Mose IV, 17:10 - BAIBLO ALOO NGMAMI KLƆUKLƆU Ɔ

¹⁰ Lɔ ɔ se ɔ, Yawɛ de Mose ke, “Kpale Aaron dɛma tso ɔ ya fɔ daka a nɛ somi womi ɔ ngɛ mi ɔ hɛ mi ekohu, nɛ e hi lejɛ ɔ kaa kɔkɔ bɔmi nɔ́ kɛ ha atuã tsɔli ɔmɛ bɔ nɛ pee nɛ a munyu huitihuiti ɔmɛ nɛ a tuɔ kɛ siɔ mi ɔ se nɛ po. Ke pi ja a, a ma gbo.”

Mose IV, 17:10 ပူးပေါင်းရင်းမြစ်များ

Hebribi 9:4

Níhi nɛ ngɛ tsu nɛ ɔ mi ji tsopa kɛ e he via sami la tɛ nɛ a kɛ sika tsu pee ɔ, somi daka a nɛ a kɛ sika tsu ha he ɔ kɛ e mi sika tsu kplu ɔ nɛ mana a ngɛ mi ɔ, Aaron dɛma tso ɔ nɛ tsɛ̃ ba be ko ɔ, kɛ tɛ tɛtlɛɛ enyɔ ɔmɛ nɛ a ngma mlaa amɛ ngɛ a nɔ ɔ.

Efesobi 5:6

Nyɛ ko ha nɛ nɔ ko nɛ pee nyɛ kuasia; ejakaa nihi nɛ gboɔ tue, nɛ a peeɔ yayamihi kaa kikɛ nɛ ɔ, Mawu kɛ mi mi la gblaa a tue wawɛɛ.

Yesaya 1:2

Yawɛ ke, “Hiɔwe kɛ zugba, nyɛɛ bu nɔ́ nɛ i ngɛ dee ɔ tue! Jokuɛwi nɛ i tsɔse nɛ a wa a te si ngɔ si mi.

La 57:4

He nyɛli bɔle mi kɛ kpe kaa jatahi nɛ yeɔ nɔmlɔ lo; a lunguhi ngɛ kaa akplɔhi, kɛ kɛ̃ɛ̃ mi bihi; a lilɛhi a nya ba kaa klaate nɛ a duɔ nya saminya.

Samuel I, 30:22

Se amimitsɛmɛ kɛ yaka nimli nɛ nyɛɛ David se ɔ de ke, “Akɛnɛ a kɛ wɔ yɛ he je ɔ, wa be mɛ ta yibu ní ɔmɛ nɛ wa ya kpɔ ɔ eko hae. A ba ngɔ a yi ɔmɛ, kɛ a bimɛ ɔmɛ kɛkɛ nɛ a ho.”

Samuel I, 2:12

Eli binyumu ɔmɛ ɔ, yakayaka nimli ji mɛ; a bui Yawɛ,

Mose V, 9:24

Kɛ je be nɛ i le nyɛ ɔ, Yawɛ hɛ mi atuã sɔuu nyɛ ngɛ tsɔe.

Mose IV, 16:40

kaa bɔ nɛ Yawɛ fa Eleazar kɛ gu Mose nɔ ke e pee ɔ. Nɔ́ nɛ ɔ ba pee kɔkɔ bɔmi nɔ́ ko kɛ ha Israel bi ɔmɛ, kaa nɔ ko nɛ pi osɔfo ji lɛ, nɛ e pi Aaron weku ɔ mi no hulɔ ɔ, e be he blɔ nɛ e sãã tsopa kɛ e he via ngɛ bɔ sami la tɛ ɔ nɔ kɛ haa Yawɛ. Ke nɔ ko pee ja a, a ma kpata e hɛ mi kaa bɔ nɛ a pee Kora kɛ e se nyɛɛli ɔmɛ ɔ.

Mose IV, 16:38

Benɛ a ngɔ ngɛyu ɔmɛ kɛ ya Yawɛ bɔ sami la tɛ ɔ he pɛ kɛkɛ nɛ a pee ní klɔuklɔuhi. Lɔ ɔ he ɔ, nimli nɛ ɔmɛ nɛ a gbe mɛ ngɛ a he yayami he ɔ, mo de Eleazar nɛ e ya je a ngɛyu ɔmɛ nɛ a fiaa nɔ tɛtlɛɛ, nɛ a kɛ ha bɔ sami la tɛ ɔ he. Nɔ́ nɛ ɔ maa pee kɔkɔ bɔmi nɔ́ kɛ ha Israel ma a.”

Mose II, 16:32

Mose de ke, “Bɔ nɛ Yawɛ fa ji nɛ ɔ nɛ: ‘A susu mana lita enyɔ hiɛmi nya ngɔ to si ha nyɛ nina, konɛ a ba na niye ní nɛ i kɛ lɛ nyɛ ngɛ nga a nɔ benɛ i je nyɛ kɛ je Egipt zugba a nɔ ɔ.’ ”

Hosea 10:9

Yawɛ ke, “Kɛ je be nɛ Israel pee yayami kɛ si mi ngɛ Gibea a, anɛ e sɛ kaa ta ba naa mɛ ngɛ Gibea lo?

1 Korintobi 10:10

Wa ko tu munyu huitihuiti kaa bɔ nɛ a ti ni komɛ pee, nɛ bɔfo nɔ́ puɛlɔ ɔ kpata a hɛ mi ɔ.

Mose II, 16:34

Nɛ kaa bɔ nɛ Yawɛ fa Mose ɔ, Aaron ngɔ kɛ ma somi daka a hɛ mi.

Mose IV, 17:4

Muɔ tso ɔmɛ ya pue somi daka a hɛ mi ngɛ kpe he bo tsu ɔ mi he nɛ i kɛ mo kpee ngɛ ɔ.

Mose IV, 17:9

Mose muɔ tso ɔmɛ tsuo ngɛ Yawɛ hɛ mi kɛ je kpo ya tsɔɔ Israel ma a tsuo. Benɛ a na nɔ́ nɛ ba a, wɛtsoyi ɔmɛ tsuo ho ya ngɔ mɛ nitsɛmɛ a tso ɔmɛ.

Mose IV, 17:11

Mose pee kaa bɔ nɛ Yawɛ fa lɛ ke e pee ɔ.

Mose IV, 20:9

Mose ya ngɔ tso ɔ kaa bɔ nɛ Yawɛ fa lɛ ɔ.

Mose V, 9:7

“Nyɛ hɛ ko je nɔ kɔkɔɔkɔ, bɔ nɛ nyɛ wo Yawɛ, nyɛ Mawu ɔ mi mi la ngɛ nga kplanaa a nɔ. Kɛ je ligbi ɔ nɛ nyɛ je Egipt zugba a nɔ kɛ ba si be nɛ nyɛ ba su hiɛmɛ nɛ ɔ, Yawɛ hɛ mi atuã sɔuu nyɛ ngɛ tsɔe.

Mose IV, 4:18

“Nyɛ ko ha nɛ Kohat bi ɔmɛ a hɛ mi ba kpata ngɛ Levi bi ɔmɛ a kpɛti.

Mose IV, 14:5

Kɛkɛ nɛ Mose kɛ Aaron ngɔ a hɛ mi ngɔ bu si ngɛ Israel ma mluku ɔ tsuo a hɛ mi.

Mose IV, 16:21

“Nyɛɛ hɛ nyɛ kɛ je ma nɛ ɔ he kɛ ya se, nɛ ma kpata a hɛ mi hɛngmɛfia.”