Mose IV, 18:10 - BAIBLO ALOO NGMAMI KLƆUKLƆU Ɔ

¹⁰ Nyɛɛ ye ngɛ he ko nɛ ngɛ klɔuklɔu; nyumuhi pɛ lɛ a ye. E ji niye ní klɔuklɔu ha nyɛ.

Mose IV, 18:10 ပူးပေါင်းရင်းမြစ်များ

Mose III, 7:6

Nyumu tsuaa nyumu ngɛ osɔfo ɔmɛ a weku ɔ mi ma nyɛ maa ye. Se a ye lɛ ngɛ he ko nɛ ngɛ klɔuklɔu ejakaa e ji bɔ nɛ ngɛ klɔuklɔu pe kulaa.

Mose III, 6:29

Nyumu tsuaa nyumu ngɛ osɔfo ɔmɛ a weku ɔ mi ma nyɛ maa ye bɔ nɛ ɔ eko; e ji bɔ klɔuklɔu pe kulaa.

Mose III, 6:16

Mamu nɛ piɛ ɔ peeɔ Aaron kɛ e bimɛ ɔmɛ a nɔ́. A kɛ sã abolo kplolo nɛ a ye ngɛ he ko nɛ ngɛ klɔuklɔu, ngɛ kue ɔ nɛ ngɛ kpe he bo tsu ɔ mi ɔ mi. Bɔ ɔmɛ nɛ a kɛ la sãã kɛ haa Yawɛ ɔ, Yawɛ ngɔ fa nɛ ɔ kɛ ha osɔfo ɔmɛ kaa a blɔ fa mi nɔ́. E ngɛ klɔuklɔu saminya kaa bɔ nɛ yayami pami, kɛ fɔ yemi bɔ ɔmɛ ngɛ ɔ.

Mose III, 21:22

E ma nyɛ maa ye bɔ sami nike ní nɛ a kɛ ba haa mi ɔ eko, niye ní klɔuklɔu ɔ jio, klɔuklɔu pe kulaa a eko jio.

Mose III, 14:13

É gbe agbosu ɔ ngɛ he klɔuklɔu ɔ, he nɛ a gbee lohwe nɛ a kɛ sãã yayami pami bɔ, kɛ sami bɔ ngɛ ɔ. Ejakaa yayami pami bɔ ɔ, osɔfo ɔmɛ a nɔ́ kaa bɔ nɛ fɔ yemi bɔ ɔ ngɛ ɔ; e ngɛ klɔuklɔu saminya.

Mose III, 10:17

“Mɛni he je nɛ nyɛ yi yayami pami bɔ ɔ ngɛ he klɔuklɔu ɔ? Nyɛ li kaa e ji nɔ́ ko nɛ ngɛ klɔuklɔu, nɛ Mawu kɛ ha nyɛ nɛ nyɛ kɛ je ma a he yayami kɛ kpata Yawɛ kɛ ha mɛ lo?

Mose III, 10:13

Nyɛɛ ye ngɛ he ko nɛ ngɛ klɔuklɔu, ejakaa bɔhi nɛ a kɛ la sãã kɛ haa Yawɛ ɔ, nyɛɛ nyɛ blɔ fami nɔ́ nɛ Yawɛ to ji lɔ ɔ nɛ.

Mose III, 6:26

Jehanɛ, osɔfo ɔ nɛ maa sã lohwe ɔ, e ye ngɛ he ko nɛ ngɛ klɔuklɔu ngɛ kue ɔ nɛ ngɛ kpe he bo tsu ɔ mi ɔ mi.

Mose III, 6:18

Aaron binyumu ɔmɛ pɛ nɛ a ngɛ he blɔ nɛ a yeɔ nɔ́ nɛ ɔ eko kaa niye ní bɔ nɛ a kɛ ba ha Yawɛ ɔ, mɛɛ a blɔ fa mi nɔ́.

Mose IV, 18:9

Ní klɔuklɔu pe kulaa nɛ a sɛ̃ ngɛ bɔ sami la tɛ ɔ nɔ ɔ, a kpɛti enɛ ɔmɛ maa pee o níhi: niye ní bɔ, yayami pami bɔ, kɛ fɔ yemi bɔ. Nike ní klɔuklɔu tsuaa nike ní klɔuklɔu nɛ a kɛ ba ha mi ɔ maa pee o kɛ o bimɛ nyɛ nɔ.

Mose IV, 18:11

“Jehanɛ, nike ní klɛdɛɛ kpa komɛ nɛ Israel bi ɔmɛ kɛ baa a, lɔ ɔmɛ hu maa pee o nɔ. I ngɔ mɛ kɛ ha mo, kɛ o binyumu ɔmɛ, kɛ o biyi ɔmɛ, kaa nyɛ blɔ fa mi nɔ́ kɛ yaa neneene. O we mi bimɛ tsuo nɛ a he tsɔ ɔ, a ye eko.

Ezekiel 42:13

Kɛkɛ nɛ nyumu ɔ de mi ke, “Tsu enyɔ nɛ ɔmɛ ngɛ klɔuklɔu. Osɔfohi nɛ baa Yawɛ we ɔ, tsu nɛ ɔmɛ a mi a yeɔ bɔ klɔuklɔu pe kulaa a ngɛ. Tsu nɛ ɔmɛ ngɛ klɔuklɔu, nɛ a mi nɛ osɔfo ɔmɛ toɔ bɔ klɔuklɔu pe kulaa nɛ ɔmɛ ngɛ: niye ní bɔ, yayami pami bɔ, kɛ fɔ yemi bɔ.