛ nyɛ ha lɛ heto.

Yohane 1:17

Mawu ha wɔ mlaa kɛ gu Mose nɔ, se dloomi kɛ anɔkuale gu Yesu Kristo nɔ kɛ ba.

Mateo 17:17

Yesu he nɔ ke, “Nyɛ yi nɔ yayami bi nɛ nyɛ be hemi kɛ yemi! Mɛni be i kɛ nyɛ maa hi si kɛ yaa si? Mɛni be ma to ye tsui si ha nyɛ kɛ yaa si? Nyɛɛ ngɔ jokuɛ ɔ kɛ ba ye ngɔ ngɛ hiɛ ɔ.”

Ezekiel 38:10

Bɔ nɛ Nyɔmtsɛ Yawɛ ngɛ Gog dee ji nɛ ɔ nɛ: “Ke jamɛ a be ɔ su ɔ, susumi slɔɔtoslɔɔtohi maa ba o yi mi, se ga yaya mohu o maa to.

Ezekiel 20:41

Ke i je nyɛ kɛ je je mahi a nɔ hehi nɛ a gbɛ nyɛ ngɔ fĩa a, nɛ i ba bua nyɛ nya a, ma ná nyɛ he tsui kaa bɔ nɛ he via, nɛ je ma amɛ maa na kaa nɔ klɔuklɔu ji mi ngɛ nyɛ kpɛti.

Yesaya 7:9

Israel he wɛ pi Samaria nɛ ji e matsɛ ma a, nɛ Samaria hu he wɛ pi Matsɛ Peka. “Ke nyɛ he we yi ɔ, nyɛ yi be wami nae.”

Kronika II, 20:20

E nɔ jena mɔtu kpla a, ma a hia kɛ ho Tekoa nga a nɔ ya. Benɛ a yaa a, Yehoshafat de mɛ ke, “Nyɛ Yuda, kɛ Yerusalem bi! Nyɛɛ ngɔ nyɛ hɛ kɛ fɔ Yawɛ nyɛ Mawu ɔ nɔ, nɛ nyɛ maa ye manye. Nyɛ he nɔ́ nɛ e gbali ɔmɛ deɔ nyɛ ɔ nyɛɛ ye, nɛ nyɛ maa ye kunimi.”

Yoshua 1:2

ke, “Ye tsɔlɔ Mose gbo; lɔ ɔ he ɔ, o kɛ Israel ma a tsuo nyɛ dla nɛ nyɛ ya po Yordan pa a kɛ ya zugba a nɛ i ngɔ ha mɛ ɔ nɔ.

Mose V, 34:4

Jehanɛ, Yawɛ de Mose ke, “Zugba a nɛ i wo Abraham, Isak, kɛ Yakob si ke ma ngɔ ha a nina a ji nɛ ɔ nɛ. I ha nɛ o na zugba a kɛ o hɛngmɛ lɛɛ, se be o lejɛ ɔ yae.”

Mose III, 10:3

Kɛkɛ nɛ Mose de Aaron ke, “Enɛ ɔ ji nɔ́ nɛ Yawɛ de ɔ nɛ. E ke, ‘Nihi nɛ hɛ mɛ kɛ su ye he ɔ, ma tsɔɔ mɛ bɔ nɛ i ngɛ klɔuklɔu ha, nɛ a maa wo ye hɛ mi nyami ngɛ ma a tsuo hɛ mi.’ ” Se Aaron de we nɔ́ ko.

Mose IV, 11:15

Ke kikɛ nɛ ɔ o kɛ mi maa ye ɔ, lɛɛ ke o ngɛ ye he suɔmi ɔ, gbee mi amlɔ mohu, konɛ ma ko na nɔ́ kaa kikɛ nɛ ɔ ngɛ o dɛ mi ekohu.”

Mose V, 4:21

Nyɛ he ɔ, Yawɛ, nyɛ Mawu ɔ mi mi fu mi, nɛ e ka kita ke i be Yordan pa a poe kɛ ya zugba kpakpa a nɛ e ngɔ kɛ ngɛ nyɛ hae ɔ nɔ.

La 99:8

Yawɛ, wa Mawu! O ma a fa kue ha mo, nɛ o bu mɛ tue. O kɛ mɛ hi si kaa Mawu nɛ ngɔɔ a he yayami kɛ paa mɛ; se ke a tɔ̃ ɔ, o gblaa a tue kɛ̃.

La 106:32

Ma a wo Yawɛ mi mi la ngɛ Meriba pa a nya. A kɛ Mose wo haomi mi ngɛ nɔ́ nɛ a pee ɔ he.