Mose IV, 18:5 - BAIBLO ALOO NGMAMI KLƆUKLƆU Ɔ

⁵ He klɔuklɔu ɔ, kɛ bɔ sami la tɛ ɔ, o kɛ o bimɛ ɔmɛ pɛ nyɛ tsu ní ngɛ lejɛ ɔ, konɛ ye mi mi nɛ ko fu Israel bi ɔmɛ ekohu.

Mose IV, 18:5 ပူးပေါင်းရင်းမြစ်များ

Kronika I, 23:24

Levi nina nɛ a kane nɛ a ngma a biɛ weku nya weku nya, kɛ we puɔ nya we puɔ nya ji nɛ ɔmɛ nɛ. Nɔ tsuaa nɔ nɛ ye kɛ je jeha nyingmi enyɔ kɛ yaa a, ya tsuɔ ní ngɛ Yawɛ we ɔ.

Kronika I, 23:32

A ní tsumi hu ji kaa a hyɛ kpe he bo tsu ɔ, kɛ Yawɛ we ɔ a nɔ, nɛ a piɛ a nyɛmimɛ osɔfo ɔmɛ, nɛ ji Aaron bimɛ ɔmɛ a he kɛ sɔmɔ ngɛ Yawɛ we ɔ.

Kronika I, 24:5

A fɔ sɔ kɛ gba ní tsumi ha kuu slɔɔtoslɔɔto ɔmɛ tsuo, konɛ e ko pee kaa a hyɛ nɔ ko hɛ mi; ejakaa Yawɛ we ɔ ní tsuli, kɛ Mawu ní tsuli ngɛ Eleazar nina a, kɛ Itamar nina a tsuo a kpɛti.

Kronika I, 9:19

Kore bi Shalum, Ebiasaf bibi ɔ, e kɛ e nyɛmimɛ Kora bi ɔmɛ a ní tsumi ji a bu Yawɛ kpe he bo tsu ɔ sinya a nya kaa bɔ nɛ a nɛmɛ ɔmɛ pee benɛ a hyɛ Yawɛ ma sito he ɔ nɔ ɔ.

Kronika I, 9:23

A kɛ a nina ji nihi nɛ a buu Yawɛ kpe he bo tsu ɔ agbo ɔmɛ a nya.

Kronika I, 9:33

Levi bi ɔmɛ a ti ni komɛ a ní tsumi ji a la ngɛ Yawɛ we ɔ. A nya dali ɔmɛ hii tsuhi nɛ ngɛ Yawɛ we ɔ ekomɛ a mi. Mɛɛ lɛɛ a ha we mɛ ní tsumi kpa ko, ejakaa a tsuɔ ní nyɔ kɛ pia.

Mose II, 27:21

Aaron kɛ kane ɔ nɛ ma kpe he bo tsu ɔ mi, ngɛ tsu mi pomi bo ɔ nɛ haa somi daka a hɛ mi ɔ hɛ mi. Aaron kɛ e binyumu ɔmɛ nɛ a hyɛ kane ɔ nɔ ngɛ ye hɛ mi daa kɛ je gbɔkuɛ kɛ yaa si mɔtu. Enɛ ɔ maa pee mlaa nɛ fɔɔ si kɛ yaa neneene kɛ ha Israel bi ɔmɛ, kɛ a nina tsuo.

Yeremia 23:15

“Lɔ ɔ he ɔ, bɔ nɛ imi, Yawɛ Tabohiatsɛ ɔ i ngɛ dee ngɛ Yerusalem gbali ɔmɛ a he ji nɛ ɔ nɛ: ‘Ma ha mɛ agba nɛ a maa ye kaa niye ní, nɛ i kɛ duɔ maa wo nyu mi ha mɛ nɛ a nu. Ejakaa mɛ Yerusalem gbali ɔmɛ a he je nɛ ní yayamihi gbɛ fĩa zugba a nɔ tsuo.’ ”

Ezekiel 44:15

Nyɔmtsɛ Yawɛ ke, “Benɛ Israel ma a nɛ piɛ ɔ tsuo kua mi ɔ, Levi weku ɔ mi osɔfohi nɛ ji Zadok nina a, mɛɛ lɛɛ a sɔmɔ mi saminya ngɛ ye we ɔ. Lɔ ɔ he ɔ, mɛ pɛ ji nihi nɛ maa ba ye hɛ mi nɛ a ba sɔmɔ mi. Mɛ ji nihi nɛ maa ngɔ zɔ, kɛ nu ɔ kɛ ba ha imi Nyɔmtsɛ Yawɛ.

Ezekiel 44:16

Mɛ pɛ ji nihi nɛ maa ba ye he klɔuklɔu ɔ. A maa ba ye we okplɔɔ ɔ he, konɛ a ba sɔmɔ mi. Mɛ ji ni nɛmɛ nɛ maa hyɛ nɛ a ja mi saminya.

Mose III, 10:6

Lɔ ɔ se ɔ, Mose de Aaron kɛ e binyumu ɔmɛ, Eleazar kɛ Itamar ke, “Nyɛ ko ngmɛɛ nyɛ yi bwɔmi he kɛ pue nyɛ nɔ, nɛ nyɛ ko hía nyɛ tadehi ngɛ nyɛ he hulɔ kɛ tsɔɔ kaa nyɛ ngɛ kɔmɔ yee. Ke nyɛ pee ja a, nyɛ ma gbo, nɛ Yawɛ mi mi ma fu ma a tsuo. Se nyɛ nyɛmimɛ ɔmɛ, kɛ Israel we ɔ tsuo kulaa ma nyɛ maa ye kɔmɔ nɛ a nyɛ ya ha gbogboe ɔmɛ nɛ Yawɛ la sã a.

