Mose IV, 16:15 - BAIBLO ALOO NGMAMI KLƆUKLƆU Ɔ

¹⁵ Mose mi mi fu wawɛɛ nitsɛ, nɛ e de Yawɛ ke, “Ko he bɔ ɔmɛ nɛ a ba sã a! I he we teji kake po ngɛ a dɛ, nɛ i yi a ti nɔ ko nɔ ko sane yayami ko hulɔ.”

Mose IV, 16:15 ပူးပေါင်းရင်းမြစ်များ

2 Korintobi 7:2

Nyɛ je nyɛ suɔmi kpo kɛ tsɔɔ wɔ! Wa pee we nɔ ko yayami; wa kpataa we nɔ ko nane, nɛ wa sisi we nɔ ko hulɔ.

1 Tesalonikabi 2:10

Nyɛɛ kɛ Mawu ji wa we odase kaa wa ba wa je mi saminya ngɛ nyɛ nihi nɛ nyɛ heɔ yeɔ ɔ nyɛ kpɛti. Wa peeɔ nɔ́ nɛ da blɔ nɛ piami ko be wa he.

Efesobi 4:26

Ke e ba mi kaa nyɛ ti nɔ ko mi mi fu e nyɛmi ɔ, e ko ngmɛ blɔ nɛ lɔ ɔ nɛ ha nɛ e pee yayami. E bɔ mɔde nɛ e tsui he nɛ jɔ loko pu nɛ nɔ si.

2 Korintobi 1:12

Nɔ́ kake nɛ wa fĩaa ngɔ fɔɔ nɔ, nɛ wa he nile hu yeɔ he odase ji kaa wa baa wa je mi saminya ngɛ he tsuaa he, titli ngɛ waa kɛ nyɛ wa bɔmi mi kaa bɔ nɛ Mawu ngɛ hlae ɔ. Wa yeɔ anɔkuale nɛ mu ko mu ko be wa he. Pi wɔ nitsɛmɛ wa nile nɛ waa kɛ peeɔ enɛ ɔ, se mohu Mawu dloomi ɔ nya.

1 Korintobi 9:15

He blɔ nɛ ɔmɛ ngɛ mohu, se imi lɛɛ i bi we nyɛ nɔ́ ko hyɛ. Womi nɛ i ngɛ nyɛ ngmae nɛ ɔ hu, pi ye juɛmi ji kaa ma kɛ kai nyɛ kaa jehanɛ e sa kaa nyɛ bɔni mi nɔ́ hami. Afani nɛ ma gbo mohu, pe nɛ ma pee nɔ́ ko kaa kikɛ nɛ ɔ, nɛ́ nɔ́ nɛ nɔ nɛ ma da kɛ fĩa a ba bɔ mi!

Marko 3:5

Yesu kɛ abofu hyɛ a hɛ mi kɛ kpe; e dɔ lɛ kaa a tsui wa kikɛ nɛ ɔ. Kɛkɛ nɛ e de nyumu ɔ ke, “Kpã o nine mi!” E pee ja; nɛ a tsa e nine ɔ.

Mateo 5:22

Se imi lɛɛ i ngɛ nyɛ dee ke nɔ tsuaa nɔ nɛ mi mi fuɔ e nyɛmi ɔ, a maa kojo lɛ. Nɔ tsuaa nɔ nɛ jɛɔ e nyɛmi ke, ‘Yaka nɔmlɔ’ ɔ, a kɛ lɛ maa ba kpe ngua a hɛ mi; nɔ tsuaa nɔ nɛ jɛɔ e nyɛmi ke, ‘Kuasia’ a, e maa ya Abosiami a je la a mi.

Mose IV, 12:3

Mose nɛ ɔ, nɔmlɔ nɛ he jɔ ji lɛ; niinɛ e he jɔ pe nimli adesahi tsuo nɛ a ngɛ zugba a nɔ ɔ.

Mose II, 32:19

Benɛ Mose miɔ nɛ e maa su ma a sito he ɔ, nɛ́ e na na bi ɔ, kɛ ni ɔmɛ nɛ a ngɛ doe ɔ, e mi mi fu; nɛ e kɛ tɛ tɛtlɛɛ ɔmɛ nɛ e hɛɛ ngɛ e dɛ mi ɔ fia si ngɛ yo ɔ sisi, nɛ e ywia mɛ.

Mose IV, 16:16

Mose de Kora ke, “Hwɔɔ ɔ, o kɛ o se nyɛɛli ɔmɛ tsuo kulaa nyɛɛ ba Yawɛ hɛ mi; Aaron hu maa ba lejɛ ɔ.

Samuel II, 22:22

I ye Yawɛ mlaa amɛ a nɔ; i ji ye Mawu ɔ se.

Abɛ Womi 21:27

Yayami peelɔ bɔ ɔ, Yawɛ sume kulaa, hluu nɛ a de ke yi mi tomi yayami piɛ bɔ ɔ he.