Mose IV, 16:26 - BAIBLO ALOO NGMAMI KLƆUKLƆU Ɔ

²⁶ E de ma a ke, “Nyɛɛ hɛ nyɛ kɛ je nimli yiwutsotsɛmɛ nɛ ɔmɛ a bo tsu ɔmɛ a he. Ke pi ja a, a ma kpata nyɛɛ kɛ mɛ tsuo nyɛ hɛ mi ngɛ a he yayami ɔmɛ a he.”

Mose IV, 16:26 ပူးပေါင်းရင်းမြစ်များ

Yesaya 52:11

Nyɛ tsuo nyɛ ba be kɛ ho; nyɛɛ je Babilonia! Nyɛ nihi nɛ nyɛ hɛɛ Mawu we ɔ ní klɔuklɔu ɔmɛ, nyɛɛ pee nyɛ he klɔuklɔu; nyɛ ko ta nɔ́ ko nɛ he tsɔ we he.

Kpojemi 18:4

Kɛkɛ nɛ i nu gbi kpa nɛ tu munyu kɛ je hiɔwe ke, “Ye ma! Nyɛɛ je kpo ngɛ e mi oo, nyɛɛ je ma a mi! Nyɛ ko ya piɛ ma mi bi ɔmɛ a he kɛ pee yayami, konɛ haomi nɛ ba a nɔ ɔ, ko ba nyɛ hu nyɛ nɔ!

2 Korintobi 6:17

Lɔ ɔ he ɔ, Nyɔmtsɛ ɔ ke, “Nyɛɛ je a kpɛti, nɛ nyɛ tsɔ nyɛ he kɛ je a he. Nyɛ ko ta nɔ́ ko nɛ he tsɔ we he; nɛ ma he nyɛ atuu.

1 Timoteo 5:22

Koo ye esɔ kaa o maa ngɔ o nine kɛ pue nɔ ko nɔ kɛ wo lɛ asafo nɔkɔtɔma nɛ e tsu ní ha Nyɔmtsɛ ɔ. Ke nɔ ko ngɛ yayami pee ɔ, ko ya piɛ e he. Pee o he klɔuklɔu.

Ni Tsumi 13:51

Bɔfo ɔmɛ blɛ a nane si bunyuku ngɔ pue ni ɔmɛ a nɔ, nɛ a je kɛ ho Ikoniom ya.

Ni Tsumi 8:20

Se Petro de lɛ ke, “O kɛ o sika a tsuo hɛ mi nɛ kpata, ejakaa o susuu kaa Mawu nɔke nɔ́ ɔ, sika a kɛ heɔ!

Mose V, 13:17

Nyɛ ko ngɔ níhi nɛ a ma kpata a hɛ mi ɔ eko kɛ to ha nyɛ he. Kɛkɛ ɔ, Yawɛ mi mi nɛ fu nyɛ wawɛɛ ɔ nya maa ba si, nɛ e maa na nyɛ mɔbɔ. E maa na nyɛ mɔbɔ, nɛ e ma ha nyɛ he maa hiɛ babauu kaa bɔ nɛ e wo nyɛ nɛmɛ ɔmɛ si ɔ.

Mateo 10:14

Ke we, loo ma ko mi bi he we nyɛ atuu, nɛ nyɛ sɛ gbi ɔ hu, a bui tue ɔ, nyɛ blɛ nyɛ nane si zu ngɔ pue lejɛ ɔ, nɛ nyɛɛ je.

Mose I, 19:17

Lɔ ɔ se ɔ, bɔfo ɔmɛ a ti nɔ kake de ke, “Nyɛɛ tu fo esɔesɔ nɛ nyɛ kɛ he nyɛ yi wami! Nyɛ ko plɛ nyɛ se, nɛ nyɛ ko da si ngɛ kɔ̃ ɔ mi he ko he ko. Nyɛɛ tu fo kɛ ho yoku ɔmɛ a nɔ ya, bɔ nɛ pee nɛ nyɛ hɛ mi ko kpata.”

Mose IV, 16:25

Kɛkɛ nɛ Mose te si, nɛ e kɛ Israel ma nimeli ɔmɛ pue nɔ kɛ ho Datan, kɛ Abiram a ngɔ ya.

Yeremia 51:6

Nyɛɛ tu fo kɛ je Babilonia nɛ nyɛ kɛ he nyɛ yi wami. Nyɛ ko ha nɛ a gbe nyɛ ngɛ Babilonia bi ɔmɛ a he yayami ɔ he. Amlɔ nɛ ɔ, i ngɛ ye he lue yee ngɛ a nɔ, nɛ i ngɛ a tue gblae bɔ nɛ sa mɛ.