Mose IV, 16:11 - BAIBLO ALOO NGMAMI KLƆUKLƆU Ɔ

¹¹ Hyɛ, Yawɛ yi nɔ nɛ o kɛ o se nyɛɛli ɔmɛ tsuo ngɛ soe ɔ nɛ. Jehanɛ, Aaron ɔ lɛɛ mɛni e pee nyɛ loko nyɛ ngɛ nya si hɔɔe kɛ ngɛ lɛ woe ɔ?”

Mose IV, 16:11 ပူးပေါင်းရင်းမြစ်များ

Kronika I, 26:19

Bɔ nɛ a dla bumi ní tsumi ɔ ngɔ ha Kora kɛ Merari weku ɔmɛ ji nɛ ɔ nɛ.

La 106:16

Ngɛ nga a nɔ ɔ, ni ɔmɛ a hɛ kɔ̃ Mose nɔ, kɛ jehanɛ Aaron, Yawɛ tsɔlɔ klɔuklɔu ɔ.

Mose II, 17:2

Lɔ ɔ he ɔ, ma a pia Mose, nɛ a de lɛ ke, “Ha wɔ nyu nɛ waa nu!” Mose de mɛ ke, “Mɛni he je nyɛ ngɛ mi piae? Mɛni he je nɛ nyɛ ngɛ Yawɛ kae ɔ?”

Mose IV, 11:1

Ma a tu munyu huitihuiti ngɛ a haomihi a he. Benɛ Yawɛ nu ɔ, e mi mi fu, nɛ e ha la tso ngɛ ni ɔmɛ a kpɛti; nɛ la a kpata níhi a hɛ mi ngɛ a sito he ɔ kasa fa kake.

Mose IV, 16:12

Mose tsɔ ke a ya tsɛ Datan, kɛ Abiram, Eliab bimɛ ɔmɛ kɛ ba. Se a de ke, “Wa be bae!

Mose IV, 16:3

A kpe kɛ wo Mose kɛ Aaron a he, nɛ a de mɛ ke, “Nyɛ ngɛ nɔ́ ko pee tsɔ. Ma kpekpemi nɛ ɔ tsuo pɛpɛɛpɛ nimli klɔuklɔuhi ji mɛ; nɛ Yawɛ ngɛ a kpɛti. Mɛni he je mɔ nɛ nyɛ ngɛ nyɛ he nɔ woe ngɛ Yawɛ ma kpekpemi ɔ nɔ ɔ?”

Luka 10:16

Yesu de e kaseli ɔmɛ ke, “Nɔ tsuaa nɔ nɛ maa bu nyɛ tue ɔ, imi tue e bu ɔ nɛ; nɔ nɛ ma kua nyɛ ɔ, imi e kua a nɛ. Nɔ tsuaa nɔ nɛ ma kua mi ɔ, e kua nɔ nɛ tsɔ mi ɔ.”

Yohane 13:20

I ngɛ nyɛ dee anɔkuale mi ke, nɔ tsuaa nɔ nɛ heɔ nɔ nɛ i tsɔ lɛ atuu ɔ, imi nɔuu e he ɔ nɛ; nɛ nɔ tsuaa nɔ nɛ heɔ mi ɔ, nɔ nɛ tsɔ mi ɔ e he ɔ nɛ.”

Ni Tsumi 5:4

Benɛ zugba a ngɛ ɔ, o nɔ́; nɛ benɛ o jua a hu sika a mo nitsɛ o nɔ́. Mɛni he je o to o yi mi, nɛ o pee yayami kaa kikɛ nɛ ɔ? Nɔ́ nɛ o pee nɛ ɔ, pi adesa nɛ o ye lakpa, se Mawu!”

Romabi 13:2

Lɔ ɔ he ɔ, nɔ tsuaa nɔ nɛ teɔ si kɛ siɔ blɔ nya nɛ ɔ, Mawu blɔ nya tomi ɔ e nɛ ngɛ si tee kɛ ngɛ woe ɔ nɛ; nɛ nɔ tsuaa nɔ nɛ peeɔ ja a, Mawu maa gbla e tue.

1 Korintobi 10:10

Wa ko tu munyu huitihuiti kaa bɔ nɛ a ti ni komɛ pee, nɛ bɔfo nɔ́ puɛlɔ ɔ kpata a hɛ mi ɔ.

1 Korintobi 3:5

Mɛnɔ ji Apolo ɔ? Imi Paulo hu, mɛnɔ ji mi? Mawu tsɔli kɛkɛ ji wɔ, nɛ wa nɔ lɛ nyɛ gu kɛ he Kristo ye. Nyɔmtsɛ ɔ ha wa ti nɔ tsuaa nɔ ní tsumi pɔtɛɛ nɛ wa tsu.

Yuda 1:16

Daa nɛ ɔ, nimli nɛ ɔmɛ ngɛ munyu huitihuiti tue kɛ ngɛ bee; nɔ́ muɛ a hɛ gblegbleegble. Mɛ nitsɛmɛ a he akɔnɔ yayahi a se nɛ a dii. A fĩaa; a peeɔ nya puu, nɛ a gbee nihi a yi mi, konɛ a kɛ na ni ɔmɛ a he blɔ.

Samuel I, 8:7

nɛ Yawɛ de lɛ ke, “Nɔ́ tsuaa nɔ́ nɛ ma a bi mo ɔ, moo pee ha mɛ. Pi mo nɛ a kua a; imi mohu nɛ a kua ke ma ko ye a nɔ matsɛ ɔ nɛ.