Mose IV, 19:3 - BAIBLO ALOO NGMAMI KLƆUKLƆU Ɔ

³ osɔfo Eleazar ngɔ. A kpaka na a kɛ ya sito he ɔ se, nɛ a ya gbe lɛ ngɛ lejɛ ɔ, ngɛ osɔfo ɔ hɛ mi.

Mose IV, 19:3 ပူးပေါင်းရင်းမြစ်များ

Mose III, 4:12

é ngɔ lɛ tsuo kɛ je ma sito he ɔ kɛ ya he ko nɛ tsɔ, he nɛ a plɛɔ la zu ngɔ pueɔ ɔ. É ngɔ mɛ kɛ pue lɛ́ nɔ nɛ e sã ngɛ lejɛ ɔ.

Mose III, 4:21

Lɔ ɔ se ɔ, é ngɔ na ku nɛ ɔ hu kɛ je ma sito he ɔ, nɛ é ya sã lɛ kaa bɔ nɛ a tsɔɔ kaa a pee kaketsɛ ɔ. Enɛ ɔ ji yayami pami bɔ kɛ ha ma a tsuo.

Mose IV, 15:36

Lɔ ɔ he ɔ, ma a tsuo gbla lɛ kɛ ho ma sito he ɔ se ya, nɛ a ya fia lɛ tɛ ngɛ lejɛ ɔ kɛ ya si e gbo kaa bɔ nɛ Yawɛ fa Mose ɔ.

Mose IV, 5:2

“Wo Israel bi ɔmɛ mlaa, nɛ a fie nimli nɛ ɔmɛ tsuo kɛ je ma sito he ɔ: nihi nɛ he womi nɔ hiɔ yaya ngɛ a he; nihi nɛ a he nyu ngɛ bee, kɛ ni nɛmɛ nɛ ya ta nɔ gbogboe he kɛ ble a he.

Mose IV, 3:4

Se Nadab, kɛ Abihu lɛɛ a gbo benɛ a ngɔ la nɛ he tsɔ we kɛ ba Yawɛ hɛ mi ngɛ Sinai nga a nɔ ɔ. Akɛnɛ mɛɛ a be bimɛ he je ɔ, Eleazar kɛ Itamar pɛ lɛ a sɔmɔ kaa osɔfohi ngɛ a tsɛ Aaron wami be mi.

Mose III, 24:14

“Jé nyumu ɔ nɛ bɔ musu ɔ kpo kɛ je ma sito he ɔ. Nɔ tsuaa nɔ nɛ nu e musu bɔmi munyu ɔ, é ngɔ e nine ngɔ pue nyumu ɔ yi mi, konɛ ma a tsuo nɛ fia lɛ tɛ.

Mose III, 16:27

Na ku ɔ, kɛ akpakpo ɔ nɛ a kɛ ba sã yayami pami bɔ, nɛ a kɛ a muɔ ɔ ba kpata Yawɛ ngɛ he klɔuklɔu pe kulaa a, a ngɔ mɛ kɛ je ma sito he ɔ, nɛ a ya sã mɛ. A sã lohwe he womi ɔmɛ, lo ɔ, kɛ a fĩ ɔ tsuo.

Mose III, 4:11

Se na ku ɔ he womi ɔ, e lo ɔ, e yi ɔ, e nane ɔmɛ, kɛ e mi ní ɔmɛ, kɛ e fĩ ɔ tsuo lɛɛ

Mose IV, 19:9

Nyagbe ɔ, nɔ ko nɛ he tsɔ nɛ ya muɔ na yo ɔ la zu ɔ kɛ ya pue he ko nɛ tsɔ ngɛ sito he ɔ se. A ngɔ la zu nɛ ɔ ngɔ to lejɛ ɔ, konɛ a kɛ futu nyu mi, nɛ a ngɔ nyu nɛ ɔ kɛ du Israel ma kpekpemi ɔ a he, nɛ a kɛ je a he yayami ɔmɛ.