Mose IV, 16:5 - BAIBLO ALOO NGMAMI KLƆUKLƆU Ɔ

⁵ nɛ e de Kora kɛ e se nyɛɛli ɔmɛ ke, “Hwɔɔ mɔtu ɔ, Yawɛ nitsɛ maa tsɔɔ wɔ nɔmlɔ nɛ ji e nɔ, kɛ nɔ nɛ ji nɔ klɔuklɔu. Nɔmlɔ nɛ ji e nɔ nɛ e maa hla a, Yawɛ ma ha nɛ e hɛ lɛ kɛ ba e ngɔ.

Mose IV, 16:5 ပူးပေါင်းရင်းမြစ်များ

La 105:26

Kɛkɛ nɛ e tsɔ e tsɔlɔ Mose, kɛ Aaron nɛ e hla mɛ ɔ.

La 115:10

Aaron nina, nyɛɛ ngɔ nyɛ hɛ kɛ fɔ Yawɛ nɔ. Lɛ ji nyɛ he piɛlɔ, kɛ nyɛ yi baalɔ.

La 65:4

A gbaa nɔ tsuaa nɔ nɛ mo nitsɛ o hla lɛ, nɛ o ngɔ lɛ kɛ ba o we ɔ. Wa ma na ní kpakpahi nɛ ngɛ o we klɔuklɔu ɔ a he bua jɔmi. O bu wa kue fami ɔ tue.

Mose II, 28:1

“Moo tsɔ ya ngɔ o nyɛminyumu Aaron kɛ e binyumu ɔmɛ nɛ ji Nadab, Abihu, Eleazar, kɛ Itamar kɛ ba. Mo ha nɛ a tsɔ a he kɛ je Israel bi kpa amɛ a he, bɔ nɛ pee nɛ a ba sɔmɔ mi kaa osɔfohi.

Mose II, 28:41

Ngɔɔ tade nɛ ɔmɛ kɛ wo o nyɛminyumu Aaron kɛ e binyumu ɔmɛ, nɛ o pɔ mɛ nu, nɛ o wo mɛ osɔfo, nɛ o tsukɔ a he, konɛ a sɔmɔ mi kaa osɔfohi.

Mose II, 28:43

Aaron kɛ e binyumu ɔmɛ nɛ a wo fiɔ mi tade nɛ ɔmɛ be tsuaa be nɛ a ma kpe he bo tsu ɔ mi ɔ, aloo ke a ma sɔmɔmi ngɛ bɔ sami la tɛ ɔ he ngɛ he klɔuklɔu ɔ. Ke pi ja a, musu maa tloo mɛ nɛ a ma gbo. Enɛ ɔ nɛ pee mlaa nɛ fɔɔ si kɛ yaa neneene kɛ ha Aaron kɛ e weku kɛ nina.

Yeremia 30:21

A nɔ yelɔ ɔ maa je mɛ nitsɛmɛ a ma a mi; a matsɛ ɔ maa je mɛ nitsɛmɛ nɔuu a kpɛti. Ma tsɛ lɛ, nɛ e maa ba ye ngɔ. Mɛnɔ ma nyɛ maa hɛ lɛ kɛ su ye he be mi nɛ i tsɛ we lɛ? A maa pee ye ma, nɛ imi hu ma pee a Mawu. Imi, Yawɛ lɛ i de.”

Yeremia 49:19

Kaa bɔ nɛ jata hiaa kpo vlai kɛ jeɔ pu mi ngɛ Yordan pa a he kɛ baa lohwehi a ní yemi he ɔ, ja ma ba tlukaa, nɛ ma ba fie Edom bi ɔmɛ kɛ je a zugba a nɔ kɛ fo. Kɛkɛ ɔ, hɛ mi nyɛɛlɔ ɔ nɛ ma hla a, lɛ ji nɔ nɛ maa ye ma a nɔ. Mɛnɔ lɛ e kɛ mi sɔ? Mɛnɔ ma nyɛ nɛ e kɛ mi maa to ní? Te nɔ yelɔ nɛ ma nyɛ ye hɛ mi maa da nɛɛ?

Yeremia 50:44

“Kaa bɔ nɛ jata hiaa kpo vlai kɛ jeɔ pu mi ngɛ Yordan pa a he kɛ baa lohwehi a ní yemi he ɔ, ja imi Yawɛ, ma ba tlukaa nɛ ma ba fie Babilonia bi ɔmɛ kɛ je a ma a mi kɛ fo. Kɛkɛ ɔ, hɛ mi nyɛɛlɔ ɔ nɛ ma hla a, lɛ ji nɔ nɛ maa ye ma a nɔ. Mɛnɔ lɛ e kɛ mi sɔ? Mɛnɔ ma nyɛ nɛ e kɛ mi maa to ní? Te nɔ yelɔ nɛ ma nyɛ ye hɛ mi maa da?

