Mose IV, 18:26 - BAIBLO ALOO NGMAMI KLƆUKLƆU Ɔ

²⁶ e de Levi bi ɔmɛ ke, “Ke nyɛ nine su Israel bi ɔmɛ a níhi a mi dlami nyɔngmanyɔngma mi kakaaka a nɛ Yawɛ kɛ ha nyɛ kaa nyɛ weto ní ɔ nɔ ɔ, nyɛ hu nyɛɛ ngɔ mi dlami nyɔngma mi kake nɛ ɔ hu mi dlami nyɔngma mi kake kɛ ba ha mi kaa nike ní klɛdɛɛ.

Mose IV, 18:26 ပူးပေါင်းရင်းမြစ်များ

Nehemia 10:38

Osɔfohi nɛ ji Aaron nina a, ke benɛ Levi bi ɔmɛ ngɛ mi dlami nyɔngmanyɔngma mi kakaaka amɛ tsue ɔ, a kɛ mɛ nɛ hi lejɛ ɔ. Levi bi ɔmɛ nɛ a ngɔ mi dlami nyɔngmanyɔngma mi kakaaka amɛ nɛ a bua nya a tsuo a mi dlami nyɔngma mi kake kɛ to ngɛ wa Mawu we ɔ nito he ɔmɛ.

Mose IV, 18:21

Yawɛ de ke, “Levi bi ɔmɛ lɛɛ i ngɔ Israel níhi tsuo a mi dlami nyɔngmanyɔngma mi kakaaka kɛ ngɛ mɛ hae kaa a weto ní, ngɛ ní nɛ a tsuɔ ngɛ kpe he bo tsu ɔ mi ɔ he.

Hebribi 7:5

Levi nina a, ni nɛmɛ nɛ hɛɛ osɔfo blɔ nya a, mlaa tsɔɔ kaa a he mi dlami nyɔngma mi kakaaka ngɛ mɛ nitsɛmɛ a nyɛmimɛ Israel fɔfɔɛ ɔmɛ a dɛ, pohu a nyɛmimɛ ɔmɛ ɔ, mɛ hu Abraham nina ji mɛ.

Mose IV, 18:25

Yawɛ fa Mose ke

Mose IV, 18:27

Yawɛ maa ngɔ nɔ́ nɛ ɔ kaa ngma nɛ je nyɛ nitsɛmɛ nyɛ ngma mi sami he, loo wai he nɛ je nyɛ nitsɛmɛ nyɛ wai muɔ mi.

Mose IV, 15:21

Ngɛ nyɛ yi nɔhi tsuo pɛpɛɛpɛ ɔ, nyɛ maa ngɔ nyɛ kekleekle ma nɛ ɔ mi eko kɛ ba ha Yawɛ kaa nyɛ nike ní klɛdɛɛ.

Nehemia 10:39

Israel ma a, kɛ Levi bi ɔmɛ a blɔ nya ji kaa a ngɔ blɛfo, dã, kɛ oliv nu nɛ a tsu ngɛ ni ɔmɛ a dɛ ɔ kɛ ba nito he ɔmɛ ngɛ Mawu we ɔ. Lejɛ ɔ a toɔ níhi nɛ a kɛ sɔmɔɔ ɔ ngɛ. Osɔfohi nɛ ngɛ ní tsue, buli, kɛ lali ɔmɛ hu lejɛ ɔ nɔuu ji he nɛ a hii. Wa maa hyɛ wa Mawu ɔ we ɔ nɔ saminya.