Mose IV, 18:2 - BAIBLO ALOO NGMAMI KLƆUKLƆU Ɔ

² O nyɛmimɛ Levi bi ɔmɛ, nɛ ji o tsɛ weku li ɔmɛ ɔ, ha nɛ mɛ hu a ba piɛ o kɛ o bimɛ ɔmɛ a he, be mi nɛ nyɛ ngɛ sɔmɔe ngɛ bo tsu ɔ mi.

Mose IV, 18:2 ပူးပေါင်းရင်းမြစ်များ

Mose I, 29:34

Lea ba na mi ekohu, nɛ e fɔ binyumu. E wo lɛ biɛ ke Levi, nɛ e de ke, “Jehanɛ lɛɛ ye huno ɔ kɛ e he maa mɛtɛ ye he kpɛii, ejakaa i fɔ binyumuhi etɛ ha lɛ.”

Kronika II, 30:16

A ya da a blɔ he ɔmɛ ngɛ Yawɛ we ɔ mi kaa bɔ nɛ a ngma ngɛ Mawu nɔmlɔ Mose mlaa a mi ɔ. Levi bi ɔmɛ ngɔ lohwe ɔmɛ nɛ a kɛ ba sã bɔ ɔ a muɔ kɛ ha osɔfo ɔmɛ, nɛ osɔfo ɔmɛ kɛ muɔ ɔ fĩa bɔ sami la tɛ ɔ nɔ.

Ezekiel 44:11

A ma sɔmɔ ngɛ ye we ɔ; a maa bu agbo ɔmɛ a nya, nɛ a ma tsu ní ngɛ we ɔ. Lohwehi nɛ a kɛ ba sãã sami bɔ, kɛ bɔ kpahi ɔ, mɛ lɛ a maa gbe lohwe ɔ, nɛ mɛ nɔuu lɛ a ma sɔmɔ nihi nɛ ba bɔ sami ɔ.

Ezekiel 44:15

Nyɔmtsɛ Yawɛ ke, “Benɛ Israel ma a nɛ piɛ ɔ tsuo kua mi ɔ, Levi weku ɔ mi osɔfohi nɛ ji Zadok nina a, mɛɛ lɛɛ a sɔmɔ mi saminya ngɛ ye we ɔ. Lɔ ɔ he ɔ, mɛ pɛ ji nihi nɛ maa ba ye hɛ mi nɛ a ba sɔmɔ mi. Mɛ ji nihi nɛ maa ngɔ zɔ, kɛ nu ɔ kɛ ba ha imi Nyɔmtsɛ Yawɛ.

Malaki 2:4

Jamɛ a be ɔ mi ɔ, nyɛ maa na kaa imi lɛ i wo nyɛ mlaa nɛ ɔ, bɔ nɛ pee nɛ somi ɔ nɛ ngɛ i kɛ Levi bi ɔmɛ wa kpɛti ɔ nɛ da si.

Mose IV, 1:53

Se Levi bi ɔmɛ lɛɛ a ma pue si kɛ bɔle kpe he ɔ, nɛ a maa bu he, bɔ nɛ pee nɛ imi Yawɛ, ye we abofu nɛ ko kple Israel ma kpekpemi ɔ nɔ.”

Mose IV, 16:40

kaa bɔ nɛ Yawɛ fa Eleazar kɛ gu Mose nɔ ke e pee ɔ. Nɔ́ nɛ ɔ ba pee kɔkɔ bɔmi nɔ́ ko kɛ ha Israel bi ɔmɛ, kaa nɔ ko nɛ pi osɔfo ji lɛ, nɛ e pi Aaron weku ɔ mi no hulɔ ɔ, e be he blɔ nɛ e sãã tsopa kɛ e he via ngɛ bɔ sami la tɛ ɔ nɔ kɛ haa Yawɛ. Ke nɔ ko pee ja a, a ma kpata e hɛ mi kaa bɔ nɛ a pee Kora kɛ e se nyɛɛli ɔmɛ ɔ.

Mose IV, 17:7

Mose muɔ tso ɔmɛ tsuo ya pue Yawɛ somi daka a hɛ mi ngɛ kpe he bo tsu ɔ mi.

Mose IV, 18:4

A maa piɛ nyɛ he kɛ tsu ní tsumi tsuaa ní tsumi ngɛ kpe he bo tsu ɔ mi; nɔ kpa ko nɛ ko ba nyɛ kasa nya.

Mose IV, 3:5

Yawɛ de Mose ke,

Mose IV, 4:15

Ke be nɛ ma a maa hia kɛ je a sito he ɔ, Aaron kɛ e bimɛ ɔmɛ nɛ a ha ní klɔuklɔu ɔmɛ kɛ a he ní ɔmɛ tsuo a he, loko Kohat bi ɔmɛ nɛ a ba nɛ a ba tloo kɛ ho. Kohat bi ɔmɛ kó ta ní klɔuklɔu ɔmɛ a he, konɛ a ko gbo. Kpe he bo tsu ɔ he níhi nɛ Kohat bi ɔmɛ maa tloo be tsuaa be nɛ ma a maa hia ji nɛ ɔmɛ nɛ.

Mose IV, 8:19

I ngɔ mɛ ngɔ ha Aaron kɛ e bimɛ ɔmɛ kaa Israel ma a tsuo a nike ní. A ma sɔmɔ ngɛ kpe he bo tsu ɔ mi, nɛ a ma kpata Yawɛ ha ma a, bɔ nɛ pee nɛ ke alini ma a hɛ mɛ kɛ su he klɔuklɔu ɔ he tsɔ ɔ, gbenɔ hiɔ kó sɛ a kpɛti.”

Mose IV, 8:22

Enɛ ɔ se ɔ, Levi bi ɔmɛ ya sɛ kpe he bo tsu ɔ mi, nɛ a sɔmɔ ngɛ lejɛ ɔ ngɛ Aaron kɛ e bimɛ ɔmɛ a sisi. Bɔ nɛ Yawɛ fa Mose ke a pee ha Levi bi ɔmɛ ɔ, ja pɛpɛɛpɛ nɛ a pee ha mɛ.

Hebribi 9:6

Ke a to níhi blɔ nya kikɛ nɛ ɔ, osɔfo ɔmɛ yaa kekleekle bo tsu ɔ mi daa ligbi ya tsuɔ a jami blɔ nya ní.