Mose IV, 18:20 - BAIBLO ALOO NGMAMI KLƆUKLƆU Ɔ

²⁰ Enɛ ɔ se ɔ, Yawɛ de Aaron ke, “O be weto ní ko nae ngɛ Israel zugba a nɔ, nɛ blɔ fa mi nɔ ko hu o be nae. Imi ji o blɔ fa mi nɔ, kɛ o weto ní ngɛ Israel bi ɔmɛ a kpɛti.”

Mose IV, 18:20 ပူးပေါင်းရင်းမြစ်များ

Mose I, 15:1

Enɛ ɔ se ɔ, Yawɛ kɛ Abram tu munyu ngɛ nina mi ke, “Abram, koo ye gbeye. Ma bu o he, nɛ ma gbaa mo babauu.”

La 142:5

Yawɛ, mo i ngɛ tsɛe ɔ nɛ. I ngɛ dee ke mo pɛ ji ye wesa he ngɛ je ɔ mi.

La 16:5

Yawɛ ji ye nɔ́ tsuaa nɔ́; lɛ nɛ e haa mi nɔ́ tsuaa nɔ́ nɛ hia mi. Nɔ́ nɛ maa ba ye nɔ hwɔɔ se hu, Yawɛ dɛ mi lɛ e ngɛ.

La 73:26

Ke ye nɔmlɔ tso ɔ gbɔjɔ, nɛ ye tsui ta a, Yawɛ maa wo mi he wami, ejakaa lɛ ji ye nɔ́ fɛɛ nɔ́, nɛ e kɛ mi maa hi si daa.

Kɔmɔ Yemi 3:24

Yawɛ ji ye nɔ́ tsuaa nɔ́; lɔ ɔ he ɔ, i ngɔ ye hɛ kɛ fɔ e nɔ.

Ezekiel 44:28

“Weto ní nɛ i ha Israel bi ɔmɛ, nɛ yi nɔ kake siɔ kɛ haa yi nɔ nɛ nyɛɛ se kɛ maa ya neneene ɔ, osɔfo ɔmɛ lɛɛ a nɔ́ ji osɔfo yemi; imi nitsɛ ji a weto ní, kɛ a nɔ́ tsuaa nɔ́. Lɔ ɔ he ɔ, a be weto ní kpa ko nae ngɛ Israel ma a mi.

Mose IV, 18:7

Se o kɛ o bimɛ ɔmɛ pɛ ji ni nɛmɛ nɛ ngɛ he blɔ kaa nyɛ tsuɔ osɔfo ní tsumihi nɛ kɔɔ bɔ sami la tɛ ɔ, kɛ he klɔuklɔu pe kulaa a a he. Enɛ ɔmɛ ji nyɛ ní tsumi; ejakaa imi lɛ i kɛ osɔfo yemi ní tsumi ɔ ke nyɛ. Nɔ kpa ko nɛ maa hɛ lɛ kɛ su ní klɔuklɔu ɔmɛ a he ɔ, a gbe lɛ.”

Mose IV, 26:62

Nyumuhi nɛ ngɛ Levi wɛtso ɔ mi, nɛ a ye kɛ je nyɔhiɔ kake kɛ yaa, nɛ a ngma a biɛ ɔ, a hiɛmi ji 23,000. A kane we mɛ kɛ piɛ we Israel bi kpa amɛ a he; ejakaa mɛɛ lɛɛ a ha we mɛ weto ní ko ngɛ Israel bi ɔmɛ a kpɛti.

Mose V, 10:9

Lɔ ɔ he je nɛ Levi wɛtso ɔ na we zugba ko kaa bɔ nɛ wɛtso kpa amɛ na a nɛ. Blɔ nya nɛ Levi bi ɔmɛ na ji kaa a pee Yawɛ osɔfohi kaa bɔ nɛ Yawɛ, nyɛ Mawu ɔ wo si ɔ.)

Mose V, 12:12

Nyɛɛ kɛ nyɛ bimɛ ɔmɛ, nyɛ tsɔli nyumu ɔmɛ, nyɛ mawayi ɔmɛ, kɛ Levi bi ɔmɛ nɛ ngɛ nyɛ ma amɛ a mi ɔ tsuo nyɛ nya ngɛ Yawɛ, nyɛ Mawu ɔ hɛ mi; nyɛ kai kaa Levi bi ɔmɛ lɛɛ a be zugba ko nae kaa mɛ nitsɛmɛ a nɔ́.

Mose V, 14:27

“Nyɛ ko si Levi bi ɔmɛ nɛ ngɛ nyɛ ma amɛ a mi ɔ se; mɛɛ lɛɛ a be weto ní ko ngɛ nyɛ kpɛti.

Mose V, 14:29

Levi bi ɔmɛ a niye ní ji nɛ ɔ nɛ, ejakaa mɛɛ lɛɛ a be weto ní ko. Nibwɔhi, awusahi, kɛ yalɔyihi hu nɛ ngɛ nyɛ ma amɛ a mi ɔ, nyɛ ha nɛ a ye eko nɛ a tɔ. Ke nyɛ pee ja a, Yawɛ, nyɛ Mawu ɔ maa gbaa nyɛ ngɛ nɔ́ tsuaa nɔ́ nɛ nyɛ ngɛ tsue ɔ mi.

Yoshua 13:14

Levi bi ɔmɛ pɛ ji wɛtso nɛ Mose ha we mɛ zugba a eko. Kaa bɔ nɛ Yawɛ de Mose ɔ, Levi bi ɔmɛ lɛɛ a blɔ nya ní ji bɔhi nɛ a kɛ la sãã ngɛ bɔ sami la tɛ ɔ nɔ kɛ haa Yawɛ, Israel Mawu ɔ.

Yoshua 13:33

Levi wɛtso ɔ lɛɛ Mose ha we mɛ zugba a eko. E de mɛ ke mɛɛ a weto ní ji Yawɛ, Israel Mawu ɔ.

Yoshua 14:3

Mose dla zugba nɛ ngɛ Yordan pa a beleku je ɔ ngɔ ha wɛtso enyɔ kɛ fa momo. (Yosef nina ya pee wɛtso enyɔ: Manase kɛ Efraim.) Levi wɛtso ɔ lɛɛ Mose ha we mɛ zugba a eko. Se a ha mɛ mahi nɛ a maa hi mi, kɛ lohwe lɛmi hehi kɛ ha a na amɛ, kɛ a we mi lohwehi.

Yoshua 18:7

Levi bi ɔmɛ be zugba a eko nae; mɛɛ lɛɛ a blɔ nya ni ji kaa a maa ye osɔfo kɛ ha Yawɛ. Gad, Ruben, kɛ Manase fa a, mɛ hu Yawɛ tsɔlɔ Mose ha mɛ a weto ní momo ngɛ Yordan pa a beleku je.”

Kpojemi 21:3

I nu nɛ gbi ko pɛ wawɛɛ kɛ je matsɛ sɛ ɔ he kɛ de ke, “Jehanɛ ɔ lɛɛ Mawu hi he ji nimli a kpɛti! E kɛ mɛ maa hi si, nɛ a maa pee e ma. Mawu nitsɛ kɛ mɛ maa hi si, nɛ e maa pee a Mawu.