Mose IV, 18:3 - BAIBLO ALOO NGMAMI KLƆUKLƆU Ɔ

³ A ma sɔmɔ mo, nɛ a ma tsu bo tsu ɔ he ní tsumihi tsuo. Se mohu, á hyɛ nɛ a ko ta bɔ sami la tɛ ɔ, loo ní ɔmɛ nɛ ngɛ he klɔuklɔu ɔ a he, bɔ nɛ pee nɛ a kɛ nyɛ tsuo nyɛ ko gbo.

Mose IV, 18:3 ပူးပေါင်းရင်းမြစ်များ

Mose IV, 4:15

Ke be nɛ ma a maa hia kɛ je a sito he ɔ, Aaron kɛ e bimɛ ɔmɛ nɛ a ha ní klɔuklɔu ɔmɛ kɛ a he ní ɔmɛ tsuo a he, loko Kohat bi ɔmɛ nɛ a ba nɛ a ba tloo kɛ ho. Kohat bi ɔmɛ kó ta ní klɔuklɔu ɔmɛ a he, konɛ a ko gbo. Kpe he bo tsu ɔ he níhi nɛ Kohat bi ɔmɛ maa tloo be tsuaa be nɛ ma a maa hia ji nɛ ɔmɛ nɛ.

Mose IV, 16:40

kaa bɔ nɛ Yawɛ fa Eleazar kɛ gu Mose nɔ ke e pee ɔ. Nɔ́ nɛ ɔ ba pee kɔkɔ bɔmi nɔ́ ko kɛ ha Israel bi ɔmɛ, kaa nɔ ko nɛ pi osɔfo ji lɛ, nɛ e pi Aaron weku ɔ mi no hulɔ ɔ, e be he blɔ nɛ e sãã tsopa kɛ e he via ngɛ bɔ sami la tɛ ɔ nɔ kɛ haa Yawɛ. Ke nɔ ko pee ja a, a ma kpata e hɛ mi kaa bɔ nɛ a pee Kora kɛ e se nyɛɛli ɔmɛ ɔ.

Mose IV, 3:36

Ní tsumi nɛ a tu kɛ wo Merari binyumu ɔmɛ a dɛ mi ji ní tsumi tsuaa ní tsumi nɛ kɔɔ kpe he ɔ he plai ɔmɛ, mani ɔmɛ, titima amɛ kɛ a nɔ dami ní ɔmɛ, kɛ a he ní ɔmɛ tsuo a he.

Mose IV, 3:31

Ní tsumi nɛ a tu kɛ wo a dɛ mi ji: ní tsumi tsuaa ní tsumi nɛ kɔɔ somi daka a he, okplɔɔ ɔ, kane tso ɔ, bɔ sami la tɛ ɔmɛ, níhi nɛ osɔfo ɔmɛ kɛ sɔmɔɔ ngɛ he klɔuklɔu ɔ, kɛ tsu mi pomi bo ɔ.

Mose IV, 3:25

Kpe he bo tsu ɔ he níhi nɛ a tu kɛ wo a dɛ mi ji: kpe he ɔ, bo tsu ɔ kɛ e nɔ hami nɔ́ ɔ, bo tsu ɔ sinya a nya bo ɔ,

Mose IV, 18:7

Se o kɛ o bimɛ ɔmɛ pɛ ji ni nɛmɛ nɛ ngɛ he blɔ kaa nyɛ tsuɔ osɔfo ní tsumihi nɛ kɔɔ bɔ sami la tɛ ɔ, kɛ he klɔuklɔu pe kulaa a a he. Enɛ ɔmɛ ji nyɛ ní tsumi; ejakaa imi lɛ i kɛ osɔfo yemi ní tsumi ɔ ke nyɛ. Nɔ kpa ko nɛ maa hɛ lɛ kɛ su ní klɔuklɔu ɔmɛ a he ɔ, a gbe lɛ.”

Mose IV, 1:51

Be tsuaa be nɛ nyɛ maa hia a, Levi bi ɔmɛ ji ni nɛmɛ nɛ maa gbɛ bo tsu ɔ. Nɛ ke a maa ma lɛ ekohu ɔ, Levi bi ɔmɛ nɔuu lɛ a maa ma. Ke nɔ kpa ko hɛ lɛ kɛ su he ɔ, a gbe lɛ.

Mose IV, 18:4

A maa piɛ nyɛ he kɛ tsu ní tsumi tsuaa ní tsumi ngɛ kpe he bo tsu ɔ mi; nɔ kpa ko nɛ ko ba nyɛ kasa nya.

Mose IV, 31:30

Fa a nɛ ji Israel ma a nɛ piɛ ɔ a nɔ ɔ, nimli, nahi, tejihi tohi, kɛ we mi lohwehi tsuo ɔ, ngɔɔ kakaaka ngɛ nyingmi enuɔ tsuaa nyingmi enuɔ mi kɛ ha Levi bi ɔmɛ nɛ tsuɔ Yawɛ kpe he ɔ he ní ɔ.”

Ezekiel 44:13

A ko sã kɛ su ye he, nɛ a ko ba tsu osɔfo ní tsumi ha mi. A ko ba ta ye ní klɔuklɔu ɔmɛ a he; nɛ a ko ya he klɔuklɔu pe kulaa a hulɔ. Enɛ ɔ ji a tue gblami ngɛ ní hiemi níhi nɛ a pee ɔ a he.

Mose IV, 1:53

Se Levi bi ɔmɛ lɛɛ a ma pue si kɛ bɔle kpe he ɔ, nɛ a maa bu he, bɔ nɛ pee nɛ imi Yawɛ, ye we abofu nɛ ko kple Israel ma kpekpemi ɔ nɔ.”