Mose IV, 2:2 - BAIBLO ALOO NGMAMI KLƆUKLƆU Ɔ

² “Be tsuaa be nɛ Israel ma a maa to si ngɛ he ko ɔ, á pue si weku nya weku nya ngɛ nɔ tsuaa nɔ weku aflaangaa sisi kɛ bɔle kpe he bo tsu ɔ kɛ kpe, nɛ a plɛ a hɛ mi kɛ tsɔɔ kpe he ɔ.

Mose IV, 2:2 ပူးပေါင်းရင်းမြစ်များ

La 74:4

O he nyɛli ɔmɛ ya he ose ngɛ o he klɔuklɔu ɔ. A ngɔ a we aflangaa amɛ ya to lejɛ ɔ kɛ tsɔɔ kaa a ye kunimi.

La 76:11

Nyɛɛ wo Yawɛ, nyɛ Mawu ɔ si, nɛ nyɛɛ ye siwo ɔmɛ a nɔ. Nyɛ nihi tsuo nɛ nyɛ bɔle Nyɔmtsɛ ɔ, nɔ nɛ he ngɛ gbeye ɔ, nyɛɛ ngɔ nike ní ba ha lɛ.

Yesaya 12:6

Nyɛ nihi tsuo nɛ nyɛ ngɛ Zion, nyɛ hwɔ lele nɛ nyɛ la kɛ bua jɔmi. Ejakaa Mawu kle, Mawu klɔuklɔu ji Israel Mawu ɔ nɛ kɛ nyɛ ngɛ ɔ nɛ.”

Yesaya 18:3

Nyɛ, nihi tsuo ngɛ je ɔ mi, nyɛɛ bu tue! Nyɛ maa na aflangaa ko nɛ a si ngɛ yo ɔmɛ a nɔ! Nyɛɛ bu tue; nyɛ maa nu nɛ a ngɛ titimati kpae!

Ezekiel 43:7

“Nɔmlɔ adesa, ye matsɛ sɛ maa si ngɛ hiɛmɛ nɛ ɔ; ma hi Israel bi ɔmɛ a kpɛti ngɛ hiɛmɛ nɛ ɔ kɛ maa ya neneene. Kɛkɛ ɔ, Israel ma a jio, a matsɛmɛ ɔmɛ jio, a be ye hɛ mi si puee hu; a be mawu kpahi jae, nɛ a be a matsɛmɛ ɔmɛ a gbogboe ɔmɛ pue ngɛ hiɛmɛ nɛ ɔ hu.

Zakaria 9:16

Jamɛ a ligbi ɔ, Yawɛ, a Mawu ɔ ma he a yi wami, ejakaa e tohi ji mɛ. E ma a ma kpɛ́ ngɛ zugba a nɔ kaa bɔ nɛ june kpɛɔ ngɛ matsɛ pɛɛ he ɔ.

Mose IV, 1:50

Levi bi ɔmɛ lɛɛ ngɔɔ kpe he bo tsu ɔ, kɛ e he ní ɔmɛ, kɛ e mi ní ɔmɛ tsuo a nɔ hyɛmi ní tsumi ɔ kɛ wo a dɛ. Mɛ nɛ a maa hɛɛ kpe he bo tsu ɔ kɛ e he ní ɔmɛ. Mɛ nɛ a maa hyɛ nɔ; nɛ bo tsu ɔ he ji he nɛ a maa hi.

Mose IV, 10:14

Yuda bi ɔmɛ kɛ a wɛtso aflaangaa a hia kekle tabo nya tabo nya. A nyatsɛ ji Aminadab bi Nashon.

Mose IV, 10:18

Ruben bi ɔmɛ nyɛɛ a se tabo nya tabo nya kɛ a wɛtso aflaangaa. A nyatsɛ ji Shedeur bi Elizur.

Mose IV, 10:22

Efraim bi ɔmɛ nyɛɛ Kohat bi ɔmɛ a se tabo nya tabo nya kɛ a wɛtso aflaangaa. A nyatsɛ ji Amihud bi Elishama.

Mose IV, 10:25

Nyagbe ɔ, Dan bi ɔmɛ hia tabo nya tabo nya kɛ a wɛtso aflaangaa. Mɛ ji Israel ta a tsuo a se tabo, nɛ a nyatsɛ ji Amishadai bi Ahiezer.

Mose IV, 2:1

Yawɛ de Mose kɛ Aaron ke,

Mose IV, 2:10

“Ruben wɛtso ɔ ma pue si kɛ yaa leneyi je, tabo nya tabo nya. A nyatsɛ ji Shedeur bi Elizur, nɛ a hiɛmi ji nimli akpe nyingmi eywiɛ kɛ ekpa kɛ e nya lafa enuɔ.

Mose IV, 2:3

“Yuda wɛtso ɔ ma pue si kɛ yaa beleku je tabo nya tabo nya. A nyatsɛ ji Aminadab bi Nashon, nɛ a hiɛmi ji nimli akpe nyingmi kpaago kɛ eywiɛ kɛ e nya lafa ekpa.

Mose IV, 24:2

nɛ e na Israel ma a nɛ a pueɔ si wɛtso nya wɛtso nya.

1 Korintobi 14:33

Mawu sume basabasa, se mohu tue mi jɔmi e suɔ. Bɔ nɛ níhi ngɛ ngɛ Mawu we asafo ɔmɛ tsuo a mi ji nɛ ɔ nɛ.

1 Korintobi 14:40

Á pee nɔ́ tsuaa nɔ́ bɔ nɛ sa ngɛ blɔ nya tomi nya.

Filipibi 1:27

Lɔ ɔ he ɔ, nɔ́ nɛ hia pe kulaa ji, nyɛɛ ba nyɛ je mi kaa bɔ nɛ sane kpakpa a nɛ kɔɔ Kristo he ɔ tsɔɔ ɔ, konɛ i nyɛ ba na nyɛ jio, i bɛ́ jio, ma nu nyɛ he kaa nyɛ tsuo nyɛɛ kɛ juɛmi kake hɛɛ hemi kɛ yemi ɔ mi kpɛii kɛ ngɛ sane kpakpa a he plee.

Kolosebi 2:19

Nɛ mɛɛ lɛɛ a mɛtɛ we Kristo nɛ ji yi ɔ he. Nɔmlɔ tso ɔ tsuo ɔ, yi ɔ mi e naa níhi tsuo nɛ hia lɛ ɔ kɛ jeɔ. Niye ní nɛ ɔ guɔ kpɔ ɔmɛ, kɛ pani ɔmɛ a mi, nɛ e haa nɔmlɔ tso ɔ waa bɔ nɛ Mawu to ɔ.

Yoshua 3:4

Se kɛ̃ ɔ, blɔ maa pee gugue lafa enuɔ loo nɔ nɛ hi nyɛɛ kɛ daka a nyɛ kpɛti, konɛ nyɛɛ na he nɛ nyɛ maa gu; ejakaa nyɛ gui hiɛmɛ nɛ ɔ hyɛ.”