Mose IV, 17:13 - BAIBLO ALOO NGMAMI KLƆUKLƆU Ɔ

¹³ Ke nɔ tsuaa nɔ nɛ maa hɛ lɛ kɛ su Yawɛ kpe he ɔ he ma gbo ɔ, lɛɛ tse wɔ tsuo pɛpɛɛpɛ wa hɛ mi ma kpata mɔ!”

Mose IV, 17:13 ပူးပေါင်းရင်းမြစ်များ

Efesobi 2:13

Sa a, nyɛɛ kɛ Mawu nyɛ kpɛti kɛ wawɛɛ nitsɛ. Se jehanɛ ɔ nɛ kɛ gu Kristo muɔ ɔ nɔ ɔ, nyɛ ba ngɛ Kristo Yesu mi ɔ, a kpale nyɛ kɛ ba Mawu kasa nya haa. Gbenɔ nɛ Kristo gbo, nɛ e ngɔ e he ngɔ sã bɔ ɔ, lɔ ɔ lɛ tsu enɛ ɔ.

Ni Tsumi 5:5

Benɛ Anania nu munyu nɛ ɔ, e tsɔ fia si, nɛ e gbo. Nihi tsuo nɛ nu sane nɛ ba a ye gbeye wawɛɛ nitsɛ.

Yesaya 28:22

Lɔ ɔ he ɔ, nɔ́ nɛ i ngɛ nyɛ dee ɔ, e ko pee nyɛ muɔ hu! Ke nyɛ kɛ pee fiɛmi ɔ, nyɛ be nɔ́ nɛ ma a nya fo nyɛe maa tu. I nu kaa Nyɔmtsɛ Yawɛ Tabohiatsɛ ɔ ke e ma kpata zugba a tsuo hɛ mi.

La 90:7

O mi mi la a kpataa wa hɛ mi; o mi mi la a woɔ wa he gbeye.

Kronika I, 15:13

Akɛnɛ kekle ɔ, pi nyɛ nɛ nyɛ hɛɛ daka a he je ɔ, Yawɛ, wa Mawu ɔ gbla wa tue; ejakaa wa hyɛ we daka a nɔ kaa bɔ nɛ e to kaa a pee ɔ.”

Mose V, 2:16

“Benɛ ta buli ɔmɛ tsuo a hɛ mi kpata se ɔ,

Mose IV, 32:13

Lɔ ɔ he ɔ, Yawɛ mi mi fu Israel, nɛ e ha a wo lalaalo ngɛ nga a nɔ jeha nyingmi eywiɛ, kɛ ya si be mi nɛ jamɛ a yi nɔ bi ɔmɛ nɛ pee nɔ́ nɛ dɛ ngɛ Yawɛ hɛ mi ɔ tsuo pɛpɛɛpɛ gbo ta.

Mose IV, 16:26

E de ma a ke, “Nyɛɛ hɛ nyɛ kɛ je nimli yiwutsotsɛmɛ nɛ ɔmɛ a bo tsu ɔmɛ a he. Ke pi ja a, a ma kpata nyɛɛ kɛ mɛ tsuo nyɛ hɛ mi ngɛ a he yayami ɔmɛ a he.”

Mose I, 3:3

ja tso ɔ nɛ ngɛ ngmɔ ɔ kpɛti tutuutu ɔ pɛ. Mawu ke wa ko ye jamɛ a tso ɔ yiblii, nɛ wa ko ta he hulɔ; ke wa pee ja a, wa ma gbo.”

Mose IV, 18:1

Yawɛ de Aaron ke, “O kɛ o bimɛ ɔmɛ, kɛ o tsɛ we ɔ, nyɛ ji ni nɛmɛ nɛ he klɔuklɔu ɔ he sɔ tloo, se nɔ́ nɛ kɔɔ osɔfo yemi ní tsumi ɔ he ɔ lɛɛ o kɛ o bimɛ ɔmɛ kɛkɛ nyɛ sane ji lɔ ɔ.

Mose IV, 25:8

nɛ e nyɛɛ Israel no ɔ se kɛ ya sɛ e se tsu mi; nɛ e kɛ akplɔ nɛ e hɛɛ ɔ gbɔ nyumu ɔ kɛ yo ɔ tsuo kɛ ya pa si. Kɛkɛ nɛ gbenɔ hiɔ ɔ se po ngɛ Israel bi ɔmɛ a kpɛti.

Samuel II, 24:25

E puɛ bɔ sami la tɛ ha Yawɛ ngɛ lejɛ ɔ; nɛ e sã sami bɔhi, kɛ tue mi jɔmi bɔhi. Yawɛ bu e kue fami ɔ tue, nɛ gbenɔ hiɔ ɔ se po ngɛ Israel.