Mose IV, 17:5 - BAIBLO ALOO NGMAMI KLƆUKLƆU Ɔ

⁵ Nɔ nɛ ma hla a, e tso ɔ ma tsɛ̃ mɔmɔ; nɛ nɔ́ nɛ ɔ ma ha nɛ munyu huitihuiti nɛ Israel bi ɔmɛ tuɔ kɛ siɔ nyɛ ngɛ ye he ɔ se maa po.”

Mose IV, 17:5 ပူးပေါင်းရင်းမြစ်များ

Mose IV, 16:5

nɛ e de Kora kɛ e se nyɛɛli ɔmɛ ke, “Hwɔɔ mɔtu ɔ, Yawɛ nitsɛ maa tsɔɔ wɔ nɔmlɔ nɛ ji e nɔ, kɛ nɔ nɛ ji nɔ klɔuklɔu. Nɔmlɔ nɛ ji e nɔ nɛ e maa hla a, Yawɛ ma ha nɛ e hɛ lɛ kɛ ba e ngɔ.

Hosea 14:5

Ma ha Israel ma a ma plɔke plɔplɔɔplɔ kaa zugba gbigbli nɛ hiɔmi nɛ pue nɔ.

Ezekiel 16:41

A maa sã o we ɔmɛ, nɛ a maa gbla o tue ngɛ yihi babauu a hɛ mi. Ajuama nɛ o ngɛ bɔe basaa a, ma ha nɛ o kpa, nɛ o be o suɔli ɔmɛ hiɔ woe hu.

Mose IV, 17:8

E nɔ jena a benɛ Mose ya bo tsu ɔ mi he nɛ somi womi ɔ ngɛ ɔ, e na kaa Aaron tso ɔ nɛ daa si ha Levi wɛtso ɔ tsɛ̃ tso hɛngmɛ he, e pɛ mɔmɔ, nɛ e wo ngmɛ́hi nɛ fu.

Mose IV, 16:11

Hyɛ, Yawɛ yi nɔ nɛ o kɛ o se nyɛɛli ɔmɛ tsuo ngɛ soe ɔ nɛ. Jehanɛ, Aaron ɔ lɛɛ mɛni e pee nyɛ loko nyɛ ngɛ nya si hɔɔe kɛ ngɛ lɛ woe ɔ?”

Ezekiel 23:27

Ma ha o yahomi, kɛ ajuama bɔmi basaa nɛ o hɛɛ mi kɛ je Egipt zugba a nɔ ɔ se maa po kulaa. O be amagahi hyɛe, nɛ o be Egipt bi ɔmɛ kaie gblegbleegble hu.”

Yesaya 27:6

Hwɔɔ se ko ɔ, Israel ma nɛ ji Yakob nina a maa ma si kpɛii kaa tso nɛ sipoku sɛ zu mi; a ma gba mɔmɔ, nɛ a ma plɔke. A yiblii ma hyi je ɔ tɔ.

Yesaya 13:11

Bɔ nɛ Yawɛ ngɛ dee ji nɛ ɔ nɛ: “Ma ha amanehlu maa ba je ɔ mi tsuo, nɛ ma gbla yiwutsotsɛmɛ tsuo a tue ngɛ a yayami ɔmɛ a he. Nɔ tsuaa nɔ nɛ woɔ e he nɔ ɔ, ma ba lɛ si; nɛ nɔ tsuaa nɔ nɛ peeɔ pupuupu, aloo e yi mi wa a, ma gbla e tue.

Yesaya 11:1

Ishai, Matsɛ David tsɛ ɔ weku kpa ngɛ kaa tso ko nɛ a po ngɔ fɔ si. Se matsɛ he maa te si ngɛ David nina a mi kaa bɔ nɛ tso kpɔ nɛ ngɛ zu mi tsɛ̃ɔ kɔni ɔ.

Yesaya 5:24

Lɔ ɔ he ɔ, Israel hɛ mi ma ba kpata pɛsɛpɛsɛ kaa bɔ nɛ la sãã hu kɛ nga gbigbli ɔ. Nɔ́ nɛ ɔ maa ba a nɔ, ejakaa a kua Yawɛ Tabohiatsɛ ɔ mlaa amɛ. A yi Israel Mawu klɔuklɔu ɔ mlaa amɛ a nɔ.

Mose IV, 17:10

Lɔ ɔ se ɔ, Yawɛ de Mose ke, “Kpale Aaron dɛma tso ɔ ya fɔ daka a nɛ somi womi ɔ ngɛ mi ɔ hɛ mi ekohu, nɛ e hi lejɛ ɔ kaa kɔkɔ bɔmi nɔ́ kɛ ha atuã tsɔli ɔmɛ bɔ nɛ pee nɛ a munyu huitihuiti ɔmɛ nɛ a tuɔ kɛ siɔ mi ɔ se nɛ po. Ke pi ja a, a ma gbo.”

1 Korintobi 10:10

Wa ko tu munyu huitihuiti kaa bɔ nɛ a ti ni komɛ pee, nɛ bɔfo nɔ́ puɛlɔ ɔ kpata a hɛ mi ɔ.

Mose II, 16:7

Mɔtu ɔ, nyɛ maa na Yawɛ hɛ mi nyami ɔ; ejakaa e nu nyɛ munyu huitihuiti nɛ nyɛ tu kɛ si lɛ ɔ. Wɔɔ lɛɛ wa pi ni komɛ nɛ ke nyɛ hɔɔ nya si wo wa he nɛ e peeɔ nɔ́ ko.”

Mose IV, 11:1

Ma a tu munyu huitihuiti ngɛ a haomihi a he. Benɛ Yawɛ nu ɔ, e mi mi fu, nɛ e ha la tso ngɛ ni ɔmɛ a kpɛti; nɛ la a kpata níhi a hɛ mi ngɛ a sito he ɔ kasa fa kake.

Mose IV, 17:6

Mose kɛ Israel ma a ya tu, nɛ wɛtsoyi ɔmɛ tsuo ngɔ dɛma tso kakaaka kɛ ba; lɛ tsuo peeɔ nyɔngma kɛ enyɔ, nɛ Aaron tso ɔ hu piɛ he.

La 105:26

Kɛkɛ nɛ e tsɔ e tsɔlɔ Mose, kɛ Aaron nɛ e hla mɛ ɔ.

Mose IV, 1:51

Be tsuaa be nɛ nyɛ maa hia a, Levi bi ɔmɛ ji ni nɛmɛ nɛ maa gbɛ bo tsu ɔ. Nɛ ke a maa ma lɛ ekohu ɔ, Levi bi ɔmɛ nɔuu lɛ a maa ma. Ke nɔ kpa ko hɛ lɛ kɛ su he ɔ, a gbe lɛ.

Yoshua 4:7

nyɛ de mɛ ke, ‘Benɛ a kɛ Yawɛ somi daka a po Yordan pa a, nyu ɔ se po.’ Tɛ nɛ ɔmɛ ma kai Israel ma a daa nɛ nɔ́ nɛ Mawu tsu ha mɛ ngɛ hiɛ ɔ.”

Kronika II, 26:16

Se benɛ Uzia tsɛ yemi ɔ ba he si ɔ, e wo e he nɔ, nɛ nɔ́ nɛ ɔ ha nɛ e hɛ mi kpata. E ya sã tsopa kɛ e he via ngɛ tsopa kɛ e he via sami la tɛ ɔ nɔ ngɛ Yawɛ we ɔ, nɛ e kɛ nɔ́ nɛ ɔ tɔ̃ Yawɛ, e Mawu ɔ nɔ.