Mose IV, 18:19 - BAIBLO ALOO NGMAMI KLƆUKLƆU Ɔ

¹⁹ “Nike ní klɔuklɔu nɛ Israel bi ɔmɛ kɛ ba haa Yawɛ ɔ, i ngɔ mɛ tsuo kɛ ha mo, kɛ o binyumu ɔmɛ, kɛ o biyi ɔmɛ kaa nyɛ blɔ fa mi nɔ nɛ fɔɔ si daa. Nɔ́ nɛ ɔ ji somi ko nɛ i kɛ mo, kɛ o nina so, nɛ a be mi poe gblegbleegble.”

Mose IV, 18:19 ပူးပေါင်းရင်းမြစ်များ

Kronika II, 13:5

Anɛ nyɛ li kaa Yawɛ, Israel Mawu ɔ, kɛ David so somi ko nɛ a be se kpalee gblegbleegble, kaa David kɛ e nina maa ye Israel nɔ matsɛ kɛ maa ya neneene lo?

Mose IV, 18:11

“Jehanɛ, nike ní klɛdɛɛ kpa komɛ nɛ Israel bi ɔmɛ kɛ baa a, lɔ ɔmɛ hu maa pee o nɔ. I ngɔ mɛ kɛ ha mo, kɛ o binyumu ɔmɛ, kɛ o biyi ɔmɛ, kaa nyɛ blɔ fa mi nɔ́ kɛ yaa neneene. O we mi bimɛ tsuo nɛ a he tsɔ ɔ, a ye eko.

Mose III, 2:13

Nyɛɛ wo nyɛ niye ní bɔ ɔmɛ tsuo a mi ngo; ejakaa ngo ji somi nɛ ngɛ nyɛɛ kɛ Mawu nyɛ kpɛti; lɔ ɔ he ɔ, ngo nɛ piɛ niye ní bɔ ɔmɛ tsuo a he.

Kronika II, 31:4

Jehanɛ, matsɛ ɔ fa Yerusalem ma mi bi ɔmɛ ke a ngɔ osɔfo ɔmɛ, kɛ Levi bi ɔmɛ a blɔ nya ní ɔmɛ ba ha mɛ, bɔ nɛ pee nɛ a ngɔ a juɛmi tsuo kɛ fɔ a ní tsumi ɔmɛ a nɔ kaa bɔ nɛ Yawɛ mlaa a tsɔɔ ɔ.

Mose V, 12:6

Nyɛ ya sã nyɛ sami bɔ ɔmɛ, bɔ kpa amɛ, nyɛ níhi a mi dlami nyɔngmanyɔngma mi kakaaka amɛ, kɛ nyɛ bɔ ɔmɛ tsuo ngɛ lejɛ ɔ. Nike ní nɛ nyɛ wo si ke nyɛ ma ha Yawɛ, kɛ nike ní nɛ je nyɛ tsui mi faa, nyɛ na amɛ, kɛ nyɛ to ɔmɛ a kekleekle bi ɔmɛ hu nyɛɛ ngɔ kɛ ya lejɛ ɔ.

Mose IV, 31:41

Nɛ kaa bɔ nɛ Yawɛ fa Mose ɔ, Mose ngɔ nimli ɔmɛ, kɛ lohwe ɔmɛ nɛ a tsu ɔ ngɔ ha osɔfo Eleazar kaa nike ní klɛdɛɛ ko ha Yawɛ.

Mose IV, 18:8

Yawɛ de Aaron ke, “O nɛ, imi nitsɛ i ngɔ Israel bi ɔmɛ a nike ní klɛdɛɛ ɔ nɛ a kɛ ba ha mi ɔ kɛ ngɛ o dɛ woe. I ngɔ mɛ kɛ ngɛ mo, kɛ o bimɛ tsuo hae kaa nyɛ blɔ nya nɛ fɔɔ si kɛ yaa neneene.

Mose III, 7:14

Níhi nɛ a kɛ ma bɔ sami ɔ, e je mi kakaaka kɛ pee nike ní pɔtɛɛ kɛ ha Yawɛ. Osɔfo ɔ nɛ maa tsɛ̃ muɔ ɔ kɛ pue bɔ sami la tɛ ɔ he ɔ, enɛ ɔ maa pee e nɔ́.

Mose V, 12:26

Nyɛɛ ngɔ nyɛ bɔ ɔmɛ nɛ a sãã a, kɛ nike ní klɔuklɔu ɔmɛ nɛ nyɛ wo si ɔ kɛ ya he kake ɔ nɛ Yawɛ to ke a ja lɛ ngɛ ɔ.

Matsɛmɛ II, 12:16

Fɔ yemi bɔ sika a, kɛ yayami pami bɔ sika a lɛɛ a ngɔɛ kɛ bɛ Yawɛ we ɔ; osɔfo ɔmɛ a nɔ ji lɔ ɔ nɛ.

Ezekiel 43:24

Ngɔɔ mɛ kɛ ba ha Yawɛ. Osɔfo ɔmɛ maa ngɔ ngo kɛ fĩa a nɔ, nɛ a kɛ mɛ maa sã sami bɔ kɛ ha imi Yawɛ.

Mose II, 29:27

“Ke a wo nɔ ko osɔfo ɔ, agbosu nɛ a kɛ tsu ní ɔ, a tsukɔ e gugue ɔ, kɛ e fiɔ ɔ he kaa nike ní klɛdɛɛ ha mi, nɛ a kɛ ha osɔfo ɔmɛ kaa a blɔ nya ní.

Mose III, 21:22

E ma nyɛ maa ye bɔ sami nike ní nɛ a kɛ ba haa mi ɔ eko, niye ní klɔuklɔu ɔ jio, klɔuklɔu pe kulaa a eko jio.