Mose IV, 15:9 - BAIBLO ALOO NGMAMI KLƆUKLƆU Ɔ

⁹ niye ní bɔ nɛ á kɛ piɛ na ku ɔ he kɛ ba ji, ngma mamu bukɔbukɔ kilo etɛ nɛ a futu lɛ kɛ nu lita enyɔ,

Mose IV, 15:9 ပူးပေါင်းရင်းမြစ်များ

Kronika I, 21:23

Arauna de David ke, “Nɛnɛ, ngɔɔ nɛ o kɛ pee nɔ́ tsuaa nɔ́ nɛ o suɔ. Nahi nɛ o kɛ maa sã sami bɔ ɔ ji nɛ ɔmɛ nɛ. Jehanɛ, tsohi nɛ a saa ngma mi ngɛ a nɔ ɔ ji nɛ ɔmɛ, nɛ o kɛ pee lɛ́. Ngma hu ji nɛ ɔ nɛ o kɛ pee niye ní bɔ. I ngɔ ní nɛ ɔmɛ tsuo kɛ ke mo.”

Nehemia 10:33

Wɔ tsuo wa maa ngɔ ní nɛ ɔmɛ kɛ ba nɛ a kɛ sɔmɔ ngɛ Yawɛ we ɔ: abolo klɔuklɔu ɔ, niye ní bɔ nɛ a sãã daa ligbi ɔ, lohwehi nɛ a kɛ sãã bɔ daa ligbi ɔ, bɔ klɔuklɔu ɔmɛ nɛ a sãã Hejɔɔmi ligbi ɔmɛ ɔ, kɛ Nyɔhiɔhe nyami be ɔ, kɛ nyami be kpa amɛ a nɔ ɔ. Wa ma ha níhi nɛ a kɛ sãã bɔ klɔuklɔu kpa amɛ hulɔ kaa yayami pami bɔ nɛ a kɛ kpataa Yawɛ ha Israel kikɛ nɛ ɔ, kɛ nɔ́ ko saisaa nɛ he hia nɛ a kɛ ma sɔmɔ ngɛ wa Mawu ɔ we ɔ.

Ezekiel 42:13

Kɛkɛ nɛ nyumu ɔ de mi ke, “Tsu enyɔ nɛ ɔmɛ ngɛ klɔuklɔu. Osɔfohi nɛ baa Yawɛ we ɔ, tsu nɛ ɔmɛ a mi a yeɔ bɔ klɔuklɔu pe kulaa a ngɛ. Tsu nɛ ɔmɛ ngɛ klɔuklɔu, nɛ a mi nɛ osɔfo ɔmɛ toɔ bɔ klɔuklɔu pe kulaa nɛ ɔmɛ ngɛ: niye ní bɔ, yayami pami bɔ, kɛ fɔ yemi bɔ.

Ezekiel 46:11

Nyami be tsuaa nyami be nɛ a maa sã niye ní bɔ ɔ, blɛfo lita nyɔngma kɛ kpaago kɛ fa nɛ piɛ na ku kake he, nɛ lita nyɔngma kɛ kpaago kɛ fa nɛ piɛ agbosu kake he, se jijɔ ɔmɛ a nɔ́ ɔ lɛɛ a ha blɛfo ɔ bɔ nɛ a suɔ, nɛ a ngɔ oliv nu lita etɛ kɛ piɛ he kɛ ba.

Ezekiel 46:15

A ngɔ jijɔ ɔ, ma a, kɛ oliv nu ɔ kɛ sã bɔ ha imi Yawɛ daa ligbi.”

Ezekiel 46:5

E ngɔ blɛfo lita nyɔngma kɛ kpaago kɛ fa kɛ piɛ agbosu ɔ he, se jijɔ ɔmɛ lɛɛ e ngɔ blɛfo ɔ bɔ nɛ e suɔ kaa e ma ha kɛ piɛ lohwe ɔmɛ a he kɛ ba sã bɔ ɔ. Oliv nu lita etɛ nɛ piɛ blɛfo lita nyɔngma kɛ kpaago kɛ fa he kɛ ba.

Ezekiel 46:7

Blɛfo lita nyɔngma kɛ kpaago kɛ fa nɛ piɛ na ku ɔ he, nɛ lita nyɔngma kɛ kpaago kɛ fa nɛ piɛ agbosu ɔ hu he, se jijɔ ɔmɛ a nɔ́ ɔ lɛɛ e ha blɛfo ɔ bɔ nɛ e suɔ, nɛ e ngɔ oliv nu lita etɛ kɛ piɛ he kɛ ba sã niye ní bɔ.

