Mose IV, 18:21 - BAIBLO ALOO NGMAMI KLƆUKLƆU Ɔ

²¹ Yawɛ de ke, “Levi bi ɔmɛ lɛɛ i ngɔ Israel níhi tsuo a mi dlami nyɔngmanyɔngma mi kakaaka kɛ ngɛ mɛ hae kaa a weto ní, ngɛ ní nɛ a tsuɔ ngɛ kpe he bo tsu ɔ mi ɔ he.

Mose IV, 18:21 ပူးပေါင်းရင်းမြစ်များ

Nehemia 12:44

Jamɛ a ligbi ɔ, nito hehi nɛ ngɛ sɔlemi we ɔ, nɛ a toɔ nike níhi ngɛ a mi ɔ, a ngɔ ni komɛ ngɔ to a nya, nɛ́ a hyɛ mi dlami nyɔngmanyɔngma mi kakaaka ɔmɛ, kɛ jeha mi kekleekle blɛfo ɔ, kɛ kekleekle tso yiblii nɛ fu ɔ a nɔ. Ni nɛ ɔmɛ a ní tsumi ji kaa a hyɛ nɛ a bua nike ní ɔmɛ a nya ngɛ ngmɔ ɔmɛ nɛ bɔle ma amɛ a nɔ, nɛ a kɛ ba ha osɔfo ɔmɛ, kɛ Levi bi ɔmɛ kaa bɔ nɛ mlaa a tsɔɔ ɔ. Yuda ma a tsuo bua jɔ osɔfo ɔmɛ, kɛ Levi bi ɔmɛ a he saminya;

Nehemia 10:37

Daa jeha a, wa maa ngɔ ma nɛ a pee kɛ je blɛfo he mi kɛ ba ha osɔfo ɔmɛ ngɛ wa Mawu ɔ we ɔ. Nike ní kpahi nɛ maa piɛ he ji wai, oliv nu, kɛ tso yiblii nɛ a yeɔ slɔɔtohi tsuo. Levi bi nɛ tsuɔ ngmɔ nɔ niba níhi a mi dlami nyɔngmanyɔngma mi kakaaka ngɛ kɔpe ɔmɛ a mi ɔ hu, wa ma ha mɛ ngmɔ nɔ niba ní mi dlami nyɔngmanyɔngma mi kakaaka.

Hebribi 7:5

Levi nina a, ni nɛmɛ nɛ hɛɛ osɔfo blɔ nya a, mlaa tsɔɔ kaa a he mi dlami nyɔngma mi kakaaka ngɛ mɛ nitsɛmɛ a nyɛmimɛ Israel fɔfɔɛ ɔmɛ a dɛ, pohu a nyɛmimɛ ɔmɛ ɔ, mɛ hu Abraham nina ji mɛ.

Galatabi 6:6

Nɔ nɛ a ngɛ lɛ ní tsɔɔe ɔ, kɛ e tsɔɔlɔ ɔ nɛ dla ní kpakpahi nɛ e ngɛ ɔ.

Nehemia 13:12

Lɔ ɔ se ɔ, Israel ma a tsuo ngɔ a blɛfo, wai, kɛ oliv nu mi dlami nyɔngmanyɔngma mi kakaaka amɛ kɛ ba nito he ɔmɛ ekohu.

Nehemia 10:29

wa piɛ wa ma nimeli ɔmɛ a he kɛ ngɛ kita kae ke gbiɛmi nɛ ba wa nɔ ke wa tɔ kita a. Wa ngɛ kita kae ke Mawu mlaa a nɛ e wo wɔ kɛ gu e tsɔlɔ Mose nɔ ɔ, wa maa ye nɔ. Wa ngɛ kita kae ke níhi tsuo kulaa nɛ Yawɛ, wa Mawu ɔ fa wɔ ke waa pee ɔ, wa maa pee. Wa ngɛ kita kae ekohu ke wa maa ye e mlaa amɛ, kɛ blɔ nya tomi ɔmɛ tsuo a nɔ.

Kronika II, 31:12

ma a muɔ nike ní ɔmɛ, kɛ níhi a mi dlami nyɔngmanyɔngma mi kakaaka a nɛ a ngɔ kɛ ba a kɛ ya to lejɛ ɔmɛ. Levi no ɔ nɛ a tsɛɛ lɛ Konania a ji ní ɔmɛ a nɔ hyɛlɔ nɔkɔtɔma; e setsɔ ji lɛ nitsɛ e nyɛminyumu Shimei.

Mose IV, 18:6

Imi nitsɛ lɛ i hla nyɛ nyɛmimɛ Levi bi ɔmɛ kɛ je Israel bi ɔmɛ a kpɛti, nɛ i ngɔ mɛ kɛ ha nyɛ kaa nike ní. A hla mɛ ngɔ to ha mi, konɛ a nyɛ nɛ a tsu ní ngɛ kpe he bo tsu ɔ mi.

