Mose IV, 18:12 - BAIBLO ALOO NGMAMI KLƆUKLƆU Ɔ

¹² “Jehanɛ, nu, wai he, kɛ blɛfo kpokploku, nɛ ji kekleekle yiblii nɛ a kɛ ba haa imi Yawɛ ɔ, lɔ ɔmɛ hu i ngɔ kɛ ha mo.

Mose IV, 18:12 ပူးပေါင်းရင်းမြစ်များ

Mose I, 27:28

Mawu nɛ ha mo bɔ́ kɛ je hiɔwe, nɛ o zugba a nɛ ba ní, nɛ o na blɛfo kɛ wai babauu.

Matsɛmɛ II, 4:42

Be kpa mi ɔ, nyumu ko je Baal Shalisha kɛ ba, nɛ e ba ke Mawu nɔmlɔ ɔ abolo bɔbɔɛ nyingmi enyɔ nɛ a kɛ akoko kpokploku pee, kɛ blɛfo tso mumu ngɛ kotoku mi. Elisha de e tsɔlɔ ɔ ke, “Ngɔɔ ya ha ni ɔmɛ nɛ a ye.”

Kronika II, 31:5

Benɛ a fa kikɛ nɛ ɔ pɛ kɛkɛ nɛ Israel bi ɔmɛ kɛ nike ní nɛ ɔmɛ ba babauu nitsɛ: blɛfo kpokploku, wai, oliv nu, hwo, kɛ ngmɔ niba ní kpahi. Jehanɛ, níhi tsuo nɛ ngɛ a dɛ ɔ, a ngɔ a mi dlami nyɔngmanyɔngma mi kakaaka hu kɛ ba.

La 147:14

E haa tue mi jɔmi baa o zugba a nɔ, nɛ niye ní buu tɔ.

La 81:16

Se nyɛɛ lɛɛ ma lɛ nyɛ kɛ ngma kpakpa. Ma ha nyɛ hwo babauu kɛ je tɛ sa mi nɛ nyɛ maa ye.”

Mose II, 22:29

“Ngɔɔ ngma, wai, kɛ oliv nu nɛ je o ngmɔ ɔmɛ a mi ɔ kɛ ba sã bɔ ha mi ngɛ be nɛ sa mi. “Ngɔɔ o bitɛte ɔmɛ kɛ ba ha mi.

Mose II, 23:19

“Daa jeha a, ngɔɔ o zugba a nɔ kekleekle yiblii kɛ ba imi Yawɛ, o Mawu ɔ, ye we ɔ. “Koo hoo apletsi bi ngɛ e nyɛ nyɔ nyu mi.

Mose II, 34:26

“Daa jeha a, ngɔɔ o zugba a nɔ kekleekle yiblii kɛ ba imi Yawɛ, o Mawu ɔ, ye we ɔ. Koo hoo apletsi bi ngɛ e nyɛ nyɔ nyu mi.”

Ezekiel 44:30

Tso yiblii tsuaa tso yiblii kekleekle nɔ́, kɛ ní slɔɔtohi nɛ nyɛɛ kɛ ma ba sã bɔ ha mi ɔ a mi nɔ́ nɛ hi pe kulaa a peeɔ osɔfo ɔmɛ a nɔ́. Jehanɛ hu, ke a sã abolo ɔ, a ngɔ kekleekle nɔ́ nɛ a bɔ ɔ kɛ ba ha osɔfo ɔmɛ, konɛ ye gbaami nɛ hi we ɔmɛ a mi.

Mose III, 2:12

Nyɛ ma nyɛ maa ngɔ masa, loo hwo kɛ ba ha Yawɛ kaa ngmɔ nɔ kekleekle niba ní, se nyɛ ko sã ngɛ bɔ sami la tɛ ɔ nɔ kaa bɔ nɛ jee via.

Mose III, 2:14

Ke nɔ ko ngɔ e ngmɔ nɔ kekleekle niba ní kɛ ma bɔ sami ha Yawɛ, nyɛ Mawu ɔ kaa niye ní bɔ ɔ, é pee kpokploku nɛ a hluɛ, nɛ a sĩ, loo blɛfo nɛ a wɛɛ kplolo.

Mose III, 23:17

We puɔ nya tsuaa we puɔ nya nɛ ngɔ abolo bɔbɔɛ enyɔ kɛ ba ha Yawɛ kaa bɔ nɛ a fɔɔ kɛ yaa kɛ baa. Abolo bɔbɔɛ tsuaa abolo bɔbɔɛ ɔ, a ngɔ mamu bukɔbukɔ kilo enyɔ nɛ a wo mi masa kɛ pee. A ngɔ enɛ ɔ kɛ sã bɔ ha Yawɛ kaa kekleekle niba ní bɔ.

Mose III, 23:20

Osɔfo ɔ nɛ ngɔ abolo ɔ, kɛ jijɔ enyɔ ɔmɛ kɛ ba Yawɛ hɛ mi kaa bɔ nɛ a fɔɔ kɛ yaa kɛ baa. Bɔ nɛ ɔmɛ ngɛ klɔuklɔu ha Yawɛ kɛ ha osɔfo ɔmɛ.

Mose V, 18:3

“Be tsuaa be nɛ a maa gbe na, loo to kɛ sã bɔ ɔ, a je lohwe ɔ gugue, e tsitsa, kɛ e mi mi kotoku ɔ kɛ ha osɔfo ɔmɛ.

Mose V, 18:4

Jehanɛ hu, ke ní nɛ ɔmɛ bɔni bami ɔ, kekleekle ní ɔmɛ maa pee osɔfo ɔmɛ a nɔ́: blɛfo, wai, oliv nu, kɛ to he bwɔmi.

Mose V, 26:2

nyɛ ti nɔ tsuaa nɔ nɛ ngɔ kekleekle niba ní nɛ e kpa ngɛ zugba a nɔ ɔ eko kɛ wo kusii mi, nɛ é ngɔ kɛ ya he nɛ Yawɛ, o Mawu ɔ to nɛ a ja lɛ ngɛ ɔ.

Mose V, 32:14

Na amɛ, kɛ to ɔmɛ ha nyɔ nyu babauu; e ha ma a jijɔ, apletsi, kɛ na kpakpahi; a ye ní kpakpa, nɛ a nu dã kpakpa.