Mose IV, 18:7 - BAIBLO ALOO NGMAMI KLƆUKLƆU Ɔ

⁷ Se o kɛ o bimɛ ɔmɛ pɛ ji ni nɛmɛ nɛ ngɛ he blɔ kaa nyɛ tsuɔ osɔfo ní tsumihi nɛ kɔɔ bɔ sami la tɛ ɔ, kɛ he klɔuklɔu pe kulaa a a he. Enɛ ɔmɛ ji nyɛ ní tsumi; ejakaa imi lɛ i kɛ osɔfo yemi ní tsumi ɔ ke nyɛ. Nɔ kpa ko nɛ maa hɛ lɛ kɛ su ní klɔuklɔu ɔmɛ a he ɔ, a gbe lɛ.”

Mose IV, 18:7 ပူးပေါင်းရင်းမြစ်များ

La 115:10

Aaron nina, nyɛɛ ngɔ nyɛ hɛ kɛ fɔ Yawɛ nɔ. Lɛ ji nyɛ he piɛlɔ, kɛ nyɛ yi baalɔ.

Mose II, 28:1

“Moo tsɔ ya ngɔ o nyɛminyumu Aaron kɛ e binyumu ɔmɛ nɛ ji Nadab, Abihu, Eleazar, kɛ Itamar kɛ ba. Mo ha nɛ a tsɔ a he kɛ je Israel bi kpa amɛ a he, bɔ nɛ pee nɛ a ba sɔmɔ mi kaa osɔfohi.

Mose II, 29:9

Fi mlɛ mi fimi níhi kɛ wo a mlɛ mi, nɛ o bu mɛ pɛɛ. Bɔ nɛ o maa wo Aaron kɛ e binyumu ɔmɛ osɔfo ji nɛ ɔ nɛ. Kɛkɛ ɔ, osɔfo ní tsumi ɔ maa pee a nɔ́; nɛ enɛ ɔ maa pee mlaa nɛ fɔɔ si kɛ yaa neneene.

Ezekiel 44:15

Nyɔmtsɛ Yawɛ ke, “Benɛ Israel ma a nɛ piɛ ɔ tsuo kua mi ɔ, Levi weku ɔ mi osɔfohi nɛ ji Zadok nina a, mɛɛ lɛɛ a sɔmɔ mi saminya ngɛ ye we ɔ. Lɔ ɔ he ɔ, mɛ pɛ ji nihi nɛ maa ba ye hɛ mi nɛ a ba sɔmɔ mi. Mɛ ji nihi nɛ maa ngɔ zɔ, kɛ nu ɔ kɛ ba ha imi Nyɔmtsɛ Yawɛ.

Ezekiel 44:16

Mɛ pɛ ji nihi nɛ maa ba ye he klɔuklɔu ɔ. A maa ba ye we okplɔɔ ɔ he, konɛ a ba sɔmɔ mi. Mɛ ji ni nɛmɛ nɛ maa hyɛ nɛ a ja mi saminya.

Ezekiel 44:8

Mɛ nitsɛmɛ a tsu we ye ní klɔuklɔu ɔmɛ a he ní ngɛ ye we ɔ, se mohu a ngɔ nibwɔhi kɛ to ní tsumi ɔmɛ a nya.

Mose III, 16:2

E de lɛ ke, “De o nyɛminyumu Aaron ke e ko ya he klɔuklɔu pe kulaa a ngɛ tsu mi pomi bo ɔ se be saisaa, konɛ e ko gbo. Ejakaa lejɛ ɔ ji he nɛ i jeɔ ye he kpo ngɛ ngɛ bɔku mi, ngɛ somi daka a nya nɔ́ ɔ nɔ.

Mose III, 7:35

Bɔhi nɛ a kɛ la sãã ha Yawɛ ɔ, Aaron kɛ e bimɛ ɔmɛ a blɔ fa mi nɔ́ nɛ a gbaa nɔ kɛ ha mɛ kɛ je be nɛ a wo mɛ osɔfo ji nɛ ɔ nɛ.

Mose IV, 1:51

Be tsuaa be nɛ nyɛ maa hia a, Levi bi ɔmɛ ji ni nɛmɛ nɛ maa gbɛ bo tsu ɔ. Nɛ ke a maa ma lɛ ekohu ɔ, Levi bi ɔmɛ nɔuu lɛ a maa ma. Ke nɔ kpa ko hɛ lɛ kɛ su he ɔ, a gbe lɛ.

Mose IV, 16:40

kaa bɔ nɛ Yawɛ fa Eleazar kɛ gu Mose nɔ ke e pee ɔ. Nɔ́ nɛ ɔ ba pee kɔkɔ bɔmi nɔ́ ko kɛ ha Israel bi ɔmɛ, kaa nɔ ko nɛ pi osɔfo ji lɛ, nɛ e pi Aaron weku ɔ mi no hulɔ ɔ, e be he blɔ nɛ e sãã tsopa kɛ e he via ngɛ bɔ sami la tɛ ɔ nɔ kɛ haa Yawɛ. Ke nɔ ko pee ja a, a ma kpata e hɛ mi kaa bɔ nɛ a pee Kora kɛ e se nyɛɛli ɔmɛ ɔ.