Mose I, 14:20

Mawu Hiɔwe No nɛ ha o ye o he nyɛli ɔmɛ a nɔ ɔ, a je e yi!” Abram ha Melkizedek niha ní nɛ e ya kpɔ ɔ tsuo mi dlami nyɔngma mi kake.

Mose IV, 31:28

Ta yibu ní ɔ nɛ ji tabo ɔmɛ nɛ ya hwu ta a a blɔ fa mi nɔ ɔ, ngɔɔ eko kɛ ha Yawɛ. Nimli adesahi jio, nahi jio, tejihi jio, tohi jio, Yawɛ nɔ ji lafa enuɔ tsuaa lafa enuɔ mi kake. Ngɔɔ ní nɛ ɔmɛ ngɔ ha osɔfo Eleazar kaa nike ní klɛdɛɛ ha Yawɛ.

Mose V, 18:8

E kɛ osɔfo kpa amɛ nɛ ngɛ lejɛ ɔ nɛ a na niye ní blɔ nya sɔsɔɛ; se nɔ́ nɛ e weku li maa mane lɛ ɔ lɛɛ e pee lɛ nɔ kake e nɔ́.

Nehemia 12:47

Zerubabel yi nɔ, kɛ Nehemia be ɔ mi ɔ, Israel ma a tsuo ngɔɔ nike ní kɛ ba haa nɛ a kɛ hyɛ sɔlemi we ɔ lali ɔmɛ, kɛ buli ɔmɛ a nɔ daa ligbi. Ma a ngɔɔ bɔ klɔuklɔu kɛ ba haa Levi bi ɔmɛ, nɛ mɛ hu a ngɔɔ bɔ ɔ mi fa, nɛ ji osɔfo ɔmɛ a blɔ nya a kɛ haa osɔfo ɔmɛ.

Nehemia 13:5

Eliashib dla tsu agbo ko ngɔ to Tobia. Jinɛ ní nɛ ɔmɛ pɛ nɛ a toɔ ngɛ tsu ɔ mi: niye ní bɔ, mimɛ, níhi nɛ a kɛ tsuɔ ní ngɛ Mawu we ɔ, bɔhi nɛ a haa osɔfo ɔmɛ, blɛfo mi dlami nyɔngmanyɔngma mi kakaaka amɛ, wai, kɛ oliv nu nɛ a kɛ haa Levi bi ɔmɛ, kɛ Mawu we ɔ lali ɔmɛ, kɛ buli ɔmɛ ɔ.

Malaki 2:4

Jamɛ a be ɔ mi ɔ, nyɛ maa na kaa imi lɛ i wo nyɛ mlaa nɛ ɔ, bɔ nɛ pee nɛ somi ɔ nɛ ngɛ i kɛ Levi bi ɔmɛ wa kpɛti ɔ nɛ da si.

Malaki 3:10

Nyɛɛ ngɔ mi dlami nyɔngmanyɔngma mi kakaaka amɛ tsuo kɛ ba nito he ɔ, konɛ niye ní nɛ hiɛ ngɛ ye we ɔ. Nyɛɛ ka mi nɛ nyɛɛ hyɛ kaa i be hiɔwe saflɛhi blie nɛ ma ha nɛ ní kpakpa babauu maa nɛ ngɔ pue nyɛ nɔ babaaba kaa hiɔmi lo?

Mose I, 47:24

Ke nyɛ kpa ní ɔ, nyɛɛ ngɔ mi dlami enuɔ mi kake ba ha Farao ɔ, konɛ nɔ́ nɛ piɛ ɔ nɛ pee nyɛ nitsɛmɛ, kɛ nyɛ bimɛ, kɛ nyɛ we mi bimɛ nyɛ nɔ́; nyɛɛ ye eko, nɛ nyɛ du eko.”

Mose I, 47:26

Lɔ ɔ he ɔ, Yosef wo mlaa nɛ ngɛ kɛ ba si mwɔnɛ ligbi nɛ ɔ, kaa Egipt zugba a niba ní ɔ mi dlami enuɔ mi kake maa pee Farao ɔ nɔ́. Osɔfo ɔmɛ a zugba a pɛ ji nɔ́ nɛ be Farao ɔ nɔ́ pee.

Mose IV, 3:6

“Moo kpee Levi bi ɔmɛ kɛ ba, nɛ o ngɔ mɛ ngɔ ha osɔfo Aaron nɛ a piɛ e he kɛ tsu ní.

Nehemia 10:38

Osɔfohi nɛ ji Aaron nina a, ke benɛ Levi bi ɔmɛ ngɛ mi dlami nyɔngmanyɔngma mi kakaaka amɛ tsue ɔ, a kɛ mɛ nɛ hi lejɛ ɔ. Levi bi ɔmɛ nɛ a ngɔ mi dlami nyɔngmanyɔngma mi kakaaka amɛ nɛ a bua nya a tsuo a mi dlami nyɔngma mi kake kɛ to ngɛ wa Mawu we ɔ nito he ɔmɛ.