Mose IV, 16:46 - BAIBLO ALOO NGMAMI KLƆUKLƆU Ɔ

⁴⁶ nɛ Mose de Aaron ke, “Ngɔɔ ngɛyu ɔ, nɛ o je la ngɛ bɔ sami la tɛ ɔ nɔ kɛ wo mi. Ngɔɔ tsopa kɛ e he via kɛ pue nɔ, nɛ o hɛɛ kɛ ya ma a ngɔ esɔesɔ, nɛ o ya kpata Yawɛ ha mɛ. Yawɛ mi mi fu, nɛ gbenɔ hiɔ ɔ je sisi.”

Mose IV, 16:46 ပူးပေါင်းရင်းမြစ်များ

Mose IV, 8:19

I ngɔ mɛ ngɔ ha Aaron kɛ e bimɛ ɔmɛ kaa Israel ma a tsuo a nike ní. A ma sɔmɔ ngɛ kpe he bo tsu ɔ mi, nɛ a ma kpata Yawɛ ha ma a, bɔ nɛ pee nɛ ke alini ma a hɛ mɛ kɛ su he klɔuklɔu ɔ he tsɔ ɔ, gbenɔ hiɔ kó sɛ a kpɛti.”

Mose III, 10:6

Lɔ ɔ se ɔ, Mose de Aaron kɛ e binyumu ɔmɛ, Eleazar kɛ Itamar ke, “Nyɛ ko ngmɛɛ nyɛ yi bwɔmi he kɛ pue nyɛ nɔ, nɛ nyɛ ko hía nyɛ tadehi ngɛ nyɛ he hulɔ kɛ tsɔɔ kaa nyɛ ngɛ kɔmɔ yee. Ke nyɛ pee ja a, nyɛ ma gbo, nɛ Yawɛ mi mi ma fu ma a tsuo. Se nyɛ nyɛmimɛ ɔmɛ, kɛ Israel we ɔ tsuo kulaa ma nyɛ maa ye kɔmɔ nɛ a nyɛ ya ha gbogboe ɔmɛ nɛ Yawɛ la sã a.

La 106:29

A kɛ a ní peemi ní ɔmɛ wo Yawɛ mi mi la, nɛ gbenɔ hiɔ ba sɛ a kpɛti.

Kronika I, 27:24

Yoab nɛ a tsɛɛ e nyɛ ke Zeruya a ba bɔni ma a kanemi, se e gbi nya. Enɛ ɔ he je ɔ, Mawu gbla Israel ma a tue, nɛ e ngmɛ́ nihi nɛ a kane mɛ ɔ a hiɛmi kɛ wui David yi nɔ sanehi womi ɔ mi.

Mose IV, 18:5

He klɔuklɔu ɔ, kɛ bɔ sami la tɛ ɔ, o kɛ o bimɛ ɔmɛ pɛ nyɛ tsu ní ngɛ lejɛ ɔ, konɛ ye mi mi nɛ ko fu Israel bi ɔmɛ ekohu.

Mose IV, 11:33

Benɛ a ngɛ lo ɔ yee, nɛ e na we nɛ e ta a, Yawɛ mi mi fu ma a, nɛ e ha gbenɔ hiɔ ba sɛ a kpɛti.

La 141:2

Ha nɛ ye kue fami ɔ nɛ je via kaa tsopa kɛ e he via ngɛ o hɛ mi; nɛ ye nine nɛ i wo nɔ kɛ ya hiɔwe ɔ, e pee kaa bɔ nɛ i ngɛ sãe gbɔkuɛ nya si ha mo.

Mose III, 9:24

Tlukaa a, Yawɛ ha nɛ la ba, nɛ e ba sã sami bɔ ɔ, kɛ zɔ ɔ nɛ ngɛ bɔ sami la tɛ ɔ nɔ ɔ. Benɛ ni ɔmɛ tsuo na nɔ́ nɛ ɔ, a he ose, nɛ a kɛ a hɛ mi bu si.

Malaki 1:11

Je ma amɛ tsuo, kɛ je pu site he kɛ ya si pu sinɔ he ɔ, woɔ ye hɛ mi nyami. A sãã tsopa kɛ e he via kɛ haa mi ngɛ he tsuaa he, nɛ a kɛ nike ní nɛ he tsɔ hu baa. Mɛ tsuo pɛpɛɛpɛ a woɔ ye hɛ mi nyami.

Mose V, 9:22

“Nyɛ wo Yawɛ, nyɛ Mawu ɔ mi mi la ngɛ Tabera, Masa, kɛ Kibrot hulɔ.

Mose IV, 25:13

E maa pee lɛ, kɛ e nina tsuo a nɔ́, nɛ a maa da nɔ kɛ ye osɔfo kɛ maa ya neneene. Ejakaa e kplɛɛ we nɛ nihi kɛ mi nɛ plee nɔ́ he, nɛ nɔ́ nɛ ɔ ha nɛ a kɛ Israel ma a he yayami pa mɛ.”

Mose IV, 1:53

Se Levi bi ɔmɛ lɛɛ a ma pue si kɛ bɔle kpe he ɔ, nɛ a maa bu he, bɔ nɛ pee nɛ imi Yawɛ, ye we abofu nɛ ko kple Israel ma kpekpemi ɔ nɔ.”

Mose IV, 25:8

nɛ e nyɛɛ Israel no ɔ se kɛ ya sɛ e se tsu mi; nɛ e kɛ akplɔ nɛ e hɛɛ ɔ gbɔ nyumu ɔ kɛ yo ɔ tsuo kɛ ya pa si. Kɛkɛ nɛ gbenɔ hiɔ ɔ se po ngɛ Israel bi ɔmɛ a kpɛti.

Habakuk 3:5

E haa nɛ hiɔhi baa, nɛ gbenɔ nyɛɛɔ se.