Ezekiel 40:46

Kake ɔ hu nɛ hɛ mi kpee omleyi je ɔ, osɔfo ɔmɛ nɛ sɔmɔɔ ngɛ bɔ sami la tɛ ɔ he ɔ, mɛ hu a nɔ́ ji lɔ ɔ nɛ. Zadok nina ji osɔfo nɛ ɔmɛ tsuo; nɛ mɛ pɛ ji Levi bi nɛ ngɛ he blɔ kaa a ba sɔmɔɔ ngɛ Yawɛ hɛ mi.

Ezekiel 43:19

Levi bi osɔfo ɔmɛ nɛ ji Zadok nina, nɛ mɛ pɛ lɛ a ba sɔmɔɔ mi ngɛ ye he klɔuklɔu ɔ, ha mɛ na ku nɛ a kɛ sã yayami pami bɔ.

Ezekiel 45:4

He klɔuklɔu nɛ ɔ, a kɛ ha osɔfo ɔmɛ nɛ sɔmɔɔ ngɛ Yawɛ we ɔ. Hiɛmɛ nɛ ɔ nɛ a maa ma a wehi, kɛ Yawɛ we ɔ nitsɛ ngɛ.

Mose III, 10:3

Kɛkɛ nɛ Mose de Aaron ke, “Enɛ ɔ ji nɔ́ nɛ Yawɛ de ɔ nɛ. E ke, ‘Nihi nɛ hɛ mɛ kɛ su ye he ɔ, ma tsɔɔ mɛ bɔ nɛ i ngɛ klɔuklɔu ha, nɛ a maa wo ye hɛ mi nyami ngɛ ma a tsuo hɛ mi.’ ” Se Aaron de we nɔ́ ko.

Mose III, 8:2

“Ngɔɔ Aaron kɛ e binyumu ɔmɛ, a tade ɔmɛ, nɔ pɔmi nu ɔ, na ku ɔ nɛ a kɛ maa sã yayami pami bɔ ɔ, agbosu enyɔ ɔmɛ, kɛ kusii kɛ e mi abolo kplolo ɔ kɛ ba kpe he bo tsu ɔ sinya a nya;

Malaki 3:18

Jamɛ a be ɔ mi ɔ, ye ma a maa na slɔɔto nɛ ngɛ dalɔ kɛ yayami peelɔ a kpɛti; nyɛ maa na slɔɔto nɛ ngɛ nɔmlɔ nɛ sɔmɔɔ mi, kɛ nɔ nɛ sɔmɔ we mi ɔ a kpɛti.” Yawɛ Tabohiatsɛ ɔ lɛ de.

Mose IV, 16:3

A kpe kɛ wo Mose kɛ Aaron a he, nɛ a de mɛ ke, “Nyɛ ngɛ nɔ́ ko pee tsɔ. Ma kpekpemi nɛ ɔ tsuo pɛpɛɛpɛ nimli klɔuklɔuhi ji mɛ; nɛ Yawɛ ngɛ a kpɛti. Mɛni he je mɔ nɛ nyɛ ngɛ nyɛ he nɔ woe ngɛ Yawɛ ma kpekpemi ɔ nɔ ɔ?”

Mose IV, 16:6

Bɔ nɛ nyɛɛ pee ji nɛ ɔ nɛ: mo Kora, kɛ o se nyɛɛli ɔmɛ tsuo nyɛ ya hla ngɛyuhi.

Mose IV, 17:5

Nɔ nɛ ma hla a, e tso ɔ ma tsɛ̃ mɔmɔ; nɛ nɔ́ nɛ ɔ ma ha nɛ munyu huitihuiti nɛ Israel bi ɔmɛ tuɔ kɛ siɔ nyɛ ngɛ ye he ɔ se maa po.”

Mose IV, 17:8

E nɔ jena a benɛ Mose ya bo tsu ɔ mi he nɛ somi womi ɔ ngɛ ɔ, e na kaa Aaron tso ɔ nɛ daa si ha Levi wɛtso ɔ tsɛ̃ tso hɛngmɛ he, e pɛ mɔmɔ, nɛ e wo ngmɛ́hi nɛ fu.

Yohane 15:16

Pi nyɛ nɛ nyɛ hla mi. Imi mohu nɛ i hla nyɛ nɛ i tsɔ nyɛ, konɛ nyɛ ya wo yiblii nɛ maa hi si daa. Kɛkɛ ɔ, nɔ́ tsuaa nɔ́ nɛ nyɛ ma kpa he pɛɛ ngɛ ye biɛ mi ɔ, Tsɛ ɔ ma ha nyɛ.

