Mose IV, 18:23 - BAIBLO ALOO NGMAMI KLƆUKLƆU Ɔ

²³ Levi bi ɔmɛ pɛ ji ni nɛmɛ nɛ ma tsu ní ngɛ kpe he ɔ; ke sane ko ba a, mɛ lɛ a ma bi. Enɛ ɔ ji mlaa nɛ fɔɔ si daa kɛ ha nyɛ bimɛ; se weto ní ko lɛɛ a be nae ngɛ Israel,

Mose IV, 18:23 ပူးပေါင်းရင်းမြစ်များ

Mose IV, 3:7

A ma sɔmɔ ngɛ kpe he bo tsu ɔ he, nɛ a ma tsu Aaron, kɛ ma a tsuo a ní tsumi ngɛ lejɛ ɔ.

Mose IV, 18:20

Enɛ ɔ se ɔ, Yawɛ de Aaron ke, “O be weto ní ko nae ngɛ Israel zugba a nɔ, nɛ blɔ fa mi nɔ ko hu o be nae. Imi ji o blɔ fa mi nɔ, kɛ o weto ní ngɛ Israel bi ɔmɛ a kpɛti.”

Mose IV, 18:1

Yawɛ de Aaron ke, “O kɛ o bimɛ ɔmɛ, kɛ o tsɛ we ɔ, nyɛ ji ni nɛmɛ nɛ he klɔuklɔu ɔ he sɔ tloo, se nɔ́ nɛ kɔɔ osɔfo yemi ní tsumi ɔ he ɔ lɛɛ o kɛ o bimɛ ɔmɛ kɛkɛ nyɛ sane ji lɔ ɔ.

Mose II, 27:21

Aaron kɛ kane ɔ nɛ ma kpe he bo tsu ɔ mi, ngɛ tsu mi pomi bo ɔ nɛ haa somi daka a hɛ mi ɔ hɛ mi. Aaron kɛ e binyumu ɔmɛ nɛ a hyɛ kane ɔ nɔ ngɛ ye hɛ mi daa kɛ je gbɔkuɛ kɛ yaa si mɔtu. Enɛ ɔ maa pee mlaa nɛ fɔɔ si kɛ yaa neneene kɛ ha Israel bi ɔmɛ, kɛ a nina tsuo.

Mose IV, 26:62

Nyumuhi nɛ ngɛ Levi wɛtso ɔ mi, nɛ a ye kɛ je nyɔhiɔ kake kɛ yaa, nɛ a ngma a biɛ ɔ, a hiɛmi ji 23,000. A kane we mɛ kɛ piɛ we Israel bi kpa amɛ a he; ejakaa mɛɛ lɛɛ a ha we mɛ weto ní ko ngɛ Israel bi ɔmɛ a kpɛti.

Ezekiel 44:10

Yawɛ de mi ke, “Levi bi nɛ a kɛ Israel ma nɛ piɛ ɔ kua mi, nɛ a ya ja amagahi ɔ, ma gbla a tue.

Mose IV, 19:21

Mlaa nɛ fɔɔ si daa kɛ ha mɛ ji nɛ ɔ nɛ. Nɔ nɛ fĩaa nyu nɛ a kɛ fɔɔ nɔ he yayami ɔ ngɔ pueɔ nihi a nɔ ɔ, lɛ hu e fɔ e tade ɔmɛ a he; nɛ nɔ tsuaa nɔ nɛ nyu nɛ ɔ eko ma pue e nɔ ɔ, lɛ hu e he tsɔ we kɛ yaa si gbɔkuɛ.

Mose IV, 35:29

Enɛ ɔmɛ ji mlaahi, kɛ blɔ nya tomihi nɛ fɔɔ si ha nyɛ, ngɛ yi nɔhi tsuo ngɛ he tsuaa he nɛ nyɛ ngɛ.

Mose V, 10:9

Lɔ ɔ he je nɛ Levi wɛtso ɔ na we zugba ko kaa bɔ nɛ wɛtso kpa amɛ na a nɛ. Blɔ nya nɛ Levi bi ɔmɛ na ji kaa a pee Yawɛ osɔfohi kaa bɔ nɛ Yawɛ, nyɛ Mawu ɔ wo si ɔ.)

Yoshua 13:14

Levi bi ɔmɛ pɛ ji wɛtso nɛ Mose ha we mɛ zugba a eko. Kaa bɔ nɛ Yawɛ de Mose ɔ, Levi bi ɔmɛ lɛɛ a blɔ nya ní ji bɔhi nɛ a kɛ la sãã ngɛ bɔ sami la tɛ ɔ nɔ kɛ haa Yawɛ, Israel Mawu ɔ.