Mose IV, 15:30 - BAIBLO ALOO NGMAMI KLƆUKLƆU Ɔ

³⁰ “Se ke nɔ ko je blɔ pee yayami ko ɔ, zugba a nɔ fɔmi bi ji lɛ jio, nubwɔ ji lɛ jio, nɔ ɔ bɔ Yawɛ ahlua; a je lɛ kɛ je e ma mi bi ɔmɛ a kpɛti.

Mose IV, 15:30 ပူးပေါင်းရင်းမြစ်များ

Hebribi 10:26

Amlɔ nɛ ɔ nɛ wa na le anɔkuale ɔ nɛ kɔɔ sane kpakpa a he ɔ, ke wa je blɔ ngɛ yayami pee kɛ mwɔɔ ɔ, bɔ kpa ko be nɛ a maa sã kɛ je yayami ɔ.

La 19:13

Yawɛ, moo bu ye he, nɛ ma ko jé ye hɛ mi paa kɛ pee yayami; ko ha nɛ jamɛ a yayami ɔmɛ nɛ a ye ye nɔ. Ja jã loko ye he ma tsɔ kɛ pi si, nɛ i be ye he ngɔe kɛ wo yayami nguahi a mi.

Mose V, 1:43

Bɔ nɛ i de nyɛ ji nɛ ɔ nɛ; se nyɛ bui tue. Nyɛ tsɔ Yawɛ hɛ mi atuã; nyɛ si nyɛ gugue, nɛ nyɛ kuɔ kɛ ho yo ɔ nɔ ya.

Hebribi 10:29

Lɛɛ nɔ ko nɛ hia nane kɛ si Mawu Bi ɔ, nɛ Kristo muɔ nɛ a kɛ sɔu somi ɔ nya kɛ tsu e he ɔ, e buu lɛ kaa yaka nɔ́ ko kɛkɛ, nɛ jehanɛ hu, e wo Mawu mumi ɔ mi mi la a, kɛ a maa pee lɛ kɛɛ? Anɛ e sɛ́ kaa a gblaa e tue wawɛɛ pe jã lo?

Mateo 12:32

Nɔ tsuaa nɔ nɛ maa tu munyu kɛ si Nɔmlɔ Bi ɔ, a kɛ maa pa lɛ. Se nɔ nɛ maa tu munyu kɛ si Mumi Klɔuklɔu ɔ, a kɛ be lɛ pae ngɛ yi nɔ nɛ ɔ, aloo yi nɔ nɛ maa ba a mi.

2 Petro 2:10

Nimli nɛ ɔmɛ a ti nihi pɔtɛɛ ji ni nɛmɛ nɛ ya nyɛɛɔ he lo mi akɔnɔ yaya se, se Mawu mlaa a lɛɛ a bui. Kikɛmɛ a lakpa tsɔɔli nɛ ɔmɛ a tsui wa; a woɔ a he nɔ, nɛ nibɔ ní kpakpahi nɛ ngɛ hiɔwe po a bui; se mohu a jɛɔ mɛ.

La 89:51

Yawɛ, nɔmlɔ nɛ o pɔ lɛ nu ɔ, hyɛ kaa o he nyɛli ɔmɛ ngɛ lɛ ahlua bɔe! He tsuaa he nɛ e gu, kɛkɛ jɛmi nyɛɛ e se.

La 79:12

Nyɔmtsɛ, je mahi tsuo nɛ ye o he fɛu ɔ, gbla a tue si kpaago kɛ to nɔ́ nɛ a pee ɔ nya.

La 74:22

Mawu, wo o he nɔ nɛ o kɛ wa he nyɛli ɔmɛ nɛ to ní. Mo kai kaa nihi nɛ li mo Mawu ɔ, a yeɔ o he fɛu daa nɛ.

La 74:18

Se Yawɛ mo kai kaa o he nyɛli ɔmɛ muɔɔ mo; nimli nɛ li Mawu ngɛ o biɛ he guɛ gbee.

Mose IV, 9:13

Se nɔmlɔ nɛ he tsɔ, nɛ e hiɛ blɔ hulɔ, nɛ e kua Hetsɔmi ɔ yemi ɔ, jamɛ a nɔ ɔ lɛɛ a je lɛ we kɛ je e ma mi bi ɔmɛ a kpɛti; ejakaa e kɛ Yawɛ nike ní ɔ bɛ be nɛ a to ɔ. Nɔmlɔ nɛ ɔ, lɛ nitsɛ e musu maa tloo lɛ.

Mose II, 21:14

Se ke nɔ ko mi mi fu nɛ e dɔ ya tua e nyɛmi nɛ e gbe lɛ ɔ, lɛɛ ke e tu fo ya sa we ngɛ ye bɔ sami la tɛ ɔ he po, a nu lɛ nɛ a gbe lɛ.

