Mose IV, 15:41 - BAIBLO ALOO NGMAMI KLƆUKLƆU Ɔ

⁴¹ Imi ji Yawɛ, nyɛ Mawu ɔ nɛ; i je nyɛ kɛ je Egipt zugba a nɔ, konɛ ma ba pee nyɛ Mawu. Imi ji Yawɛ, nyɛ Mawu ɔ nɛ.”

Mose IV, 15:41 ပူးပေါင်းရင်းမြစ်များ

Hebribi 11:16

Mohu ɔ, ma ko nɛ hi kulaa pe lɔ ɔ, nɛ ji ma nɛ ngɛ hiɔwe ji nɔ́ nɛ a ngɛ hlae. Lɔ ɔ he ɔ, e pee we Mawu zo kaa a ma tsɛ lɛ ke a Mawu; ejakaa e dla ma ko ngɔ to mɛ.

La 105:45

E pee enɛ ɔ, konɛ a kai e mlaa amɛ, nɛ a ye nɔ. A je Yawɛ yi!

Mose III, 25:38

Mlaa nɛ Yawɛ, nyɛ Mawu ɔ ngɛ nyɛ woe ji nɛ ɔ nɛ. Yawɛ, nyɛ Mawu ɔ je nyɛ kɛ je Egipt zugba a nɔ, konɛ e ngɔ Kanaan zugba a ngɔ ha nyɛ, nɛ e pee nyɛ Mawu.

Mose III, 22:33

I je nyɛ kɛ je Egipt zugba a nɔ, konɛ ma pee nyɛ Mawu. Imi ji Yawɛ.”

Mose IV, 15:40

Deke ɔmɛ ma ha nyɛ ma kai ye mlaa amɛ tsuo, nɛ nyɛ maa ye a nɔ, konɛ nyɛɛ pee nyɛ he klɔuklɔu kɛ ha nyɛ Mawu ɔ.

Mose IV, 16:1

Ligbi ko ɔ, Izhar binyumu Kora, nɛ je Kohat we puɔ nya ngɛ Levi wɛtso ɔ mi ɔ, ya dɔ nihi ngɔ piɛ e he, nɛ a te si ngɔ wo Mose. Ni ɔmɛ a kpɛti nyumuhi etɛ je Ruben wɛtso ɔ mi. Mɛ ji Eliab binyumuhi Datan, kɛ Abiram, kɛ Pelet binyumu On. Israel bi kpahi lafa enyɔ kɛ nyingmi enuɔ piɛ a he. Nimli nɛ ɔmɛ ji ma nimeli nɛ a le mɛ saminya, nɛ ma a hla mɛ.

Mose II, 6:7

Ma ngɔ nyɛ kɛ pee imi nitsɛ ye ma, nɛ ma pee nyɛ Mawu; nɛ nyɛ maa le kaa imi ji Yawɛ Mawu, nɔ nɛ je Egipt bi ɔmɛ a tlomi ɔmɛ kɛ je nyɛ nɔ ɔ.