Mose IV, 18:16 - BAIBLO ALOO NGMAMI KLƆUKLƆU Ɔ

¹⁶ Níhi nɛ a ma kpɔ ɔ, ke a ye nyɔhiɔ kake pɛ a kpɔ mɛ. Jua nɛ a po fɔ si kɛ ha a kpɔmi ji sika hiɔ yi enuɔ, kaa bɔ nɛ he klɔuklɔu ɔ jua nɛ a po ɔ ngɛ ɔ.

Mose IV, 18:16 ပူးပေါင်းရင်းမြစ်များ

Mose II, 30:13

Nɔ tsuaa nɔ nɛ a maa kane lɛ ɔ, e maa wo hiɔ nɛ ɔ kaa bɔ nɛ a po fɔ si ngɛ kpe he bo tsu ɔ mi. Nɔ tsuaa nɔ maa wo hiɔ nɛ ɔ kaa nike ní ko nɛ e ngɔ kɛ ba ha imi Yawɛ.

Mose IV, 3:47

Bi tsuaa bi ɔ, á ngɔ sika hiɔ yi enuɔ kɛ kpɔ lɛ kaa bɔ nɛ he klɔuklɔu jua nɛ a po ɔ ngɛ ɔ.

Ezekiel 45:12

“Bɔ nɛ nyɛ níhi a ngmɛmi blɔ nya tomi ngɛ ha ji nɛ ɔ nɛ: Sɛni tɛ nɛ a tsɛɛ gera a nyingmi enyɔ lɛ peeɔ shekel kake. Shekel nyingmi ekpa lɛ peeɔ mina kake.

Mose III, 27:25

Jua amɛ tsuo pɛpɛɛpɛ nɛ a maa wo ɔ, a pee kaa bɔ nɛ he klɔuklɔu ɔ mlaa a tsɔɔ ɔ.

Mose II, 38:24

Sika tsu tsuo pɛpɛɛpɛ nɛ a kɛ tsu ní ngɛ he klɔuklɔu ɔ, nɛ ji sika tsu nɛ a ngɔ kɛ ba sã bɔ ɔ, e jiimi ji kilo akpe ngɛ he klɔuklɔu ɔ susumi nɔ́ ɔ nya.

Mose IV, 3:46

Akɛnɛ Israel bi ɔmɛ a bitɛte ɔmɛ hiɛ pe Levi bi ɔmɛ kɛ nimli lafa enyɔ kɛ nyingmi kpaago kɛ etɛ he je ɔ, á kpɔ bimɛ nɛ be nɔ ɔ.

Mose IV, 18:15

“Nɔ́ tsuaa nɔ́ nɛ bliɔ muklii nya, nɛ a kɛ ba ha Yawɛ ɔ maa pee o nɔ, nɔmlɔ jio, we mi lohwe jio. Se nɔmlɔ adesa e kekleekle bi, kɛ lohwe nɛ he tsɔ we e kekleekle bi lɛɛ o ha nɛ a kpɔ mɛ.

Mose IV, 18:17

Na, loo jijɔ, loo apletsi kekleekle bi lɛɛ a ko kpɔ; ejakaa mɛɛ a he tsɔ. Ngɔɔ a muɔ ɔ kɛ fĩa bɔ sami la tɛ ɔ nɔ, nɛ o sã a zɔ ɔ kaa bɔ nɛ jeɔ via ha Yawɛ.