Abɛ Womi 14:31

Nɔ nɛ waa ohiatsɛ yi mi ɔ, Mawu ɔ nɛ bɔ ohiatsɛ ɔ e ngɛ jɛe ɔ nɛ. Se nɔ nɛ naa ni nɛmɛ nɛ e fi mɛ mɔbɔ ɔ, e ngɛ Mawu hɛ mi nyami woe.

La 69:9

Ejakaa ye hɛ dɔ wawɛɛ ngɛ o we ɔ he; nɛ ahlua nɛ ni ɔmɛ ngɛ mo bɔe ɔ ba pue ye nɔ.

Mose III, 20:10

Ke Israel no ko kɛ e nyɛmi Israel no e yo na bɔmi ɔ, a puɛ gba; á gbe nyumu ɔ kɛ yo ɔ tsuo.

Mose III, 20:6

“Ke nɔ ko je ye se nɛ e ya bi ní ngɛ klaali, kɛ kunya yeli a ngɔ ɔ, imi Mawu ɔ, ye hɛ maa dɔ kɛ wo lɛ, nɛ ma je lɛ we; a be lɛ bue ngɔ si ye ma a mi bi ɔmɛ a nɔ hu.

Mose III, 20:3

Ke nɔ ko ngɔ e bi kɛ ha Molek, nɛ e kɛ nɔ́ nɛ ɔ ble ye bo tsu klɔuklɔu ɔ, nɛ e kɛ puɛ ye biɛ klɔuklɔu ɔ, ye hɛ maa dɔ kɛ wo jamɛ a nɔ ɔ, nɛ ma je lɛ we; a be lɛ bue ngɔ si ye ma a mi bi ɔmɛ a nɔ hu.

Mose I, 17:14

Nyumu tsuaa nyumu nɛ a pui lɛ ɔ, a je lɛ we nɛ a ko bu lɛ ngɔ piɛ ye ma mi bi ɔmɛ a he hu, ejakaa e yi ye somi ɔ nɔ.”

1 Yohane 5:16

Ke o na o nyɛmi nɛ ngɛ yayami pee, nɛ pi yayami nɔ́ nɛ ma ha nɛ e hɛ mi nɛ kpata a, moo fa kue ha Mawu, konɛ e ha lɛ wami. Nihi tsuo nɛ peeɔ yayami nɔ́ nɛ ha we nɛ nɔ hɛ mi kpataa a, enɛ ɔ kɔɔ a he. Se yayami ngɛ nɛ haa nɔ hɛ mi kpataa, nɛ lɔ ɔ lɛɛ i de we ke nyɛɛ fa kue ha Mawu ngɛ he.

Mose IV, 15:29

Mlaa kake ɔ nɔuu ngɛ kɛ ha nɔ tsuaa nɔ nɛ li e he be nɛ e ya pee yayami ko, Israel fɔmi bi jio, nɔ kpa ko nɛ ba to nyɛ nubwɔ jio.

Mose V, 32:27

Se i be blɔ ngmɛe nɛ a he nyɛli ɔmɛ nɛ a fĩa ke mɛ lɛ a ye ye ma a nɔ, be mi nɛ imi, Yawɛ nitsɛ nɛ i kpata a hɛ mi.’

Samuel I, 2:25

Ke nɔ ko pee e nyɛmi adesa yayami ɔ, Mawu maa da mi ha lɛ; se ke nɔ ko pee yayami kɛ si Yawɛ ɔ, mɛnɔ maa da mi ha lɛ?” Se a bui a tsɛ ɔ munyu ɔmɛ tue; ejakaa Yawɛ to momo kaa e maa gbe mɛ.

Hiob 38:15

Piani la nya wa tsɔ ha yayami peeli. E tsiɔ mɛ blɔ nɛ a nyɛ we nɛ a tsuɔ yi wu tso ní.

Ezekiel 20:27

“Lɔ ɔ he ɔ, nɔmlɔ adesa, de Israel bi ɔmɛ ke bɔ nɛ imi Nyɔmtsɛ Yawɛ, i ngɛ mɛ dee ji nɛ ɔ nɛ. Enɛ ɔ mi hu nyɛ nɛmɛ ɔmɛ bɔ musu kɛ si mi; a yi mi anɔkuale.

Mose II, 30:33

Nɔ tsuaa nɔ nɛ maa pee nu ɔ eko nɛ ngɛ kaa lɔ ɔ, aloo nɔ tsuaa nɔ nɛ maa ngɔ nu nɛ ɔ eko kɛ pɔ nɔ ko nɛ pi osɔfo ji lɛ ɔ, á je lɛ we, nɛ a ko bu lɛ ngɔ si ye ma mi bi ɔmɛ a nɔ hu.’ ”

Samuel I, 3:14

Lɔ ɔ he ɔ, i ngɛ Eli kɛ e we mi bi ɔmɛ kita kae kaa yayami agbo nɛ a pee nɛ ɔ, a kɛ sami bɔ, loo niye ní bɔ ko be nyɛe ma kpata mi kɔkɔɔkɔ.”