Mose IV, 18:9 - BAIBLO ALOO NGMAMI KLƆUKLƆU Ɔ

⁹ Ní klɔuklɔu pe kulaa nɛ a sɛ̃ ngɛ bɔ sami la tɛ ɔ nɔ ɔ, a kpɛti enɛ ɔmɛ maa pee o níhi: niye ní bɔ, yayami pami bɔ, kɛ fɔ yemi bɔ. Nike ní klɔuklɔu tsuaa nike ní klɔuklɔu nɛ a kɛ ba ha mi ɔ maa pee o kɛ o bimɛ nyɛ nɔ.

Mose IV, 18:9 ပူးပေါင်းရင်းမြစ်များ

Mose III, 7:7

Yayami pami bɔ ɔ ngɛ kaa fɔ yemi bɔ ɔ kɛ̃. Mlaa kake lɛ ngɛ ha mɛ tsuo; osɔfo nɛ maa sã bɔ ɔ kɛ pee kpatami ɔ, e nɔ́ ji lo ɔ nɛ.

Mose III, 14:13

É gbe agbosu ɔ ngɛ he klɔuklɔu ɔ, he nɛ a gbee lohwe nɛ a kɛ sãã yayami pami bɔ, kɛ sami bɔ ngɛ ɔ. Ejakaa yayami pami bɔ ɔ, osɔfo ɔmɛ a nɔ́ kaa bɔ nɛ fɔ yemi bɔ ɔ ngɛ ɔ; e ngɛ klɔuklɔu saminya.

Mose III, 4:27

Ke nyɛ kpɛti nɔ gu ko tɔ̃ Yawɛ mlaa amɛ eko nɔ, nɛ pi e yi mi nɛ e to kɛ pee yayami ɔ,

Mose III, 4:22

Ke nɔ yelɔ ko li e he be nɛ e tɔ̃ Yawɛ, e Mawu ɔ mlaa amɛ eko nɔ,

Mose III, 10:17

“Mɛni he je nɛ nyɛ yi yayami pami bɔ ɔ ngɛ he klɔuklɔu ɔ? Nyɛ li kaa e ji nɔ́ ko nɛ ngɛ klɔuklɔu, nɛ Mawu kɛ ha nyɛ nɛ nyɛ kɛ je ma a he yayami kɛ kpata Yawɛ kɛ ha mɛ lo?

Mose III, 7:1

Fɔ yemi bɔ sami he mlaahi ji nɛ ɔmɛ nɛ. E ji bɔ nɛ ngɛ klɔuklɔu pe kulaa.

Mose III, 5:6

nɛ é ngɔ jijɔ yo, loo apletsi yo kɛ ba sã yayami pami bɔ ha Yawɛ. Osɔfo ɔ nɛ sã bɔ ɔ ha lɛ ngɛ e yayami ɔ he.

Mose III, 5:1

Ke a tsɛ nɔ ko ke e ba ye odase ngɛ sane yemi he, nɛ nɔ ɔ de we nɔ́ nɛ e na, loo e le ngɛ munyu ɔ he ɔ, e pee yayami; a gbla e tue.

Mose III, 6:30

Se lohwe nɛ a kɛ maa sã yayami pami bɔ, nɛ a kɛ e muɔ maa ba kpe he bo tsu ɔ mi kɛ ba pee kpatami ngɛ he klɔuklɔu ɔ, a ko ye e lo ɔ; a sã.

Mose III, 7:6

Nyumu tsuaa nyumu ngɛ osɔfo ɔmɛ a weku ɔ mi ma nyɛ maa ye. Se a ye lɛ ngɛ he ko nɛ ngɛ klɔuklɔu ejakaa e ji bɔ nɛ ngɛ klɔuklɔu pe kulaa.

Mose IV, 18:10

Nyɛɛ ye ngɛ he ko nɛ ngɛ klɔuklɔu; nyumuhi pɛ lɛ a ye. E ji niye ní klɔuklɔu ha nyɛ.

Ezekiel 42:13

Kɛkɛ nɛ nyumu ɔ de mi ke, “Tsu enyɔ nɛ ɔmɛ ngɛ klɔuklɔu. Osɔfohi nɛ baa Yawɛ we ɔ, tsu nɛ ɔmɛ a mi a yeɔ bɔ klɔuklɔu pe kulaa a ngɛ. Tsu nɛ ɔmɛ ngɛ klɔuklɔu, nɛ a mi nɛ osɔfo ɔmɛ toɔ bɔ klɔuklɔu pe kulaa nɛ ɔmɛ ngɛ: niye ní bɔ, yayami pami bɔ, kɛ fɔ yemi bɔ.

Ezekiel 44:29

Osɔfo ɔmɛ a niye ní nɛ a maa ye ji niye ní bɔ ɔmɛ, yayami pami bɔ ɔmɛ, kɛ fɔ yemi bɔ ɔmɛ; jehanɛ hu, nɔ́ tsuaa nɔ́ nɛ Israel bi ɔmɛ maa gbaa nɔ kɛ ke mi ɔ peeɔ osɔfo ɔmɛ a nɔ́.

Mose III, 2:10

Nɔ́ nɛ maa piɛ ngɛ se ɔ peeɔ osɔfo Aaron kɛ e bimɛ ɔmɛ a nɔ́; ejakaa bɔhi nɛ a kɛ la sãã ha Yawɛ ɔ mi nɔ́ klɔuklɔu pe kulaa ji lɔ ɔ nɛ.

Mose III, 6:19

Mlaahi nɛ Yawɛ wo Mose, nɛ kɔɔ

Mose III, 22:7

Ke pu nɔ si kɛkɛ e he tsɔ, kɛkɛ ɔ, e ma nyɛ maa ye ní klɔuklɔu ɔ eko, ejakaa enɛ ɔ ji nɔ́ nɛ e yeɔ.

Mose III, 22:11

Se nyɔguɛ nɛ osɔfo ɔ he kɛ lɛ nitsɛ e sika a ma nyɛ maa ye ní klɔuklɔu ɔ eko. Nyɔguɛhi a bimɛ nɛ a fɔ ngɛ osɔfo ɔ we mi hu ma nyɛ maa ye ní klɔuklɔu ɔ eko.

Mose V, 18:1

“Osɔfo ɔmɛ a weku, nɛ ji Levi weku ɔ, a ko ná zugba nɛ a dla kɛ ha Israel ma a eko. Mɛɛ lɛɛ nɔ́ nɛ a kɛ maa lɛ a he ji nike níhi, kɛ bɔhi nɛ a sãã ha Yawɛ ɔ.

Matsɛmɛ II, 12:17

Jamɛ a be ɔ, Siria matsɛ, Hazael ya tua Gat, nɛ e ngɔ ma a; nɛ e to e yi mi kaa e ma ya tua Yerusalem hulɔ.

Nehemia 10:36

Wa ti nɔ tsuaa nɔ maa ngɔ e kekleekle binyumu kɛ ba osɔfo ɔmɛ a ngɔ ngɛ wa Mawu ɔ we ɔ, konɛ a pee mɛ klɔuklɔu kɛ ha Mawu kaa bɔ nɛ mlaa a tsɔɔ ɔ. Jehanɛ, wa maa ngɔ wa na amɛ, kɛ wa to ɔmɛ a kekleekle bihi hu kɛ ba.