Mose IV, 15:21 - BAIBLO ALOO NGMAMI KLƆUKLƆU Ɔ

²¹ Ngɛ nyɛ yi nɔhi tsuo pɛpɛɛpɛ ɔ, nyɛ maa ngɔ nyɛ kekleekle ma nɛ ɔ mi eko kɛ ba ha Yawɛ kaa nyɛ nike ní klɛdɛɛ.

Mose IV, 15:21 ပူးပေါင်းရင်းမြစ်များ

Mose II, 29:28

Ní nɛ ɔmɛ maa pee Aaron kɛ e binyumu ɔmɛ a blɔ nya ní; ejakaa e ji mlaa nɛ fɔɔ si kɛ yaa neneene kaa ke Israel bi ɔmɛ ba sã bɔ ɔ, lohwe ɔ gugue, kɛ e fiɔ ɔ nɛ pee osɔfo ɔmɛ a nɔ́. Enɛ ɔ ji nike ní nɛ ma a kɛ ba ke Yawɛ.

Mose IV, 18:26

e de Levi bi ɔmɛ ke, “Ke nyɛ nine su Israel bi ɔmɛ a níhi a mi dlami nyɔngmanyɔngma mi kakaaka a nɛ Yawɛ kɛ ha nyɛ kaa nyɛ weto ní ɔ nɔ ɔ, nyɛ hu nyɛɛ ngɔ mi dlami nyɔngma mi kake nɛ ɔ hu mi dlami nyɔngma mi kake kɛ ba ha mi kaa nike ní klɛdɛɛ.

Mose III, 23:14

Nyɛ ko ye blɛfo kpokploku, loo blɛfo nɛ a sã, loo abolo kɛ yaa si be nɛ nyɛ maa ngɔ nyɛ Mawu ɔ bɔ kɛ ba ha lɛ. Enɛ ɔ ji mlaa nɛ maa fɔ si kɛ ha nyɛ yi nɔ ɔmɛ tsuo ngɛ nyɛ hi he ɔmɛ tsuo kɛ yaa neneene.

Mose IV, 15:20

Nyɛɛ ngɔ nyɛ kekleekle ma a kɛ sã abolo, nɛ nyɛɛ ngɔ kɛ ba Yawɛ hɛ mi kaa nike ní klɛdɛɛ. Bɔ nɛ nyɛ ngɔɔ blɛfo he nɛ nyɛ kpɔ ba haa Yawɛ kaa nike ní klɛdɛɛ ɔ, ja nɔuu nyɛɛ pee enɛ ɔ hulɔ.

Mose IV, 15:22

“Alini mlaa amɛ tsuo nɛ Yawɛ ngɔ kɛ ha Mose ɔ, nyɛ ma ya tɔ ekomɛ a nɔ.

Ezekiel 44:30

Tso yiblii tsuaa tso yiblii kekleekle nɔ́, kɛ ní slɔɔtohi nɛ nyɛɛ kɛ ma ba sã bɔ ha mi ɔ a mi nɔ́ nɛ hi pe kulaa a peeɔ osɔfo ɔmɛ a nɔ́. Jehanɛ hu, ke a sã abolo ɔ, a ngɔ kekleekle nɔ́ nɛ a bɔ ɔ kɛ ba ha osɔfo ɔmɛ, konɛ ye gbaami nɛ hi we ɔmɛ a mi.

Mose II, 23:19

“Daa jeha a, ngɔɔ o zugba a nɔ kekleekle yiblii kɛ ba imi Yawɛ, o Mawu ɔ, ye we ɔ. “Koo hoo apletsi bi ngɛ e nyɛ nyɔ nyu mi.

Nehemia 10:38

Osɔfohi nɛ ji Aaron nina a, ke benɛ Levi bi ɔmɛ ngɛ mi dlami nyɔngmanyɔngma mi kakaaka amɛ tsue ɔ, a kɛ mɛ nɛ hi lejɛ ɔ. Levi bi ɔmɛ nɛ a ngɔ mi dlami nyɔngmanyɔngma mi kakaaka amɛ nɛ a bua nya a tsuo a mi dlami nyɔngma mi kake kɛ to ngɛ wa Mawu we ɔ nito he ɔmɛ.