Mose III, 24:3

Aaron nɛ ya su kane ɔmɛ daa gbɔkuɛ, nɛ a hi tsoe ngɛ Yawɛ hɛ mi kɛ yaa si mɔtu. E kɛ ma tsu mi pomi bo ɔ nɛ tsi somi daka a hɛ mi ɔ se, ngɛ he klɔuklɔu pe kulaa a. Enɛ ɔ ji mlaa nɛ maa fɔ si kɛ ha nyɛ yi nɔhi tsuo kulaa kɛ yaa neneene.

Zakaria 10:3

Yawɛ ke, “Hyɛ, ye mi mi fu to hyɛli ɔmɛ saminya; ma gbla ma nimeli ɔmɛ a tue kokooko. Yuda a, ye ma ji mɛ, nɛ imi Yawɛ Tabohiatsɛ nitsɛ ma hyɛ a nɔ. Ma ha a he maa wa saminya kaa ta okpɔngɔ.

Mose IV, 1:50

Levi bi ɔmɛ lɛɛ ngɔɔ kpe he bo tsu ɔ, kɛ e he ní ɔmɛ, kɛ e mi ní ɔmɛ tsuo a nɔ hyɛmi ní tsumi ɔ kɛ wo a dɛ. Mɛ nɛ a maa hɛɛ kpe he bo tsu ɔ kɛ e he ní ɔmɛ. Mɛ nɛ a maa hyɛ nɔ; nɛ bo tsu ɔ he ji he nɛ a maa hi.

Mose IV, 1:53

Se Levi bi ɔmɛ lɛɛ a ma pue si kɛ bɔle kpe he ɔ, nɛ a maa bu he, bɔ nɛ pee nɛ imi Yawɛ, ye we abofu nɛ ko kple Israel ma kpekpemi ɔ nɔ.”

Mose IV, 16:46

nɛ Mose de Aaron ke, “Ngɔɔ ngɛyu ɔ, nɛ o je la ngɛ bɔ sami la tɛ ɔ nɔ kɛ wo mi. Ngɔɔ tsopa kɛ e he via kɛ pue nɔ, nɛ o hɛɛ kɛ ya ma a ngɔ esɔesɔ, nɛ o ya kpata Yawɛ ha mɛ. Yawɛ mi mi fu, nɛ gbenɔ hiɔ ɔ je sisi.”

Mose IV, 18:4

A maa piɛ nyɛ he kɛ tsu ní tsumi tsuaa ní tsumi ngɛ kpe he bo tsu ɔ mi; nɔ kpa ko nɛ ko ba nyɛ kasa nya.

Mose IV, 4:18

“Nyɛ ko ha nɛ Kohat bi ɔmɛ a hɛ mi ba kpata ngɛ Levi bi ɔmɛ a kpɛti.

Mose IV, 8:19

I ngɔ mɛ ngɔ ha Aaron kɛ e bimɛ ɔmɛ kaa Israel ma a tsuo a nike ní. A ma sɔmɔ ngɛ kpe he bo tsu ɔ mi, nɛ a ma kpata Yawɛ ha ma a, bɔ nɛ pee nɛ ke alini ma a hɛ mɛ kɛ su he klɔuklɔu ɔ he tsɔ ɔ, gbenɔ hiɔ kó sɛ a kpɛti.”

Mose IV, 8:2

“Mo de Aaron ke, ke e ngɔ kane kpaago ɔmɛ kɛ ma si mami ɔ, e hyɛ nɛ mɛ tsuo a tso kɛ ya kane tso ɔ hɛ mi.”

1 Timoteo 1:18

Ye bi Timoteo, munyuhi nɛ gbali ɔmɛ tu blema ngɛ o he ɔ, lɔ ɔmɛ imi hu i ngɛ mo fae ke o pee. Ha munyu nɛ ɔmɛ nɛ a pee kaa ta hwumi níhi ngɛ o dɛ nɛ o kɛ tsu ní saminya.

1 Timoteo 3:15

Se ke ye se ya kɛ ɔ, womi nɛ ɔ maa tsɔɔ mo bɔ nɛ sa nɛ wɔ Kristo we bi waa ba wa je mi ha. Mawu weku ɔ mi bi ji wɔ, nɛ wɔ ji Mawu hɛ kalɔ ɔ we asafo. Anɔkuale ɔ nɛ kɔɔ Mawu he ɔ, asafo ɔ nɔ nɛ a fia ngɔ fɔ, nɛ asafo ɔ nɛ faa he.

1 Timoteo 5:21

Ngɛ Mawu, kɛ Kristo Yesu, kɛ bɔfo klɔuklɔu ɔmɛ tsuo a hɛ mi ɔ, i ngɛ mo kita kae nɛ o ye mlaa nɛ ɔmɛ a nɔ pɛpɛɛpɛ. Ke o ngɛ nɔ́ ko pee ɔ, koo hyɛ nɔ hɛ mi. Jehanɛ hu, ko ha nɛ nɔ ko ní peepee nɛ sa o hɛ mi pe nɔ kpa nɔ́.

1 Timoteo 6:20

Timoteo, níhi nɛ a tu ngɔ wo o dɛ mi ɔ, baa yi saminya. Yakayaka ní sɛɛmi nɛ tsɔɔ we Mawu gbeye yemi, kɛ nya sami tslalaa nɛ juɛmi be mi ɔ, yu o he ngɛ he. Kikɛmɛ a ní nɛ ɔmɛ lɛ ni komɛ buu ke nile.