Mose IV, 19:19 - BAIBLO ALOO NGMAMI KLƆUKLƆU Ɔ

¹⁹ Nɔ nɛ he tsɔ nɛ ɔ nɛ fĩa nyu ɔ kɛ pue nɔ nɛ he tsɔ we ɔ nɔ, ngɛ ligbi nɛ ji etɛne ɔ kɛ ligbi nɛ ji kpaagone ɔ a nɔ. Ke a julaa nɔmlɔ nɛ ɔ ngɛ ligbi nɛ ji kpaago ɔ nɔ se ɔ, e fɔ e tade ɔmɛ a he, nɛ e yɛ nyu nɛ e du e he; kɛkɛ ɔ, ke pu nɔ si ɔ, e he ma tsɔ ekohu.

Mose IV, 19:19 ပူးပေါင်းရင်းမြစ်များ

1 Yohane 1:7

Se ke wa ba wa je mi saminya ngɛ Mawu hɛ mi kaa bɔ nɛ lɛ Mawu ɔ e su ngɛ ɔ, lɔ ɔ lɛɛ waa kɛ wa sibi ngɛ huɛ bɔe. Kɛkɛ ɔ, e Bi Yesu Kristo muɔ ɔ maa tsukɔ wa he, nɛ e ma je wa he yayami ɔmɛ tsuo.

Hebribi 10:22

Lɔ ɔ he ɔ, nyɛ ha nɛ waa ngɔ tsui nɛ mi tsɔ, kɛ hemi kɛ yemi nɛ pi si kɛ hɛ wɔ kɛ su Mawu he. Nyɛ ha a tsu wa tsui he bɔ nɛ wa he nile be wɔ fɔ bue, nɛ́ waa pee kaa nihi nɛ a kɛ nyu nɛ mi tsɔ heii du a he.

Ezekiel 36:25

Ma ngɔ nyu klɔuklɔu kɛ fĩa nyɛ nɔ, nɛ nyɛ he ma tsɔ. Ma tsu nyɛ he kɛ je amagahi, kɛ mu níhi tsuo nɛ nyɛ kɛ ble nyɛ he ɔ a mi.

Mose IV, 19:12

Loko e he ma tsɔ ɔ, e ngɔ nyu nɛ a kɛ fɔɔ nɔ he yayami ɔ kɛ julaa e he ngɛ ligbi etɛne ɔ, kɛ ligbi kpaagone ɔ a nɔ. Ke e kɛ nyu ɔ fɔ we e he ngɛ ligbi nɛ ji etɛ ɔ kɛ ligbi nɛ ji kpaago ɔ a nɔ ɔ, e he be tsɔe.

Mose III, 14:9

Ligbi kpaagone ɔ, nɔ ɔ nɛ sɛ e yi kpalokpalo; é sɛ e kpɛni kɛ e hɛngmɛ se bwɔmi, kɛ e he bwɔmi tsuo kulaa. Enɛ ɔ se ɔ, é fɔ e tade ɔmɛ a he, nɛ é du e he, kɛkɛ e he ma tsɔ.

Yuda 1:23

nyɛ je ni komɛ hu kɛ je la a mi; nyɛɛ na ni kpa komɛ hu mɔbɔ nɛ gbeye yemi ngɛ mi. Se tadehi nɛ a wo ɔ tete po nyɛɛ hie; ejakaa a kɛ he lo akɔnɔ wo he mu.

Tito 2:14

E ngɔ lɛ nitsɛ e he ngɔ ha ngɛ wa he. E kpɔ wɔ kɛ je yi wu tso níhi a peemi mi, nɛ e ngɔ wɔ ngɔ pee lɛ nitsɛ e ma klɔuklɔu, nihi nɛ a hɛ dɔɔ ngɛ nɔ́ kpakpa peemi he.

Mose IV, 31:19

Jehanɛ, nyɛ nitsɛmɛ hu nyɛ maa hi ma sito he ɔ se ligbi kpaago. Nyɛ ti nɔ tsuaa nɔ nɛ gbe nɔ ko, aloo e ta nɔ ko nɛ gbo ngɛ ta a mi he ɔ, jamɛ a nɔ ɔ nɛ tsukɔ e he ligbi etɛne ɔ, kɛ ligbi kpaagone ɔ, nyɛɛ kɛ nyɛ nyɔguɛ ɔmɛ tsuo.

Mose I, 2:2

Mawu tsu ní ligbi ekpa, nɛ ligbi nɛ ji kpaago ɔ, e jɔɔ e he.

Mose II, 19:10

Nɛ Yawɛ de Mose ke, “Yaa nɛ o ya tsukɔ ma a he mwɔnɛ ɔ kɛ hwɔɔ. Ha nɛ a fɔ a tadehi a he,

Mose IV, 19:13

Nɔ tsuaa nɔ nɛ maa ta nɔ gbogboe he, nɛ e kɛ nyu nɛ a kɛ fɔɔ nɔ he yayami nɛ ɔ be e he julaae ɔ, e he tsɔ we; mu ngɛ e he. Ke e ba mi ja a, nɔ ɔ ble Yawɛ kpe he ɔ. A ma je lɛ we, nɛ a be lɛ bue ngɔ si Mawu ma mi bi ɔmɛ a nɔ hu.

Mose IV, 19:18

Kekleekle ɔ, nɔ ko nɛ he tsɔ nɛ ngɔ nga nɛ a fi kaa bɛ kɛ sɔ nyu ɔ mi, nɛ e kɛ fĩa bo tsu ɔ, kɛ e mi ní ɔmɛ tsuo, kɛ nimli tsuo nɛ ngɛ lejɛ ɔ a nɔ. Jehanɛ, nɔ nɛ ya ta nɔ gbogboe wu, loo yɔkɔ, loo nɔ ko nɛ a gbe lɛ, loo nɔ ko nɛ gbo lɛ nitsɛ e gbenɔ he ɔ, nɔ nɛ he tsɔ ɔ nɛ ngɔ nyu ɔ kɛ fĩa e nɔ.

Mose III, 14:7

Jehanɛ, é fĩa muɔ ɔ si kpaago kɛ pue nɔ nɛ nu he womi nɔ hiɔ yaya nɛ ma e he tsukɔmi ɔ nɔ, nɛ é ha nɛ e le kaa e he tsɔ. Lɔ ɔ se ɔ, é ngmɛɛ lohwe hɛngmengmletsɛ ɔ he nɛ é te kɛ ho nga mi ya.

Mose IV, 31:24

Nyɛ fɔ nyɛ tade ɔmɛ a he ngɛ ligbi kpaagone ɔ nɔ, konɛ nyɛ he nɛ tsɔ ekohu. Lɔ ɔ se loko nyɛɛ ba ma sito he ɔ.”