Mose IV, 15:25 - BAIBLO ALOO NGMAMI KLƆUKLƆU Ɔ

²⁵ Osɔfo ɔ maa da Israel ma kpekpemi ɔ tsuo nane mi, nɛ e maa pee kusumi kɛ kpata Yawɛ. A maa ngɔ a he yayami ɔmɛ ngɔ pa mɛ; ejakaa a li nɛ a pee. Enɛ ɔ he hu lɛ a ngɔ yayami pami bɔ ɔ, kɛ niye ní bɔ ɔ kɛ ba ha Yawɛ kaa a li nɛ a pee.

Mose IV, 15:25 ပူးပေါင်းရင်းမြစ်များ

Mose III, 4:20

É pee na ku nɛ ɔ kaa bɔ nɛ e pee nɔ́ nɛ a kɛ ba sã yayami pami bɔ ɔ pɛpɛɛpɛ. Bɔ nɛ osɔfo ɔ maa pee nɛ e kɛ kpata Mawu ha ma a, nɛ a kɛ a he yayami maa pa mɛ ji nɛ ɔ nɛ.

Hebribi 2:17

Enɛ ɔ tsɔɔ kaa blɔ tsuaa blɔ nɔ ɔ, e hia kaa Yesu nɛ pee kaa e nyɛmimɛ ɔmɛ. Kɛkɛ ɔ, e maa pee osɔfo nɔkɔtɔma pe kulaa anɔkualetsɛ, kɛ mɔbɔ nalɔ nɛ ngɛ Mawu sɔmɔe, nɛ e kɛ e he nɛ sã kpatami bɔ, konɛ Mawu nɛ ngɔ a he yayamihi kɛ pa mɛ.

Romabi 3:25

Mawu ngɔ Kristo ngɔ ha, konɛ kɛ gu Yesu Kristo gbenɔ ɔ nɔ ɔ, Mawu nɛ ngɔ nihi nɛ he ye ɔ a he yayami kɛ pa mɛ. Mawu pee enɛ ɔ kɛ tsɔɔ kaa dalɔ ji lɛ. Sa a, e to e tsui si ha nimli tsuo, nɛ e ku e hɛ fɔ a he yayami ɔmɛ a nɔ; konɛ jehanɛ ɔ a na kaa nɔ́ nɛ da pɛ e peeɔ; nɛ nɔ tsuaa nɔ nɛ heɔ Yesu yeɔ ɔ, Mawu woɔ lɛ nguɔ.

1 Yohane 2:2

Nɛ Kristo ɔ ji nɔ nɛ a kɛ pee kpatami kɛ je wa he yayami ɔmɛ; pi wɔ kɛkɛ, se je ɔ tsuo he yayami.

Luka 23:34

Nɛ Yesu de ke, “Tsaatsɛ, kɛ pa mɛ! A li nɔ́ nɛ a ngɛ pee ɔ.” Kɛkɛ nɛ a fɔ sɔ kɛ dla e tade ɔmɛ.]

Mose III, 4:26

Se e zɔ ɔ tsuo lɛɛ, é sã ngɛ bɔ sami la tɛ ɔ nɔ. Lohwehi nɛ a gbee nɛ a kɛ sãã tue mi jɔmi bɔ ɔ, kikɛ nɛ ɔ nɔuu nɛ a sãã a zɔ ɔ nɛ. Bɔ nɛ osɔfo ɔ maa pee kɛ kpata Mawu ha nɔ yelɔ ɔ, konɛ a kɛ e he yayami nɛ pa lɛ ji nɛ ɔ nɛ.

Hebribi 9:7

Se bo tsu enyɔne ɔ lɛɛ osɔfo nɔkɔtɔma pe kulaa a pɛ lɛ yaa lejɛ ɔ si kake ngɛ jeha mi. Pohu ja e hɛɛ lohwe muɔ kɛ ya ngɛ yayami nɛ lɛ nitsɛ e pee, kɛ yayamihi nɛ ma a li a he be nɛ a pee ɔ a he.

Mose V, 21:21

Jehanɛ, ma a mi nyumu ɔmɛ nɛ a fiaa lɛ tɛ nɛ e gbo; kɛkɛ ɔ, o ma je yayami nɛ ɔ kɛ je nyɛ kpɛti. Nɔ tsuaa nɔ ngɛ Israel maa nu nɔ́ nɛ ba a, nɛ a maa ye gbeye.

Fiɛlɔ 5:6

Ko ha nɛ mo nitsɛ o nya mi munyu nɛ bu mo fɔ, nɛ o ba ye pɔpu, nɛ o de Mawu we osɔfo ɔ ke o nɔ́ be mi. Mɛni he je lɛ o ma ha nɛ Mawu mi mi nɛ fu mo? Níhi nɛ o gbo a he dengme ɔ, mɛni he je o ma ha nɛ Mawu nɛ kpata a hɛ mi?

Mose III, 4:31

É je zɔ ɔ tsuo kaa bɔ nɛ a jeɔ zɔ ngɛ lohwe nɛ a gbe kɛ ha tue mi jɔmi bɔ sami ɔ mi pɛpɛɛpɛ. Osɔfo ɔ nɛ sã lɛ tsuo ngɛ bɔ sami la tɛ ɔ nɔ, nɛ́ é je via ha Yawɛ. Bɔ nɛ osɔfo ɔ maa pee kɛ sã bɔ, nɛ e kɛ ma kpata Mawu ha nɔ ɔ, konɛ a kɛ e he yayami nɛ pa lɛ ji nɛ ɔ nɛ.

Mose III, 4:35

É je e zɔ ɔ tsuo kaa bɔ nɛ a jeɔ zɔ ngɛ jijɔ nɛ a gbee kɛ sãã tue mi jɔmi bɔ he ɔ. Lɔ ɔ se ɔ, osɔfo ɔ nɛ sã zɔ ɔ kɛ piɛ bɔ nɛ a kɛ la sãã ha Yawɛ ngɛ bɔ sami la tɛ ɔ nɔ ɔ he. Bɔ nɛ osɔfo ɔ maa pee kɛ kpata Mawu ha nɔ ɔ, konɛ a kɛ e he yayami nɛ pa lɛ ji nɛ ɔ nɛ.

Mose III, 15:15

Osɔfo ɔ maa ngɔ kake kɛ sã yayami pami bɔ, nɛ e maa ngɔ kake hu kɛ sã sami bɔ kɛ kpata Yawɛ ha lɛ ngɛ nyu yaya nɛ be ngɛ e he ɔ he.