Mose IV, 19:20 - BAIBLO ALOO NGMAMI KLƆUKLƆU Ɔ

²⁰ “Nɔmlɔ nɛ ble e he, se e julaa we e he ɔ, mu ngɛ e he, nɛ e he tsɔ we; ejakaa a kɛ nyu nɛ a kɛ fɔɔ nɔ he yayami ɔ pue we e nɔ. Ke e ba mi ja a, nɔ ɔ ble Yawɛ kpe he ɔ. A ma je lɛ we, nɛ a be lɛ bue ngɔ si Mawu ma mi bi ɔmɛ a nɔ hu.

Mose IV, 19:20 ပူးပေါင်းရင်းမြစ်များ

Marko 16:16

Nɔ tsuaa nɔ nɛ ma he ye, nɛ a maa sɔle lɛ ɔ, a ma he e yi wami; se nɔ nɛ he we yi ɔ, a maa bu lɛ fɔ.

Mose IV, 19:13

Nɔ tsuaa nɔ nɛ maa ta nɔ gbogboe he, nɛ e kɛ nyu nɛ a kɛ fɔɔ nɔ he yayami nɛ ɔ be e he julaae ɔ, e he tsɔ we; mu ngɛ e he. Ke e ba mi ja a, nɔ ɔ ble Yawɛ kpe he ɔ. A ma je lɛ we, nɛ a be lɛ bue ngɔ si Mawu ma mi bi ɔmɛ a nɔ hu.

Mose I, 17:14

Nyumu tsuaa nyumu nɛ a pui lɛ ɔ, a je lɛ we nɛ a ko bu lɛ ngɔ piɛ ye ma mi bi ɔmɛ a he hu, ejakaa e yi ye somi ɔ nɔ.”

Kpojemi 22:11

Lɔ ɔ he ɔ, yayami peelɔ ɔ, e ya nɔ nɛ e pee yayami; mutsɛ ɔ, e ya nɔ nɛ e wo e he mu; nɔmlɔ kpakpa a, e ya nɔ nɛ e pee kpakpa, nɛ nɔ nɛ ngɛ klɔuklɔu ɔ, e ya nɔ nɛ e pee e he klɔuklɔu.”

2 Petro 3:14

Lɔ ɔ he ɔ, ye nyɛmimɛ nɛ i suɔ! Be mi nɛ nyɛ ngɛ ní nɛ ɔmɛ blɔ hyɛe ɔ, nyɛɛ bɔ mɔde nɛ Mawu ko na mu, loo piami nɔ́ ko ngɛ nyɛ he; nyɛɛ kɛ lɛ nɛ hi si ngɛ he jɔmi mi.

Mose IV, 15:30

“Se ke nɔ ko je blɔ pee yayami ko ɔ, zugba a nɔ fɔmi bi ji lɛ jio, nubwɔ ji lɛ jio, nɔ ɔ bɔ Yawɛ ahlua; a je lɛ kɛ je e ma mi bi ɔmɛ a kpɛti.

Mose III, 15:31

Yawɛ de Mose ke e slɔ Israel bi ɔmɛ ngɛ a he nɛ tsɔ we ɔ he, konɛ a ko ble Yawɛ kpe he bo tsu ɔ ngɛ ma a sito he ɔ. Ke pi ja a, a ma gbo.

Mose III, 17:16

Ke e fɔ we e tade ɔmɛ a he, nɛ́ e du e he ɔ, e musu maa tloo lɛ.

Mose II, 30:33

Nɔ tsuaa nɔ nɛ maa pee nu ɔ eko nɛ ngɛ kaa lɔ ɔ, aloo nɔ tsuaa nɔ nɛ maa ngɔ nu nɛ ɔ eko kɛ pɔ nɔ ko nɛ pi osɔfo ji lɛ ɔ, á je lɛ we, nɛ a ko bu lɛ ngɔ si ye ma mi bi ɔmɛ a nɔ hu.’ ”

Mose III, 22:4

“Aaron nina ko nɛ ngɛ he womi nɔ hiɔ yaya nue, aloo nɔ ko nɛ nyu yaya ngɛ bee ngɛ e he ɔ, e ko ye ní klɔuklɔu ɔ eko kɛ yaa si be nɛ e he ma tsɔ. Osɔfo tsuaa osɔfo nɛ maa ta nɔ́ ko nɛ he tsɔ we he ɔ, nɔ gbogboe he jio, nyumu nɛ nyu yaya ngɛ bee ngɛ e he he jio,

Mose IV, 9:13

Se nɔmlɔ nɛ he tsɔ, nɛ e hiɛ blɔ hulɔ, nɛ e kua Hetsɔmi ɔ yemi ɔ, jamɛ a nɔ ɔ lɛɛ a je lɛ we kɛ je e ma mi bi ɔmɛ a kpɛti; ejakaa e kɛ Yawɛ nike ní ɔ bɛ be nɛ a to ɔ. Nɔmlɔ nɛ ɔ, lɛ nitsɛ e musu maa tloo lɛ.