Mose IV, 16:1 - BAIBLO ALOO NGMAMI KLƆUKLƆU Ɔ

^1-2 Ligbi ko ɔ, Izhar binyumu Kora, nɛ je Kohat we puɔ nya ngɛ Levi wɛtso ɔ mi ɔ, ya dɔ nihi ngɔ piɛ e he, nɛ a te si ngɔ wo Mose. Ni ɔmɛ a kpɛti nyumuhi etɛ je Ruben wɛtso ɔ mi. Mɛ ji Eliab binyumuhi Datan, kɛ Abiram, kɛ Pelet binyumu On. Israel bi kpahi lafa enyɔ kɛ nyingmi enuɔ piɛ a he. Nimli nɛ ɔmɛ ji ma nimeli nɛ a le mɛ saminya, nɛ ma a hla mɛ.

Mose IV, 16:1 ပူးပေါင်းရင်းမြစ်များ

La 106:16

Ngɛ nga a nɔ ɔ, ni ɔmɛ a hɛ kɔ̃ Mose nɔ, kɛ jehanɛ Aaron, Yawɛ tsɔlɔ klɔuklɔu ɔ.

Mose II, 6:16

Levi binyumu ɔmɛ a biɛhi ngɛ a fɔmi nya ji nɛ ɔmɛ nɛ: Gershon, Kohat, kɛ Merari. Levi ye jeha 137.

Mose II, 6:18

Kohat binyumu ɔmɛ ji Amram, Izhar, Hebron, kɛ Uziel. Kohat wami ligbi tsuo ji jeha 133.

Mose II, 6:21

Izhar binyumu ɔmɛ ji Kora, Nefeg, kɛ Zikri.

Mose IV, 15:41

Imi ji Yawɛ, nyɛ Mawu ɔ nɛ; i je nyɛ kɛ je Egipt zugba a nɔ, konɛ ma ba pee nyɛ Mawu. Imi ji Yawɛ, nyɛ Mawu ɔ nɛ.”

Mose IV, 27:3

“Wa tsɛ gbo ngɛ nga a nɔ. Lɛɛ e piɛ we Kora se nyɛɛli ɔmɛ nɛ te si ngɔ wo Yawɛ ɔ a he; lɛ nitsɛ e yayami nɛ gbe lɛ. Se e be binyumu.

Mose V, 11:6

Nyɛ kai nɔ́ nɛ e pee Ruben wɛtso ɔ mi no Eliab binyumu ɔmɛ nɛ a tsɛɛ mɛ Datan kɛ Abiram ɔ. Nyɛ tsuo pɛpɛɛpɛ nyɛ hɛ mi nɛ zugba a mi gba nɛ e mii mɛ kɛ a weku li, kɛ a lohwehi tsuo.

Yuda 1:11

Musu tloo mɛ pɛ! A ya ngɔ Kain blɔ ɔ. Yayami nɛ Balaam pee ɔ, a ngɔ a he ya wo jamɛ a yayami ɔ mi ngɛ se nami he. A tsɔ atuã kaa bɔ nɛ Kora tsɔ atuã a, nɛ a hɛ mi kpata kaa lɛ.