Mose IV, 19:7 - BAIBLO ALOO NGMAMI KLƆUKLƆU Ɔ

⁷ Osɔfo ɔ nɛ fɔ e tade ɔmɛ a he, nɛ e du e he loko e kpale kɛ ba sito he ɔ; se kɛ̃ ɔ, e he tsɔ we kɛ yaa si gbɔkuɛ.

Mose IV, 19:7 ပူးပေါင်းရင်းမြစ်များ

Mose IV, 19:19

Nɔ nɛ he tsɔ nɛ ɔ nɛ fĩa nyu ɔ kɛ pue nɔ nɛ he tsɔ we ɔ nɔ, ngɛ ligbi nɛ ji etɛne ɔ kɛ ligbi nɛ ji kpaagone ɔ a nɔ. Ke a julaa nɔmlɔ nɛ ɔ ngɛ ligbi nɛ ji kpaago ɔ nɔ se ɔ, e fɔ e tade ɔmɛ a he, nɛ e yɛ nyu nɛ e du e he; kɛkɛ ɔ, ke pu nɔ si ɔ, e he ma tsɔ ekohu.

Mose IV, 19:8

Nɔ nɛ sã na yo ɔ, lɛ hu e fɔ e tade ɔmɛ a he, nɛ e du e he ja nɔuu; lɛ hu e he tsɔ we kɛ yaa si gbɔkuɛ.

Mose III, 22:6

Osɔfo tsuaa osɔfo nɛ maa ta ní nɛ ɔmɛ a he ɔ, e he be tsɔe kɛ yaa si du ma bu. E ko ye ní klɔuklɔu ɔ eko, ja e du e he.

Mose III, 15:5

Nɔ tsuaa nɔ nɛ maa ta sa a he ɔ, é fɔ e tade ɔmɛ a he, nɛ e du e he. E he be tsɔe kɛ yaa si du ma bu.

Mose III, 11:40

Ke nɔ ko ye lo nɛ ɔ eko ɔ, é fɔ e tade ɔmɛ a he. Se lɛ nitsɛ lɛɛ e he be tsɔe kɛ yaa si du ma bu. Nɔ tsuaa nɔ nɛ maa kɛ̃ e gbogboe ɔ bleɔ e he; ke nɔ ko ble e he ja a, nɔ ɔ nɛ fɔ e tade ɔmɛ a he, se e he be tsɔe kɛ yaa si du ma bu.

Hebribi 13:11

Yuda bi a we osɔfo nɔkɔtɔma pe kulaa a ngɔɔ lohwehi a muɔ kɛ ya sãã bɔ ngɛ he klɔuklɔu pe kulaa a, konɛ Mawu nɛ ngɔ ma a he yayami kɛ pa mɛ. Se lohwe ɔmɛ nɛ a gbe ɔ nitsɛmɛ lɛɛ a ya sãã ngɛ ma sito he ɔ se.

Mose III, 14:46

Nɔ tsuaa nɔ nɛ maa sɛ we ɔ mi, be mi nɛ a nga we ɔ nya a, e he be tsɔe kɛ yaa si du ma bu.

Mose IV, 19:10

Nɔ nɛ muɔ na yo ɔ la zu ɔ, lɛ hu e fɔ e tade ɔmɛ a he; se kɛ̃ ɔ, e he tsɔ we kɛ yaa si gbɔkuɛ. Nɔ́ nɛ ɔ maa pee mlaa nɛ fɔɔ si daa kɛ ha Israel bi, kɛ nibwɔhi nɛ ba to mɛ ɔ.

Mose IV, 19:21

Mlaa nɛ fɔɔ si daa kɛ ha mɛ ji nɛ ɔ nɛ. Nɔ nɛ fĩaa nyu nɛ a kɛ fɔɔ nɔ he yayami ɔ ngɔ pueɔ nihi a nɔ ɔ, lɛ hu e fɔ e tade ɔmɛ a he; nɛ nɔ tsuaa nɔ nɛ nyu nɛ ɔ eko ma pue e nɔ ɔ, lɛ hu e he tsɔ we kɛ yaa si gbɔkuɛ.

Mose III, 11:24

Nɔ tsuaa nɔ nɛ maa ta lohwe nɛ ɔmɛ eko gbogboe he ɔ, e he be tsɔe kɛ yaa si du ma bu: lohwehi tsuo nɛ a gba we a nane kokloto mi, nɛ a gɔle we nɔ́ nɛ a ye ɔ nɛ a ta ekohu, kɛ lohwe nane eywiɛɛywiɛtsɛmɛ nɛ be kokloto, se a nyɛɛ ngɛ a nine a nɔ ɔ, mɛ tsuo a he tsɔ we. Nɔ tsuaa nɔ nɛ maa ta eko gbogboe he ɔ bleɔ e he. Ke nɔ ko ble e he ja a, é fɔ e tade ɔmɛ a he; se kɛ ɔ, e he be tsɔe kɛ yaa si du ma bu.

Mose III, 11:31

A he tsɔ we, lɔ ɔ he ɔ, nɔ tsuaa nɔ nɛ maa ta eko gbogboe he ɔ, e he be tsɔe kɛ yaa si du ma bu.

Mose III, 11:32

Nɔ́ tsuaa nɔ́ nɛ lohwe nɛ ɔmɛ eko gbogboe maa sa he ɔ, e he be tsɔe; tso a kɛ pee nɔ ɔ jio, bo jio, lohwe he womi jio, kotoku jio, nɔ́ saisaa jio. Á kɛ nyu nɛ fɔ he, se nɔ́ ɔ he be tsɔe kɛ yaa si du ma bu.

Mose III, 11:39

Jehanɛ, ke lohwehi nɛ a yeɔ ɔ eko gbo ɔ, nɔ nɛ maa ta e gbogboe ɔ he ɔ, e he be tsɔe kɛ yaa si du ma bu.

Mose IV, 19:22

Nɔ́ tsuaa nɔ́ nɛ nɔ ko nɛ he tsɔ we maa ta he ɔ, e ble nɔ́ ɔ; ke nɔ ko ta jamɛ a nɔ́ ɔ he ɔ, lɛ hu e he tsɔ we kɛ yaa si gbɔkuɛ.”