Mose IV, 19:17 - BAIBLO ALOO NGMAMI KLƆUKLƆU Ɔ

¹⁷ “Ke nɔ ko ble e he kikɛ nɛ ɔ, bɔ nɛ a plɛ kɛ tsu e he ní ji na yo ɔ nɛ a sã kɛ je yayami ɔ, a ngɔ e la zu ɔ eko kɛ wo buɛ mi, nɛ a yɛ nyu mua kɛ pue nɔ.

Mose IV, 19:17 ပူးပေါင်းရင်းမြစ်များ

Kpojemi 7:17

ejakaa To bi ɔ nɛ ngɛ matsɛ sɛ ɔ kpɛti ɔ maa lɛ mɛ; nɛ e ma tsɔ̃ mɛ kɛ maa ya nyu vuhi nɛ haa nɔ wami a he. Nɛ Mawu ma tsu a hɛ mi vo nyu tsuo.”

Yohane 7:38

A ngma ke, ‘Nɔ tsuaa nɔ nɛ heɔ mi yeɔ ɔ, pa nɛ baa nyu babaaba nɛ wami ngɛ mi maa fo dɔ kɛ je e tsui mi.’ ”

Lahi 4:15

A bɔɔ ɔ naa nyu nɛ haa nɔ wami kɛ jee vuhi, pahi nɛ ngɛ bee, kɛ pa wawi nɛ jee Lebanon yo ɔ nɔ ɔ a mi.

Mose IV, 19:9

Nyagbe ɔ, nɔ ko nɛ he tsɔ nɛ ya muɔ na yo ɔ la zu ɔ kɛ ya pue he ko nɛ tsɔ ngɛ sito he ɔ se. A ngɔ la zu nɛ ɔ ngɔ to lejɛ ɔ, konɛ a kɛ futu nyu mi, nɛ a ngɔ nyu nɛ ɔ kɛ du Israel ma kpekpemi ɔ a he, nɛ a kɛ je a he yayami ɔmɛ.

Mose I, 26:19

Isak nyɔguɛ ɔmɛ tsua vu ko ngɛ Gerar kɔ̃ ɔ mi nɛ a ya na nyu.

Hebribi 9:13

To kɛ na muɔ, kɛ na bi nɛ a sã a la zu ji níhi nɛ a kɛ fĩaa nihi nɛ ble a he ɔ a nɔ, nɛ a kɛ tsuɔ a nɔmlɔ tso ɔ he ngɛ he lo blɔ fa mi.

Mose IV, 19:18

Kekleekle ɔ, nɔ ko nɛ he tsɔ nɛ ngɔ nga nɛ a fi kaa bɛ kɛ sɔ nyu ɔ mi, nɛ e kɛ fĩa bo tsu ɔ, kɛ e mi ní ɔmɛ tsuo, kɛ nimli tsuo nɛ ngɛ lejɛ ɔ a nɔ. Jehanɛ, nɔ nɛ ya ta nɔ gbogboe wu, loo yɔkɔ, loo nɔ ko nɛ a gbe lɛ, loo nɔ ko nɛ gbo lɛ nitsɛ e gbenɔ he ɔ, nɔ nɛ he tsɔ ɔ nɛ ngɔ nyu ɔ kɛ fĩa e nɔ.

Ezekiel 36:25

Ma ngɔ nyu klɔuklɔu kɛ fĩa nyɛ nɔ, nɛ nyɛ he ma tsɔ. Ma tsu nyɛ he kɛ je amagahi, kɛ mu níhi tsuo nɛ nyɛ kɛ ble nyɛ he ɔ a mi.

Zakaria 13:1

Yawɛ Tabohiatsɛ ɔ ya nɔ nɛ e de ke, “Ke jamɛ a be ɔ su ɔ, a ma bli nyu vu ko nya, nɛ a maa ngɔ e mi nyu ɔ kɛ tsu David nina, kɛ Yerusalem bi ɔmɛ a he kɛ jé a he yayami ɔ, kɛ a he mu ɔ.