Mose IV, 16:48 - BAIBLO ALOO NGMAMI KLƆUKLƆU Ɔ

⁴⁸ E ya da si ngɛ ni nɛmɛ nɛ gbo ɔ, kɛ ni nɛmɛ nɛ a hɛ ngɛ ɔ a kpɛti, kɛkɛ nɛ gbenɔ hiɔ ɔ se po.

Mose IV, 16:48 ပူးပေါင်းရင်းမြစ်များ

Samuel II, 24:25

E puɛ bɔ sami la tɛ ha Yawɛ ngɛ lejɛ ɔ; nɛ e sã sami bɔhi, kɛ tue mi jɔmi bɔhi. Yawɛ bu e kue fami ɔ tue, nɛ gbenɔ hiɔ ɔ se po ngɛ Israel.

Yakobo 5:16

Lɔ ɔ he ɔ, nyɛɛ jaje nyɛ he yayami ɔmɛ kɛ tsɔɔ nyɛ sibi; nyɛɛ sɔle ha nyɛ sibi konɛ a tsa nyɛ. Ke nɔ nɛ peeɔ nɔ́ nɛ da fa kue ha Mawu ɔ, e tsuɔ ní saminya.

1 Tesalonikabi 1:10

Mawu Bi Yesu ɔ nɛ Mawu tle lɛ si kɛ je gbeje ɔ, a tsɔɔ kaa nyɛ ngɛ lɛ blɔ hyɛe kaa e maa je hiɔwe kɛ ba ekohu. Lɛ ji nɔ nɛ ma je wɔ kɛ je tue gblami nɛ ma a mi.

Yohane 5:14

Pee se ɔ, Yesu ya na nyumu ɔ ngɛ sɔlemi we ɔ, nɛ e de lɛ ke, “Bu tue, amlɔ nɛ ɔ nɛ o na he wami nɛ ɔ, koo pee yayami hu. Ke pi jã a, nɔ́ nɛ maa ba o nɔ ɔ maa pe kekle nɔ́ ɔ.”

La 106:30

Se Finehas te si, nɛ e gbla yayami peeli ɔmɛ a tue, kɛkɛ nɛ gbenɔ hiɔ ɔ se po.

Mose IV, 16:35

Kɛkɛ nɛ la je Yawɛ ngɔ ba sã nimli lafa enyɔ kɛ nyingmi enuɔ ɔmɛ nɛ a ngɔ tsopa kɛ e he via a kɛ ba a.

Mose IV, 16:18

Lɔ ɔ he ɔ, nɔ tsuaa nɔ ho ya ngɔ ngɛyu, nɛ e je la kɛ wo mi, nɛ e ngɔ tsopa kɛ e he via kɛ pue nɔ, nɛ e ba da si ngɛ kpe he bo tsu sinya a nya ngɛ Mose kɛ Aaron a kasa nya.

Mose IV, 16:47

Kaa bɔ nɛ Mose de lɛ ɔ, Aaron ngɔ e ngɛyu ɔ, nɛ e tu fo kɛ ya sɛ ma a kpɛti benɛ a bua a he nya. Benɛ e na kaa gbenɔ hiɔ ɔ bɔni ní puɛmi momo ngɛ ni ɔmɛ a kpɛti ɔ, e kɛ tsopa kɛ e he via a pue la a nɔ, nɛ e pee kusumi kɛ kpata Yawɛ ha ma a.

Mose IV, 16:49

Nimli nɛ gbenɔ hiɔ ɔ gbe ɔ, a hiɛmi ji akpe nyɔngma kɛ eywiɛ kɛ e nya lafa kpaago; slo ni nɛmɛ nɛ gbo ngɛ Kora sane ɔ nɛ ba a mi.