Mose IV, 16:29 - BAIBLO ALOO NGMAMI KLƆUKLƆU Ɔ

²⁹ ke nimli nɛ ɔmɛ gbo mɛ nitsɛmɛ a gbenɔ, aloo a gbo ngɛ oslaa nya kaa bɔ nɛ nimli adesahi tsuo gboɔ ɔ, lɛɛ tsa pi Yawɛ nɛ tsɔ mi.

Mose IV, 16:29 ပူးပေါင်းရင်းမြစ်များ

Kɔmɔ Yemi 4:22

A wo Zion he yayami ɔmɛ a he hiɔ ta, lɔ ɔ he ɔ, Yawɛ be hae nɛ a ye wɔ nyɔguɛ ngɛ ma se hu. Se mo Edom lɛɛ Yawɛ maa gbla o tue; e ma ha o he yayami ɔmɛ maa je kpo paa nɛ a na.

Matsɛmɛ I, 22:28

Mikaya he nɔ ke, “Ke o kpale kɛ ba kɛ manye ɔ, lɛɛ tsa pi Yawɛ nɛ tu munyu kɛ gu ye nɔ mɔ!” E ya nɔ de ke, “Nyɛ tsuo nyɛɛ nu nɔ́ nɛ i ngɛ dee ɔ!”

Yeremia 5:9

Anɛ e sɛ kaa a gblaa a tue ngɛ ní nɛ ɔmɛ a he lo? Ma nɛ ngɛ kaa kikɛ nɛ ɔ, e sɛ kaa i gblaa a tue lo?

Yesaya 10:3

Ke Mawu bɔni nyɛ tue gblami ɔ, kɛ nyɛ maa pee kɛɛ? Ke e ngɔ haomi kɛ je ma se kɛ ba na nyɛ ɔ, kɛ nyɛ maa pee kɛɛ? Mɛnɔ ngɔ nyɛ ma sa fo kɛ ya ya hla yemi kɛ buami? Jije nyɛ maa ngɔ nyɛ juetli kɛ to?

Fiɛlɔ 3:19

Nɔ́ nɛ peeɔ nɔmlɔ adesa a, lɔ ɔ kɛ̃ lɛ peeɔ lohwe; nɔmlɔ gboɔ, nɛ lohwe hu gboɔ. Mumi kake ɔ nɔuu lɛ mɛ tsuo a muɔ. Nɔmlɔ pi lohwe ngɛ blɔ ko blɔ ko nɔ; ejakaa nɔmlɔ wami jio, lohwe wami jio, lɛ tsuo peeɔ yaka.

Hiob 35:15

Amlɔ nɛ ɔ, o susuɔ kaa Mawu gbla we nɔ tue, nɛ ke nɔ pee yayami hu e di se tsɔ.

Kronika II, 18:27

Mikaya he nɔ ke, “Ke o kpale ba kɛ manye ɔ, lɛɛ tsa pi Yawɛ nɛ tu munyu kɛ gu ye nɔ mɔ!” E ya nɔ nɛ e de ke, “Nyɛ tsuo nyɛɛ bu nɔ́ nɛ i ngɛ dee ɔ tue!”

Mose II, 32:34

Moo lɛɛ yaa nɛ o ya kpaka ye ma a kɛ ya he nɛ i de mo ɔ. Ye bɔfo ɔ maa nyɛɛ o hɛ mi. Se be ma nɛ ma wo ma a hiɔ ngɛ a he yayami ɔ he.”

Mose II, 20:5

Ko kpla si ha mɛ, nɛ ko ja mɛ hulɔ; ejakaa imi Yawɛ, o Mawu ɔ, a kɛ mi plee we nɔ́ he. I gblaa ni nɛmɛ nɛ nyɛɛ mi ɔ, kɛ a bimɛ, kɛ a bibimɛ a tue hluu kɛ yaa si yi nɔ etɛne kɛ eywiɛne bimɛ a nɔ.

Kpojemi 11:5

Ke nɔ ko hla kaa e ye mɛ awi ɔ, la jeɔ a nya mi, nɛ e kpataa a he nyɛli ɔmɛ a hɛ mi; nɔ tsuaa nɔ nɛ ma hla kaa e ye mɛ awi ɔ, ja a gbe lɛ.

Matsɛmɛ I, 18:36

Gbɔkuɛ bɔ sami be ɔ, gbalɔ Eliya hɛ lɛ kɛ ba bɔ sami la tɛ ɔ he, nɛ e sɔle ke, “Yawɛ, Abraham, Isak, kɛ Yakob a Mawu lee, ha nɛ a le mwɔnɛ ɔ kaa mo ji Israel Mawu, nɛ o tsɔlɔ ji mi, nɛ i pee ní nɛ ɔmɛ tsuo ngɛ o fami nya.