Mose IV, 18:30 - BAIBLO ALOO NGMAMI KLƆUKLƆU Ɔ

³⁰ Ke nyɛɛ kɛ nɔ́ nɛ hi pe kulaa a ba ha Yawɛ ɔ, nyɛɛ ngɔ nɔ́ nɛ piɛ ɔ kɛ to, kaa bɔ nɛ ke ngmɔ hulɔ ya sã bɔ nɛ e ngɔɔ nɔ́ nɛ piɛ ɔ kɛ toɔ ɔ.

Mose IV, 18:30 ပူးပေါင်းရင်းမြစ်များ

Mateo 6:33

Se nyɛ hla Mawu matsɛ yemi ɔ, kɛ níhi nɛ da ngɛ e hɛ mi ɔ kekle, nɛ a kɛ ní nɛ ɔmɛ tsuo maa piɛ he ngɔ ha nyɛ.

Malaki 1:8

Ke nyɛ ngɔ lohwe hɛ yuyuilɔ kɛ ba sã bɔ ha mi ɔ, anɛ pi yayami ji lɔ ɔ lo? Ke nyɛ ngɔ lohwe akpaketsɛ, aloo lohwe hiɔtsɛ kɛ ba sã bɔ ha mi ɔ, anɛ pi yayami ji lɔ ɔ lo? Ke nyɛ ngɔ lohwe kaa kikɛ nɛ ɔ ya ke nyɛ amlaalo ɔ, anɛ e ma na nyɛ he bua jɔmi, aloo e maa pee nyɛ hiami níhi ha nyɛ lo?”

Mose V, 6:5

Nyɛɛ suɔ Yawɛ, nyɛ Mawu ɔ kɛ nyɛ tsui tsuo, kɛ nyɛ klaa tsuo, kɛ nyɛ he wami tsuo.

Mose I, 43:11

A tsɛ Yakob de mɛ ke, “Ke ja ji sane ɔ, lɛɛ nyɛɛ ngɔ zugba nɛ ɔ nɔ ní kpakpa amɛ ekomɛ kɛ wo nyɛ kotoku ɔmɛ a mi, nɛ nyɛ kɛ ya ke ganɔ ɔ. Nyɛɛ ngɔ tsopa nu bɔɔ, bila, hwo bɔɔ, kɛ tsopahi kɛ a he via bɔɔ, gigɛ bɔɔ, kɛ ngmɛ́ bɔɔ.

Mose I, 50:10

Benɛ a su ngma mi sami he ɔ ngɛ Atad, ngɛ Yordan pa a beleku je ɔ, a wo yana wawɛɛ ngɛ lejɛ ɔ be saii; nɛ Yosef pee kusumi kɛ nyɛ ya ligbi kpaago.

Mose II, 29:27

“Ke a wo nɔ ko osɔfo ɔ, agbosu nɛ a kɛ tsu ní ɔ, a tsukɔ e gugue ɔ, kɛ e fiɔ ɔ he kaa nike ní klɛdɛɛ ha mi, nɛ a kɛ ha osɔfo ɔmɛ kaa a blɔ nya ní.

Mose IV, 18:29

Nike níhi tsuo pɛpɛɛpɛ nɛ nyɛ na a, nyɛɛ ngɔ e mi nɔ́ nɛ hi pe kulaa, nɛ ji nɔ́ klɔuklɔu ɔ kɛ ba ha Yawɛ.

Mose IV, 18:31

Nyɛɛ kɛ nyɛ we mi bimɛ nɛ ye nɔ́ nɛ piɛ ɔ ngɛ he tsuaa he; ejakaa ní tsumi nɛ nyɛ tsuɔ ngɛ kpe he bo tsu ɔ mi ɔ, e he hiɔwo ji lɔ ɔ nɛ.