Mose IV, 18:11 - BAIBLO ALOO NGMAMI KLƆUKLƆU Ɔ

¹¹ “Jehanɛ, nike ní klɛdɛɛ kpa komɛ nɛ Israel bi ɔmɛ kɛ baa a, lɔ ɔmɛ hu maa pee o nɔ. I ngɔ mɛ kɛ ha mo, kɛ o binyumu ɔmɛ, kɛ o biyi ɔmɛ, kaa nyɛ blɔ fa mi nɔ́ kɛ yaa neneene. O we mi bimɛ tsuo nɛ a he tsɔ ɔ, a ye eko.

Mose IV, 18:11 ပူးပေါင်းရင်းမြစ်များ

Mose V, 18:3

“Be tsuaa be nɛ a maa gbe na, loo to kɛ sã bɔ ɔ, a je lohwe ɔ gugue, e tsitsa, kɛ e mi mi kotoku ɔ kɛ ha osɔfo ɔmɛ.

Mose III, 10:14

Se lohwe ɔ gugue nɛ a fɔɔ, kɛ fiɔ ɔ nɛ a woɔ nɔ́ ɔ, o kɛ o binyumu ɔmɛ, kɛ o biyi ɔmɛ nɛ ye ngɛ he ko nɛ tsɔ; ejakaa tue mi jɔmi bɔ ɔmɛ nɛ Israel bi ɔmɛ ba sãã a, o kɛ o bimɛ ɔmɛ nyɛ blɔ fa mi nɔ́ ji lɔ ɔ nɛ.

Mose IV, 18:8

Yawɛ de Aaron ke, “O nɛ, imi nitsɛ i ngɔ Israel bi ɔmɛ a nike ní klɛdɛɛ ɔ nɛ a kɛ ba ha mi ɔ kɛ ngɛ o dɛ woe. I ngɔ mɛ kɛ ngɛ mo, kɛ o bimɛ tsuo hae kaa nyɛ blɔ nya nɛ fɔɔ si kɛ yaa neneene.

Mose III, 7:14

Níhi nɛ a kɛ ma bɔ sami ɔ, e je mi kakaaka kɛ pee nike ní pɔtɛɛ kɛ ha Yawɛ. Osɔfo ɔ nɛ maa tsɛ̃ muɔ ɔ kɛ pue bɔ sami la tɛ ɔ he ɔ, enɛ ɔ maa pee e nɔ́.

Mose IV, 18:1

Yawɛ de Aaron ke, “O kɛ o bimɛ ɔmɛ, kɛ o tsɛ we ɔ, nyɛ ji ni nɛmɛ nɛ he klɔuklɔu ɔ he sɔ tloo, se nɔ́ nɛ kɔɔ osɔfo yemi ní tsumi ɔ he ɔ lɛɛ o kɛ o bimɛ ɔmɛ kɛkɛ nyɛ sane ji lɔ ɔ.

Mose IV, 18:10

Nyɛɛ ye ngɛ he ko nɛ ngɛ klɔuklɔu; nyumuhi pɛ lɛ a ye. E ji niye ní klɔuklɔu ha nyɛ.

Mose IV, 18:19

“Nike ní klɔuklɔu nɛ Israel bi ɔmɛ kɛ ba haa Yawɛ ɔ, i ngɔ mɛ tsuo kɛ ha mo, kɛ o binyumu ɔmɛ, kɛ o biyi ɔmɛ kaa nyɛ blɔ fa mi nɔ nɛ fɔɔ si daa. Nɔ́ nɛ ɔ ji somi ko nɛ i kɛ mo, kɛ o nina so, nɛ a be mi poe gblegbleegble.”