Mose IV, 18:6 - BAIBLO ALOO NGMAMI KLƆUKLƆU Ɔ

⁶ Imi nitsɛ lɛ i hla nyɛ nyɛmimɛ Levi bi ɔmɛ kɛ je Israel bi ɔmɛ a kpɛti, nɛ i ngɔ mɛ kɛ ha nyɛ kaa nike ní. A hla mɛ ngɔ to ha mi, konɛ a nyɛ nɛ a tsu ní ngɛ kpe he bo tsu ɔ mi.

Mose IV, 18:6 ပူးပေါင်းရင်းမြစ်များ

Mose I, 6:17

Ma ha nɛ nyu kpekpemi maa ba je ɔ mi nɛ e ma kpata nɔ́ tsuaa nɔ́ nɛ wami ngɛ e mi ɔ hɛ mi. Nɔ́ tsuaa nɔ́ nɛ ngɛ je ɔ mi ɔ hɛ mi ma kpata,

Mose I, 9:9

“I kɛ nyɛ, kɛ nyɛ nina, kɛ lohwe ɔmɛ tsuo nɛ nyɛɛ kɛ mɛ je kpo ngɛ lɛ ɔ mi ɔ ngɛ soe: lohwe pɛlitsɛmɛ, we mi lohwehi, kɛ pu mi lohwehi.

Mose II, 14:17

Ma kplii Egipt bi ɔmɛ a tsui, nɛ a maa nyɛɛ a se; kɛkɛ ɔ, ye hɛ mi maa ba nyami, ejakaa ma ye Farao ɔ kɛ e tabo ɔ, e ta zugba lɛ ɔmɛ, kɛ e we okpɔngɔ ta buli ɔmɛ tsuo a nɔ kunimi.

Mose II, 31:6

Nɛ hyɛ, i hla Ahisamak bi Oholiab kɛ je Dan wɛtso ɔ mi, konɛ e piɛ e he kɛ tsu ní ɔ. Jehanɛ, gali kpa amɛ hu i dloo mɛ ga ní tsumi he juɛmi klɛdɛɛ, konɛ ní nɛ ɔmɛ tsuo nɛ i fa mo ke o pee ɔ, a nyɛ nɛ a pee:

Yesaya 48:15

Imi nitsɛ nɛ i hla lɛ. Imi nɛ i ngɔ lɛ kɛ ba, nɛ ní tsumi nɛ i ha lɛ ɔ, e maa ye manye ngɛ mi.

Yesaya 51:12

Yawɛ ke, “Imi ji nɔ nɛ woɔ mo he wami. Nɔmlɔ adesa nɛ gboɔ, nɛ e wami se kɛmi pi kaa nga nɔ́ po ɔ, mɛni he je o yeɔ lɛ gbeye?

Ezekiel 34:11

“Imi Nyɔmtsɛ Yawɛ, i ngɛ nyɛ dee ke, imi nitsɛ ma hla ye to ɔmɛ a se blɔ, nɛ ma hyɛ a nɔ.

Ezekiel 34:20

“Lɔ ɔ he ɔ, jehanɛ lɛɛ tohi nɛ wo zɔ, kɛ tohi nɛ tã he lo ɔ, imi Nyɔmtsɛ Yawɛ nitsɛ ma kojo a kpɛti.

Mose IV, 3:12

“Jehanɛ, Levi bi ɔmɛ maa pee ye níhi. Benɛ i gbe Egipt bi ɔmɛ a bitɛte ɔmɛ tsuo ɔ, i tsukɔ Israel bi ɔmɛ a bitɛte tsuaa bitɛte, kɛ a lohwehi hu a kekleekle bihi a he kɛ pee ye níhi. Jehanɛ lɛɛ i hla Levi bi ɔmɛ kɛ to Israel bitɛte ɔmɛ a nane mi; a maa pee ye níhi. Imi ji Yawɛ.”

Mose IV, 3:45

“Jehanɛ, moo hla Levi bi ɔmɛ ngɔ to ha mi ngɛ Israel bitɛte ɔmɛ tsuo a nane mi, kɛ a we mi lohwehi hu ngɛ Israel bi ɔmɛ a we mi lohwehi tsuo a kekleekle bi ɔmɛ a nane mi. Imi ji Yawɛ!

Mose IV, 3:6

“Moo kpee Levi bi ɔmɛ kɛ ba, nɛ o ngɔ mɛ ngɔ ha osɔfo Aaron nɛ a piɛ e he kɛ tsu ní.

Mose IV, 3:9

A je blɔ hla Levi bi ɔmɛ ngɛ Israel ma a kpɛti, lɔ ɔ he ɔ, ngɔɔ mɛ kɛ ha Aaron nɛ a sɔmɔ lɛ, kɛ e binyumu ɔmɛ.