Yoel 1:9

Niye ní kɛ wai nɛ a kɛ ba sãã bɔɔ se po ngɛ Yawɛ we ɔ mi; lɔ ɔ he ɔ, osɔfo ɔmɛ nɛ sɔmɔɔ ngɛ Yawɛ we ɔ ngɛ kɔmɔ yee.

Yoel 2:14

Alini, Yawɛ, nyɛ Mawu ɔ, ma tsake e susumi ngɛ nyɛ he, nɛ e maa gbaa nyɛ kɛ niba ní babauu. Ke e ba mi ja a, nyɛ maa sã niye ní bɔ ha lɛ, nɛ nyɛ maa ngɔ wai kɛ piɛ he.

Mose III, 14:10

Ligbi nɛ ji kpaanyɔ ɔ, é ngɔ agbosu enyɔ nɛ kpa ko be a he, kɛ jijɔ yo nɛ ye jeha kake, nɛ lɛ hu kpa ko be e he, kɛ níye ní bɔ mamu bukɔbukɔ kilo etɛ nɛ a kɛ nu futu mi, kɛ nu lita fa kɛ ba.

Mose III, 6:14

Niye ní bɔ sami he mlaahi ji nɛ ɔmɛ nɛ. Aaron bimɛ ɔmɛ a ti nɔ kake nɛ ji osɔfo nɛ ngɔ niye ní bɔ ɔ kɛ ba ha Yawɛ ngɛ bɔ sami la tɛ ɔ hɛ mi.

Mose III, 7:37

Mlaahi nɛ ngɛ kɛ ha sami bɔ, niye ní bɔ, yayami pami bɔ, fɔ yemi bɔ, osɔfo womi bɔ, kɛ tue mi jɔmi bɔ ji nɛ ɔmɛ nɛ.

Mose IV, 15:10

kɛ wai lita enyɔ. Enɛ ɔ ji bɔ nɛ a kɛ la sãã, nɛ jeɔ via kɛ haa Yawɛ.

Mose IV, 15:8

Ke nyɛɛ kɛ na ku ma sami bɔ, loo si womi nɔ yemi bɔ, loo tue mi jɔmi bɔ sami ha Yawɛ ɔ,

Mose IV, 28:12

Nyɛɛ ngɔ ngma mamu bukɔbukɔ kilo etɛ nɛ a futu lɛ kɛ nu, nɛ a kɛ pee ngma bɔ kɛ piɛ na ku fɛɛ na ku he. Nyɛɛ ngɔ ngma mamu bukɔbukɔ kilo enyɔ nɛ a futu lɛ kɛ nu, nɛ a kɛ pee ngma bɔ kɛ piɛ agbosu kake ɔ he.

Mose IV, 28:14

Wai bɔ nɛ a kɛ maa piɛ he ji wai kilo enyɔ kɛ ha na ku kake, wai lita kake kɛ fa kɛ ha agbosu ɔ, kɛ wai lita kake kɛ ha jijɔ ku kake ɔ. Sami bɔ he mlaa kɛ ha nyɔhiɔ tsuaa nyɔhiɔ ngɛ jeha kake mi ji nɛ ɔ nɛ.

Mose IV, 29:6

Nyɛɛ sã bɔ nɛ ɔmɛ kɛ piɛ daa Nyɔhiɔhe kekleekle ligbi sami bɔ ɔ, kɛ ngma bɔ ɔ a he; slo daa sami bɔ ɔ, kɛ e he ngma bɔ ɔ, kɛ e he wai bɔ ɔ ngɛ a blɔ nya blɔ nya. Enɛ ɔmɛ maa pee bɔhi nɛ a kɛ la sãã, nɛ jee via, nɛ saa Yawɛ hɛ mi.

Samuel I, 1:24

Benɛ e tsɔ lɛ nyɔ se ɔ, e ngɔ lɛ kɛ ho Yawɛ we ɔ ya ngɛ Shilo. E ngɔ na ku kake nɛ ye jeha etɛ, ngma mamu kilo nyɔngma, kɛ wai lohwe he womi tɔ kake kɛ ho.