Mose IV, 20:11 - BAIBLO ALOO NGMAMI KLƆUKLƆU Ɔ

¹¹ Kikɛ nɛ ɔ nɛ Mose de pɛ kɛkɛ nɛ e wo e nine nɔ, nɛ e kɛ e tso ɔ fia tɛ sa a si enyɔ, nɛ nyu babauu je mi babaaba ha ma kpekpemi ɔ, kɛ a lohwe ɔmɛ nɛ a nu.

Mose IV, 20:11 ပူးပေါင်းရင်းမြစ်များ

Kronika I, 15:13

Akɛnɛ kekle ɔ, pi nyɛ nɛ nyɛ hɛɛ daka a he je ɔ, Yawɛ, wa Mawu ɔ gbla wa tue; ejakaa wa hyɛ we daka a nɔ kaa bɔ nɛ e to kaa a pee ɔ.”

Kronika I, 15:2

Lɔ ɔ se ɔ, e de ke, “Levi bi ɔmɛ pɛ ji ni nɛmɛ nɛ maa hɛɛ somi daka a nɛ, ejakaa mɛ Yawɛ hla ke a hɛɛ somi daka a, nɛ a sɔmɔ lɛ, Yawɛ ɔ daa.”

La 105:41

E bli tɛ sa nya, nɛ nyu je mi pue si; nyu ɔ be lalaala ngɛ nga a nɔ kaa pa.

La 114:8

lɛ nɛ haa tɛ sa plɛɔ peeɔ taku kɛ e mi nyu buɛii, nɛ nyu paa si kɛ jeɔ tslɛbo mi.

La 74:15

O ha nɛ pa tsɔwitsɔwihi hia kɛ be, nɛ pa nguahi lɛɛ a mi nyu mii ta.

La 78:15

E gba tɛ sahi a mi ngɛ nga a nɔ, nɛ e ha mɛ nyu babauu nɛ a nu.

La 78:16

E ha nɛ nyu je tɛ sa mi babaaba kaa pa nɛ hia kɛ bee.

La 78:20

Niinɛ, e fia tɛ sa a nɔ́ nɛ nyu je mi kɛ be babaaba kaa pa nɛ hia. Se anɛ e ma nyɛ ma ha e ma a abolo, kɛ lo hu lo?”

Mose II, 17:6

O nɛ, ma da o hɛ mi ngɛ tɛ sa a nɔ ngɛ Sinai yo ɔ nɔ. Ngɔɔ tso ɔ kɛ fia tɛ sa a, nɛ nyu maa je mi kɛ ba ha ma a nɛ a nu.” Nɛ Mose pee ja ngɛ Israel ma nimeli ɔmɛ a hɛ mi.

Yesaya 43:19

Nɔ́ he nɛ ma pee ɔ, nyɛɛ hyɛ lɔ ɔ mohu blɔ; nɔ́ he ɔ je sisi momo; nyɛ bli nyɛ hɛngmɛ nɛ nyɛɛ hyɛ! Ma je gbɛjegbɛ ko kɛ gu nga kplanaa a nɔ, nɛ ma ha pahi maa hia ngɛ lejɛ ɔ.

Yesaya 48:21

Benɛ Yawɛ kɛ e ma a nyɛɛ nga kplanaa a nɔ ɔ, kuma yi mɛ; ejakaa e ha nyu je tɛ sa mi ha mɛ; tɛ sa a mi gba, kɛkɛ nɛ nyu je mi kaa pa.

Hosea 13:5

Imi nɛ i hyɛ nyɛ nɔ ngɛ nga kplanaa a nɔ, he nɛ nyu ko nyu ko be.

Mose III, 10:1

Aaron binyumuhi, Nadab kɛ Abihu a ti nɔ tsuaa nɔ ngɔ e ngɛyu, nɛ e je la ngɔ wo mi, nɛ e ngɔ tsopa kɛ e he via ngɔ pue nɔ, nɛ e kɛ ba Yawɛ hɛ mi; se la nɛ ɔ he tsɔ we, ejakaa Yawɛ fa we mɛ ke a pee ja.

Mose IV, 20:8

“Yaa ngɔ tso ɔ nɛ ngɛ somi daka a hɛ mi ɔ, nɛ o kɛ o nyɛmi Aaron ya bua ma kpekpemi ɔ tsuo nya. Mo fa tɛ sa a ngɛ mɛ tsuo a hɛ mi, kɛkɛ nyu maa je mi kɛ ha ma kpekpemi ɔ, kɛ lohwe ɔmɛ nɛ a nu.”

Mateo 28:20

nɛ nyɛɛ tsɔɔ mɛ nɛ a ye níhi tsuo nɛ i fa nyɛ ke nyɛɛ pee ɔ a nɔ. Hyɛ, i kɛ nyɛ maa hi si daa kɛ yaa su je mi nyagbe.”

1 Korintobi 10:4

nɛ mɛ tsuo a nu mumi mi nyu kake ɔ nɛ je mumi mi tɛ sa nɛ nyɛɛ a se ɔ mi. Jamɛ a tɛ sa a ji Kristo.

Mose V, 8:15

Lɛ ji nɔ nɛ kpaka nyɛ kɛ gu nga kplanaa gbajaa nɛ nɔ ngɛ gbeye ɔ nɔ ɔ nɛ. Lejɛ ɔ nɛ a naa sinɔhi nɛ a duɔ nya wa, kɛ nyingmogblakotohi ngɛ ɔ nɛ. Jehanɛ, ngɛ nga kplanaa a nɔ he nɛ nyu be ɔ, e je nyu kɛ je tslɛbo tɛ sa mi ha nyɛ.

Yakobo 1:20

Mi mi fumi ha we nɛ nɔ peeɔ Mawu suɔmi nya ní.

Manyadali 15:19

Kɛkɛ nɛ Mawu bli muɔ nyafii ko nɛ ngɛ Lehi ɔ nya, nɛ nyu je mi kɛ ba. Benɛ Samson nu nyu ɔ, e hɛ mi tsɔ lɛ; nɛ e na he wami ekohu. Lɔ ɔ he ɔ, a wo lejɛ ɔ biɛ ke Hakore, nɛ e ngɛ Lehi kɛ ba si mwɔnɛ ɔ.

Samuel I, 15:19

Mɛni he je nɛ o bui Yawɛ tue? Mɛni he je nɛ o he ya sɔ kɛ ha ta yibu ní, nɛ o pee yayami kɛ si Yawɛ ɔ?”

Samuel I, 15:24

Saul de Samuel ke, “Niinɛ, i pee yayami; ejakaa i bui Yawɛ fami ɔ, kɛ mo hu o munyu ɔmɛ tue. I ya ye ma a gbeye, nɛ i bu mɛ tue.