Mose IV, 17:8 - BAIBLO ALOO NGMAMI KLƆUKLƆU Ɔ

⁸ E nɔ jena a benɛ Mose ya bo tsu ɔ mi he nɛ somi womi ɔ ngɛ ɔ, e na kaa Aaron tso ɔ nɛ daa si ha Levi wɛtso ɔ tsɛ̃ tso hɛngmɛ he, e pɛ mɔmɔ, nɛ e wo ngmɛ́hi nɛ fu.

Mose IV, 17:8 ပူးပေါင်းရင်းမြစ်များ

Mose I, 40:10

nɛ tso ɔ gba kɔni etɛ. Benɛ ba amɛ je kpo pɛ nɛ mɔmɔ ɔmɛ gba, nɛ wai yiblii nɛ tsu je kpo.

La 110:2

Yawɛ ma ha mo he wami kpetekpleenyɛ kɛ je Zion. E ma de mo ke, “Ye o he nyɛli ɔmɛ a nɔ.”

Lahi 2:3

Ke a ngɔ ye suɔlɔ ɔ ngɔ to nyumu kpa amɛ a he ɔ, e ngɛ kaa tso nɛ yiblii ngɔɔ saminya ngɛ pú mi tsohi a kpɛti. I suɔ nɛ ma hi e hɔ̃ ɔ mi; e yiblii ɔ ngɔɔ ye nya.

Yesaya 4:2

Be ma, nɛ Yawɛ ma ha tso tsuaa tso ngɛ zugba a nɔ ɔ maa bɔ, nɛ e maa pee fɛu. Israel bi tsuo nɛ a yi ma na wami ɔ, a bua maa jɔ, nɛ a ma na gɛjɛmi ngɛ niba ní nɛ a ma na ngɛ zugba a mi ɔ he.

Ezekiel 17:24

Zugba a nɔ tso ɔmɛ tsuo maa le kaa imi Yawɛ lɛ i haa tso gagaa peeɔ kpiti, nɛ tso kpiti kaa gagaa. Imi lɛ i haa tso mumu gbliɔ, nɛ tso gbigbli peeɔ tso mumu ekohu. Imi, Yawɛ lɛ i de, nɛ ma pee.”

Ezekiel 19:12

Se a kɛ abofu hia wai tso nɛ ɔ, nɛ a sake lɛ ngɔ fɔ si. Ahlabata kɔɔhiɔ fia, nɛ e ha nɛ tso ɔ gbli, nɛ e yiblii tsuo kplɔ pue si; tso agbo ɔ nitsɛ hu gbli, nɛ a kɛ la sã.

Ezekiel 19:14

La ba sɛ tso kɔni ɔmɛ a mi; e sã kɔni ɔmɛ, kɛ e yiblii ɔmɛ tsuo. La a sã tso nɛ he wa a hulɔ. Tso kpakpa nɛ maa si kaa tso nɛ a kɛ peeɔ matsɛ tso ɔ be hu. Kɔmɔ yemi la nɛ a pɔɔ lami ji nɛ ɔ nɛ.

Mose IV, 16:5

nɛ e de Kora kɛ e se nyɛɛli ɔmɛ ke, “Hwɔɔ mɔtu ɔ, Yawɛ nitsɛ maa tsɔɔ wɔ nɔmlɔ nɛ ji e nɔ, kɛ nɔ nɛ ji nɔ klɔuklɔu. Nɔmlɔ nɛ ji e nɔ nɛ e maa hla a, Yawɛ ma ha nɛ e hɛ lɛ kɛ ba e ngɔ.

Mose IV, 17:5

Nɔ nɛ ma hla a, e tso ɔ ma tsɛ̃ mɔmɔ; nɛ nɔ́ nɛ ɔ ma ha nɛ munyu huitihuiti nɛ Israel bi ɔmɛ tuɔ kɛ siɔ nyɛ ngɛ ye he ɔ se maa po.”

Mose IV, 17:9

Mose muɔ tso ɔmɛ tsuo ngɛ Yawɛ hɛ mi kɛ je kpo ya tsɔɔ Israel ma a tsuo. Benɛ a na nɔ́ nɛ ba a, wɛtsoyi ɔmɛ tsuo ho ya ngɔ mɛ nitsɛmɛ a tso ɔmɛ.

Hebribi 9:4

Níhi nɛ ngɛ tsu nɛ ɔ mi ji tsopa kɛ e he via sami la tɛ nɛ a kɛ sika tsu pee ɔ, somi daka a nɛ a kɛ sika tsu ha he ɔ kɛ e mi sika tsu kplu ɔ nɛ mana a ngɛ mi ɔ, Aaron dɛma tso ɔ nɛ tsɛ̃ ba be ko ɔ, kɛ tɛ tɛtlɛɛ enyɔ ɔmɛ nɛ a ngma mlaa amɛ ngɛ a nɔ ɔ.