Mose IV, 16:18 - BAIBLO ALOO NGMAMI KLƆUKLƆU Ɔ

¹⁸ Lɔ ɔ he ɔ, nɔ tsuaa nɔ ho ya ngɔ ngɛyu, nɛ e je la kɛ wo mi, nɛ e ngɔ tsopa kɛ e he via kɛ pue nɔ, nɛ e ba da si ngɛ kpe he bo tsu sinya a nya ngɛ Mose kɛ Aaron a kasa nya.

Mose IV, 16:18 ပူးပေါင်းရင်းမြစ်များ

Kronika II, 26:16

Se benɛ Uzia tsɛ yemi ɔ ba he si ɔ, e wo e he nɔ, nɛ nɔ́ nɛ ɔ ha nɛ e hɛ mi kpata. E ya sã tsopa kɛ e he via ngɛ tsopa kɛ e he via sami la tɛ ɔ nɔ ngɛ Yawɛ we ɔ, nɛ e kɛ nɔ́ nɛ ɔ tɔ̃ Yawɛ, e Mawu ɔ nɔ.

Mose III, 16:12

e ngɔ ngɛyu kɛ je la ngɛ bɔ sami la tɛ ɔ nɔ, nɛ e piti tsopa kɛ e he via nɛ a wɛɛ lɛ bukɔbukɔ dɛ kɔkɔ enyɔ, nɛ e kɛ sɛ he klɔuklɔu pe kulaa a.

Mose III, 16:13

E ngɔ tsopa kɛ e he via a ngɔ pue la a mi ngɛ Yawɛ hɛ mi, nɛ e wo la su ku nɛ mi ti kɛ tsi somi daka nya nɔ́ ɔ nɔ, bɔ nɛ pee nɛ Aaron ko na somi daka nya nɔ́ ɔ, nɛ e ba gbo.

Mose IV, 16:17

O se nyɛɛli lafa enyɔ kɛ nyingmi enuɔ ɔmɛ ɔ, a ti nɔ tsuaa nɔ nɛ ngɔ lɛ nitsɛ e ngɛyu, nɛ e kɛ tsopa kɛ e he via wo mi, nɛ e kɛ ba Yawɛ hɛ mi.”

Mose IV, 16:19

Kora ya kpee ma kpekpemi ɔ tsuo kɛ ba kpe he bo tsu sinya a nya, nɛ a plɛ a hɛ mi ngɔ kpee Mose kɛ Aaron. Tlukaa a, Yawɛ hɛ mi nyami ɔ ba je e he kpo kɛ tsɔɔ ma kpekpemi ɔ tsuo.

Mose IV, 16:37

“De osɔfo Aaron bi Eleazar nɛ e ya je ngɛyu ɔmɛ kɛ je la a mi, nɛ e gbɛ la a kɛ ya se lokoo; ejakaa ngɛyu ɔmɛ a he tsɔ.

Mose IV, 16:48

E ya da si ngɛ ni nɛmɛ nɛ gbo ɔ, kɛ ni nɛmɛ nɛ a hɛ ngɛ ɔ a kpɛti, kɛkɛ nɛ gbenɔ hiɔ ɔ se po.