Ni Tsumi 1:2

kɛ ya su ligbi nɛ a ngɔ lɛ kɛ ho hiɔwe ya. Loko a ngɔ lɛ kɛ ho hiɔwe ya a, e gu Mumi Klɔuklɔu ɔ nɔ nɛ e tsɔɔ bɔfohi nɛ e hla a mlaa nɛ a ye nɔ.

Ni Tsumi 1:24

Kɛkɛ nɛ a sɔle ke, “Nyɔmtsɛ, mo nɛ o le nimli tsuo a tsui mi, tsɔɔ wɔ ni enyɔ nɛ ɔmɛ a ti nɔ nɛ o hla,

Ni Tsumi 13:2

Benɛ kaseli ɔmɛ ngɛ Nyɔmtsɛ ɔ jae, nɛ a ngɛ hwɔ hae ɔ, Mumi Klɔuklɔu ɔ de mɛ ke, “Nyɛɛ hla Barnaba kɛ Saulo ngɔ ha mi, konɛ a tsu ní tsumi nɛ i tsɛ mɛ ngɛ he ɔ.”

Ni Tsumi 15:7

Benɛ a sã nya hluu ɔ, Petro te da si, nɛ e de mɛ ke, “Ye nyɛmimɛ, nyɛ nitsɛmɛ nyɛ le kaa be saii ji nɛ ɔ nɛ Mawu hla mi ngɛ nyɛ kpɛti kaa ma fiɛ sane kpakpa a ngɔ tsɔɔ ma je li ɔmɛ, konɛ mɛ hu a he ye.

Ni Tsumi 22:14

E de mi ke, ‘Wa nɛmɛ ɔmɛ a Mawu ɔ hla mo ngɔ to, konɛ o le e suɔmi nya ní, nɛ o na e Tsɔlɔ nɛ peeɔ nɔ nɛ da a, konɛ o nu lɛ nitsɛ e nya mi gbi.

Efesobi 2:13

Sa a, nyɛɛ kɛ Mawu nyɛ kpɛti kɛ wawɛɛ nitsɛ. Se jehanɛ ɔ nɛ kɛ gu Kristo muɔ ɔ nɔ ɔ, nyɛ ba ngɛ Kristo Yesu mi ɔ, a kpale nyɛ kɛ ba Mawu kasa nya haa. Gbenɔ nɛ Kristo gbo, nɛ e ngɔ e he ngɔ sã bɔ ɔ, lɔ ɔ lɛ tsu enɛ ɔ.

2 Timoteo 2:19

Se tsu sisi tomi tɛ nɛ Mawu ngɔ kɛ ma si ha hemi kɛ yemi ɔ he wa, nɛ e be mimiɛe. Munyu nɛ a kɛ sɔu tɛ ɔ nya ji, “Nyɔmtsɛ ɔ le lɛ nitsɛ e nihi.” Ekpa hu deɔ ke, “Nɔ tsuaa nɔ nɛ deɔ ke Mawu nɔ́ ji lɛ ɔ, é kpa yayami peemi.”

Hebribi 12:14

Nyɛɛ bɔ mɔde nɛ nyɛɛ kɛ nihi tsuo nɛ hi si ngɛ tue mi jɔmi mi. Nyɛɛ bɔ mɔde nɛ nyɛɛ pee klɔuklɔu, ejakaa nɔ nɛ be klɔuklɔu ɔ, e be Nyɔmtsɛ ɔ nae.

Kpojemi 1:6

e to matsɛ yemi sisi ha wɔ, nɛ e pee wɔ osɔfohi, konɛ wa sɔmɔ e Tsɛ Mawu ɔ, nyɛ ha waa wo e hɛ mi nyami, nɛ e ye matsɛ kɛ ya neneene kɛ neneene. Amen.

Samuel I, 2:28

Imi lɛ i hla Aaron kɛ e weku ɔ kɛ je Israel wɛtso ɔmɛ tsuo a kpɛti ke a ba pee ye osɔfohi, nɛ a sã tsopa kɛ e he via ngɛ bɔ sami la tɛ ɔ nɔ, nɛ a wo efɔd nɛ a kɛ bi ye yi mi tomi. I ha mɛ he blɔ kaa bɔ ɔmɛ nɛ Israel ma a ba sãã ngɛ bɔ sami la tɛ ɔ nɔ ɔ, mɛ nitsɛmɛ a ngɔ eko ha a he.