Mose IV, 19:16 - BAIBLO ALOO NGMAMI KLƆUKLƆU Ɔ

¹⁶ Nɔ tsuaa nɔ nɛ maa ta nɔ gbogboe he ngɛ nga nɔ ɔ, e he tsɔ we kɛ yaa si ligbi kpaago, nɔ nɛ a kɛ klaate gbe lɛ jio, nɔ nɛ gbo lɛ nitsɛ e gbenɔ jio. Jã kɛ̃ nɔ nɛ maa ta nɔ gbogboe wu, aloo yɔkɔ ko he ɔ, lɛ hu e he tsɔ we kɛ yaa si ligbi kpaago.

Mose IV, 19:16 ပူးပေါင်းရင်းမြစ်များ

Yesaya 52:11

Nyɛ tsuo nyɛ ba be kɛ ho; nyɛɛ je Babilonia! Nyɛ nihi nɛ nyɛ hɛɛ Mawu we ɔ ní klɔuklɔu ɔmɛ, nyɛɛ pee nyɛ he klɔuklɔu; nyɛ ko ta nɔ́ ko nɛ he tsɔ we he.

Ezekiel 44:26

Ke e tsukɔ e he se ɔ, a kane ligbi kpaago ha lɛ, kɛkɛ ɔ, e he ma tsɔ.

Mose III, 21:1

Yawɛ fa Mose ke e de Aaron bimɛ ɔmɛ nɛ ji osɔfo ɔmɛ ke, “Ke nyɛ ma a mi bi ko gbo ɔ, nyɛ ti nɔ ko nɔ ko kó ya gbogboe ɔ he nɛ́ e ba ble e he,

Mose IV, 19:11

“Nɔ tsuaa nɔ nɛ maa ta nɔ gbogboe he ɔ, e ble e he; nɛ e he tsɔ we kɛ yaa si ligbi kpaago.

Mose IV, 19:15

Jehanɛ, buɛ tsuaa buɛ nɛ nya fɔɔ si gu, aloo buɛ nɛ nya nɔ be nya a, jamɛ a buɛ ɔ hu he tsɔ we.

Mose IV, 31:19

Jehanɛ, nyɛ nitsɛmɛ hu nyɛ maa hi ma sito he ɔ se ligbi kpaago. Nyɛ ti nɔ tsuaa nɔ nɛ gbe nɔ ko, aloo e ta nɔ ko nɛ gbo ngɛ ta a mi he ɔ, jamɛ a nɔ ɔ nɛ tsukɔ e he ligbi etɛne ɔ, kɛ ligbi kpaagone ɔ, nyɛɛ kɛ nyɛ nyɔguɛ ɔmɛ tsuo.

Mose IV, 5:2

“Wo Israel bi ɔmɛ mlaa, nɛ a fie nimli nɛ ɔmɛ tsuo kɛ je ma sito he ɔ: nihi nɛ he womi nɔ hiɔ yaya ngɛ a he; nihi nɛ a he nyu ngɛ bee, kɛ ni nɛmɛ nɛ ya ta nɔ gbogboe he kɛ ble a he.

Mose IV, 6:6

E yi bwɔmi ji okadi nɛ tsɔɔ kaa e ngɔ e he ngɔ ha Yawɛ. Lɔ ɔ he ɔ, ke nɔ ko gbo ɔ, e ko ya nɔ gbogboe ɔ he nɛ e ko ba ble e he, e tsɛ jio, e nyɛ jio, e nyɛminyumu jio, e nyɛmiyo jio.

Mose IV, 9:6

Se ni komɛ ngɛ a kpɛti nɛ a ble a he, ejakaa a ta nɔ gbogboe he; lɔ ɔ he ɔ, mɛɛ a nyɛ we nɛ a ye Hetsɔmi ɔ jamɛ a ligbi ɔ. Kikɛmɛ a nimli nɛ ɔmɛ ba Mose kɛ Aaron a ngɔ jamɛ a ligbi ɔ nɔuu,

Mateo 23:27

“Nyɛ mlaa tsɔɔli, kɛ Farisi bi! Musu tloo nyɛ! Osatotsɛmɛ! Nyɛ ngɛ kaa yɔkɔhi nɛ a sa a he nɛ a he pee fɛu, se a mi hyi tɔ kɛ ni gbogboehi a wuhi, kɛ ní sasɛhi.

Luka 11:44

Musu tloo nyɛ! Nyɛ ngɛ kaa yɔkɔhi nɛ a tui a he so, nɛ nihi nyɛɛɔ a nɔ nɛ a li.”