Mose IV, 15:31 - BAIBLO ALOO NGMAMI KLƆUKLƆU Ɔ

³¹ Akɛnɛ e bui Yawɛ munyu ɔ tue, nɛ e ya tɔ e mlaa a nɔ he je ɔ, a je lɛ we pɛsɛpɛsɛ; e musu nɛ tloo lɛ.”

Mose IV, 15:31 ပူးပေါင်းရင်းမြစ်များ

Abɛ Womi 13:13

Nɔ nɛ bui ga womi tue ɔ, lɛ nitsɛ e hɛ mi lɛ ma kpata. Nɔ nɛ yeɔ mlaa gbeye ɔ, e maa ye e he.

Samuel II, 12:9

Mɛni he je mɔ nɛ o tɔ Yawɛ mlaa a nɔ, nɛ o pee yayami kaa kikɛ nɛ ɔ ngɛ e hɛ mi? O ha Amon bi ɔmɛ gbe Uria, Hit no ɔ ngɛ ta nga a nɔ, nɛ o ngɔ e yo ɔ kɛ ba pee o yo!

Ezekiel 18:20

Nɔ nɛ peeɔ yayami ɔ, lɛ nɔuu lɛ ma gbo. Bi be nɔ́ nae ngɛ e tsɛ yayamihi a he, nɛ tsɛ hu be nɔ́ nae ngɛ yayamihi nɛ e bi pee ɔ a he. Nɔ nɛ peeɔ nɔ́ nɛ da a ma na hiɔwo kpakpa, se nɔ nɛ peeɔ yayami ɔ, a maa gbla e tue ngɛ yayamihi nɛ e pee ɔ a he!

1 Tesalonikabi 4:8

Lɔ ɔ he ɔ, nɔ tsuaa nɔ nɛ bui tsɔɔmi nɛ ɔ, pi nɔmlɔ adesa nɛ e bui, se mohu Mawu, nɔ nɛ ha nyɛ e Mumi Klɔuklɔu ɔ.

La 119:126

Yawɛ, nihi ngɛ o mlaa a tɔ̃e; be su nɛ o maa pee he nɔ́ ko.

Mose III, 5:1

Ke a tsɛ nɔ ko ke e ba ye odase ngɛ sane yemi he, nɛ nɔ ɔ de we nɔ́ nɛ e na, loo e le ngɛ munyu ɔ he ɔ, e pee yayami; a gbla e tue.

2 Petro 2:21

Afani nɔ́ nɛ a na we nɛ a le Kristo, pe nɛ a le lɛ, nɛ pee se ɔ, a je mlaa klɔuklɔu ɔ nɛ a ha mɛ ɔ he.

1 Petro 2:24

Kristo nitsɛ tloo wa he yayami ɔmɛ, nɛ e nɔmlɔ tso ɔ na nɔ́ ngɛ sɛumi tso ɔ nɔ. E pee enɛ ɔ, konɛ wa ko ngɔ wa he ngɔ ha yayami hu, se mohu waa ba wa je mi bɔ nɛ sa. E pa amɛ lɛ tsa nyɛ ɔ nɛ.

Yesaya 53:6

Wɔ tsuo wa ngɛ kaa tohi nɛ laa blɔ; nɔ tsuaa nɔ ngɔ lɛ nitsɛ e blɔ. Se tue gblami nɛ sa wɔ tsuo ɔ, Yawɛ ngɔ kɛ ha lɛ.

Yesaya 30:12

Se bɔ nɛ Israel Mawu klɔuklɔu ɔ ngɛ dee ji nɛ ɔ nɛ: “Nyɛ bui nɔ́ nɛ i ngɛ nyɛ dee ɔ, nɛ nyɛ ngɔ nyɛ hɛ ngɔ fɔ basabasa peemi, kɛ sisimi nɔ.

La 38:4

Ye yayami ɔmɛ pee kaa tlomi nɛ i tloo; a pee kaa tlomi nɛ jiɔ tsɔ, nɛ ngɛ mi gbee.

Mose III, 26:43

Kekleekle ɔ, ja a je zugba a nɔ, nɛ zugba a jɔɔ e he kulaa. Lɔ ɔ se ɔ, ja a kplɛ, nɛ a gbla a tue saminya kaa a kua ye mlaa amɛ, kɛ ye blɔ nya tomi ɔmɛ.

Mose III, 26:15

ke nyɛ be ye mlaa amɛ, blɔ nya tomi ɔmɛ, kɛ somi nɛ i kɛ nyɛ so ɔ a nɔ yee ɔ,

La 107:11

ejakaa a tsɔ Hiɔwe No Mawu ɔ hɛ mi atuã, nɛ a bui e munyu, kɛ e ga womi ɔmɛ fɛɛ.

Mose II, 30:33

Nɔ tsuaa nɔ nɛ maa pee nu ɔ eko nɛ ngɛ kaa lɔ ɔ, aloo nɔ tsuaa nɔ nɛ maa ngɔ nu nɛ ɔ eko kɛ pɔ nɔ ko nɛ pi osɔfo ji lɛ ɔ, á je lɛ we, nɛ a ko bu lɛ ngɔ si ye ma mi bi ɔmɛ a nɔ hu.’ ”

Mose IV, 9:13

Se nɔmlɔ nɛ he tsɔ, nɛ e hiɛ blɔ hulɔ, nɛ e kua Hetsɔmi ɔ yemi ɔ, jamɛ a nɔ ɔ lɛɛ a je lɛ we kɛ je e ma mi bi ɔmɛ a kpɛti; ejakaa e kɛ Yawɛ nike ní ɔ bɛ be nɛ a to ɔ. Nɔmlɔ nɛ ɔ, lɛ nitsɛ e musu maa tloo lɛ.

Mose V, 17:12

Se nɔ nɛ ma tsɔ atuã kɛ si kojolɔ, loo osɔfo ɔ nɛ ngɛ sɔmɔe jamɛ a be ɔ mi ɔ, nyɛɛ gbe lɛ; kikɛmɛ a blɔ nɛ ɔ nɔ nyɛɛ gu kɛ je yayami kɛ je Israel ma a mi.

Samuel I, 3:14

Lɔ ɔ he ɔ, i ngɛ Eli kɛ e we mi bi ɔmɛ kita kae kaa yayami agbo nɛ a pee nɛ ɔ, a kɛ sami bɔ, loo niye ní bɔ ko be nyɛe ma kpata mi kɔkɔɔkɔ.”