Mose IV, 15:15 - BAIBLO ALOO NGMAMI KLƆUKLƆU Ɔ

¹⁵ Mlaa kake too maa pee mlaa ha ma a, kɛ nibwɔhi nɛ ngɛ nyɛ kpɛti ɔ kɛ yaa neneene. Ngɛ Yawɛ hɛ mi ɔ,

Mose IV, 15:15 ပူးပေါင်းရင်းမြစ်များ

Mose IV, 15:29

Mlaa kake ɔ nɔuu ngɛ kɛ ha nɔ tsuaa nɔ nɛ li e he be nɛ e ya pee yayami ko, Israel fɔmi bi jio, nɔ kpa ko nɛ ba to nyɛ nubwɔ jio.

Mose IV, 9:14

“Ke nubwɔ ko ba ngɛ nyɛ ma a mi nɛ e suɔ kaa e maa ye Hetsɔmi ɔ, e ye ngɛ Yawɛ blɔ nya tomi ɔ nya. Mlaa kake nɛ ɔ ngɛ kɛ ha nɔ tsuaa nɔ, nubwɔ jio, zugba a nɔ bi fɔfɔɛ jio.”

Mose II, 12:49

Mlaa kake too nɛ ɔ maa fɔ si ha we no kɛ nubwɔ tsuo.”

Galatabi 3:28

Enɛ ɔ he je ɔ, slɔɔto ko kulaa be nyɛ kpɛti hu: Yuda no be ɔ, Hela no be; nyɔguɛ be ɔ, odehe be; nyumu be ɔ, yo be. Nɛ́ nyɛ tsuo nyɛ ngɛ Kristo Yesu mi nɛ ɔ, nyɛ tsuo nyɛ peeɔ nɔ kake.

Samuel I, 30:25

David pee nɔ́ nɛ ɔ mlaa, nɛ a ngɛ nɔ yee ngɛ Israel kɛ je jamɛ a be ɔ kɛ ba si mwɔnɛ ɔ.

Mose IV, 10:8

Aaron bimɛ ɔmɛ, nɛ ji osɔfo ɔmɛ ji ni nɛmɛ nɛ ma kpa titimati ɔmɛ. “Mlaa nɛ maa fɔ si kɛ ha yi nɔhi tsuo pɛpɛɛpɛ kɛ yaa neneene ji nɛ ɔ nɛ.

Mose III, 24:22

Nubwɔ jio, ma a mi no jio, mlaa kake nɛ ngɛ ha nyɛ tsuo. Imi ji Yawɛ, nyɛ Mawu ɔ nɛ.”

Mose II, 12:43

Yawɛ de Mose kɛ Aaron ke, “Hetsɔmi nyami be ɔ he mlaahi ji nɛ ɔmɛ nɛ: ma je no ko ma je no ko kó ye Hetsɔmi niye ní ɔ.

Mose II, 12:24

Nyɛ maa ye blɔ nya tomi nɛ ɔ nɔ kaa mlaa nɛ fɔɔ si ha nyɛɛ kɛ nyɛ bimɛ kɛ yaa neneene.

Mose II, 12:14

Ligbi nɛ ɔ maa pee kaimi ligbi nguaa ha nyɛ, nɛ nyɛ maa ye ligbi ɔ kaa nyami be kɛ ha Yawɛ; nɛ enɛ ɔ maa pee mlaa nɛ fɔɔ si ha nyɛɛ kɛ nyɛ nina kɛ maa ya neneene.

Kolosebi 3:11

Ngɛ enɛ ɔ mi ɔ, slɔɔto ko be Hela no kɛ Yuda no a kpɛti; slɔɔto be nɔ nɛ a po lɛ, kɛ mɔmlɔtɔtsɛ a kpɛti. Kɔpe no be ɔ, futufutu no be; nyɔguɛ be ɔ, odehe ko hu be. Nɔ nɛ he hia ji Kristo; nɛ nɔ́ tsuaa nɔ́ nɛ hɛ ngɛ ɔ, Kristo ngɛ e mi.

Mose IV, 18:8

Yawɛ de Aaron ke, “O nɛ, imi nitsɛ i ngɔ Israel bi ɔmɛ a nike ní klɛdɛɛ ɔ nɛ a kɛ ba ha mi ɔ kɛ ngɛ o dɛ woe. I ngɔ mɛ kɛ ngɛ mo, kɛ o bimɛ tsuo hae kaa nyɛ blɔ nya nɛ fɔɔ si kɛ yaa neneene.

Mose IV, 15:14

Ke nubwɔ ko ba to nyɛ be kuku, aloo ke e ngɛ nyɛ kpɛti daa, nɛ e suɔ kaa e maa ngɔ niye ní bɔ nɛ jeɔ via haa Yawɛ kɛ ba a, lɛ hu e pee kaa bɔ nɛ nyɛ peeɔ ɔ nɔuu.

Mose II, 28:43

Aaron kɛ e binyumu ɔmɛ nɛ a wo fiɔ mi tade nɛ ɔmɛ be tsuaa be nɛ a ma kpe he bo tsu ɔ mi ɔ, aloo ke a ma sɔmɔmi ngɛ bɔ sami la tɛ ɔ he ngɛ he klɔuklɔu ɔ. Ke pi ja a, musu maa tloo mɛ nɛ a ma gbo. Enɛ ɔ nɛ pee mlaa nɛ fɔɔ si kɛ yaa neneene kɛ ha Aaron kɛ e weku kɛ nina.

Yoshua 8:33

Jehanɛ Israel tsuo pɛpɛɛpɛ, ma nimeli, ma nɔ hyɛli, kojoli, nibwɔhi, kɛ ma a mi bi ɔmɛ tsuo ya da si ngɛ somi daka a kasa nya hiɛ kɛ hiɛ, ngɛ Levi bi osɔfo ɔmɛ nɛ hɛɛ Yawɛ somi daka a a hɛ mi. Nihi fa plɛ a se ngɔ wo Gerizim yo ɔ, nɛ nihi fa hu plɛ a se ngɔ wo Ebal yo ɔ. Yawɛ tsɔlɔ Mose nɛ wo mɛ mlaa kaa a pee enɛ ɔ, ke a maa gbaa Israel ma a.

Ester 9:27

Yuda bi ɔmɛ wo mlaa nɛ fɔɔ si daa kɛ ha mɛ nitsɛmɛ, kɛ a nina, kɛ nɔ ko nɛ ma ba pee Yuda no ɔ tsuo, kaa daa jeha, ngɛ be nɛ a to ɔ mi tutuutu ɔ, a ye ligbi enyɔ nɛ ɔmɛ kaa bɔ nɛ Mordekai ngma a pɛpɛɛpɛ.