Mose IV, 18:20

Enɛ ɔ se ɔ, Yawɛ de Aaron ke, “O be weto ní ko nae ngɛ Israel zugba a nɔ, nɛ blɔ fa mi nɔ ko hu o be nae. Imi ji o blɔ fa mi nɔ, kɛ o weto ní ngɛ Israel bi ɔmɛ a kpɛti.”

Mose IV, 18:3

A ma sɔmɔ mo, nɛ a ma tsu bo tsu ɔ he ní tsumihi tsuo. Se mohu, á hyɛ nɛ a ko ta bɔ sami la tɛ ɔ, loo ní ɔmɛ nɛ ngɛ he klɔuklɔu ɔ a he, bɔ nɛ pee nɛ a kɛ nyɛ tsuo nyɛ ko gbo.

Mose IV, 3:10

Ngɔɔ osɔfo ní tsumi ɔ ngɔ wo Aaron, kɛ e binyumu ɔmɛ pɛ a dɛ mi; nɔ kpa ko nɛ maa hɛ lɛ kɛ su ní tsumi nɛ ɔ he ɔ, a gbe lɛ.”

Mose IV, 3:38

Ni nɛmɛ nɛ maa to si ngɛ kpe he ɔ hɛ mi kɛ yaa beleku je ji Mose, Aaron, kɛ Aaron binyumu ɔmɛ. Mɛ ji nihi nɛ ma tsu kusumi ní tsumihi tsuo ngɛ he klɔuklɔu ɔ kɛ ha Israel ma a nɛ. Nɔ kpa ko nɛ maa hɛ lɛ kɛ su ní tsumi nɛ ɔ he ɔ, a gbe lɛ.

Mateo 10:8

Nyɛ tsa hiɔtsɛmɛ; nyɛ tle ni gbogboehi si; nyɛ tsa nihi nɛ ngɛ he womi nɔ hiɔ yaya nue, nɛ nyɛɛ hia mumi yayamihi. Nyɛ ná lɛ yaka gu nɛ nyɛ wui he hiɔ; nyɛ hu nyɛ ngɔ ha nɛ nyɛ ko he hiɔwo.

Yohane 3:27

Yohane he nɔ ke, “Nɔ ko be nyɛe ma na nɔ́ ko kaa ja Mawu ha lɛ.

Efesobi 3:8

Jinɛ i pi nɔ ko kulaa ngɛ ni klɔuklɔu ɔmɛ a kpɛti. Se Mawu ha mi dloomi nɛ ɔ kaa ma ya fiɛ sane kpakpa a ha ma je li ɔmɛ, nɛ ma tsɔɔ mɛ ní kpakpahi nɛ a ma na ke a ba nyɛɛ Kristo se.

Mose V, 18:2

A be zugba nae kaa a weto ní kaa bɔ nɛ wɛtso kpa amɛ na a; a blɔ nya ji kaa a pee Yawɛ we osɔfohi kaa bɔ nɛ Yawɛ wo si ɔ.

Hebribi 5:4

Hɛ mi nyami nɛ ɔ, nɔ ko ngɔɛ kɛ ha lɛ nitsɛ e he. Mawu pɛ lɛ hlaa nɔ, nɛ e woɔ lɛ osɔfo nɔkɔtɔma pe kulaa kaa bɔ nɛ e hla Aaron ɔ.

Yoshua 18:7

Levi bi ɔmɛ be zugba a eko nae; mɛɛ lɛɛ a blɔ nya ni ji kaa a maa ye osɔfo kɛ ha Yawɛ. Gad, Ruben, kɛ Manase fa a, mɛ hu Yawɛ tsɔlɔ Mose ha mɛ a weto ní momo ngɛ Yordan pa a beleku je.”

1 Petro 5:2

Mawu asafo ɔ nɛ e ngɔ ha nyɛ ɔ, nyɛɛ hyɛ nɔ saminya kaa bɔ nɛ to hyɛlɔ lɛɔ e to kuu ɔ. Nyɛɛ pee enɛ ɔ kɛ je nyɛ tsui mi, se pi kaa a nyɛ nyɛ nɔ kɛ pee. Nyɛ tsu ní, pi ngɛ hiɔwo nɛ nyɛ ma na a he, se mohu kaa nyɛ ná nɔ́ nɛ nyɛ ngɛ pee ɔ he bua jɔmi. Bɔ nɛ Mawu to kaa nyɛɛ pee ji nɛ ɔ nɛ.

1 Petro 5:3

Nihi nɛ Mawu ngɔ ha nyɛ ke nyɛɛ hyɛ a nɔ ɔ, nyɛ ko ye a nɔ; se mohu nyɛɛ ngɔ nyɛ he ngɔ pee nɔ hyɛmi nɔ́ ha Mawu asafo ɔ.

Samuel I, 2:28

Imi lɛ i hla Aaron kɛ e weku ɔ kɛ je Israel wɛtso ɔmɛ tsuo a kpɛti ke a ba pee ye osɔfohi, nɛ a sã tsopa kɛ e he via ngɛ bɔ sami la tɛ ɔ nɔ, nɛ a wo efɔd nɛ a kɛ bi ye yi mi tomi. I ha mɛ he blɔ kaa bɔ ɔmɛ nɛ Israel ma a ba sãã ngɛ bɔ sami la tɛ ɔ nɔ ɔ, mɛ nitsɛmɛ a ngɔ eko ha a he.